ಕಾಯಕ ನಿಷ್ಠೆ ಕಾರ್ಯದಿಂದ ಜೀವನದಲ್ಲಿ ಸಾಧನೆ

ಮುಳಗುಂದ: ಬಿಸಿಲು, ಗಾಳಿ, ಮಳೆ ಎನ್ನದೆ ತಮ್ಮ ವ್ಯಾಪಾರದ ಮೂಲಕ ಸ್ವಾಭಿಮಾನದ ಜೀವನ ನಡೆಸುತ್ತಾರೆ‌. ಕಾಯಕದಲ್ಲಿ ನಿಷ್ಠೆಯಿಂದ ಕೆಲಸ ಮಾಡಿದವರು ಜೀವನದಲ್ಲಿ ಸಾಧನೆ ಮಾಡುತ್ತಾರೆ ಎಂದು ನೀಲಗುಂದ ಗುದ್ನೇಶ್ವರ ಮಠದ ಪ್ರಭುಲಿಂಗ ದೇವರು ಹೇಳಿದರು.

ವ್ಯಾಪಾರಿಗಳು ದುರ್ಮಾರ್ಗಳಿಗೆ ಇಳಿದು ವ್ಯಾಪಾರ ಮಾಡಿದ ಎಲ್ಲ ಹಣ ಕಳೆದುಕೊಳ್ಳಬೇಡಿ, ನಿಮ್ಮ ವ್ಯಾಪಾರದ ಮೇಲೆ ಇಡೀ ನಿಮ್ಮ ಕುಟುಂಬ ಅವಲಂಬಿತವಾಗಿರುತ್ತೇ ಅವರಿಗೆ ಮೊಸ ಮಾಡಬೇಡಿ. ಹೀಗೆ ಒಗ್ಗಟಾಗಿ ವ್ಯಾಪಾರ ನಡೆಸಿ,ಅಭಿವೃದ್ಧಿ ಹೊಂದಿ ನಿಮ್ಮ ಜೀವನ ಸಂತೋಷದಿಂದ ಕಳೆಯಿರಿ ಎಂದರು.

ಸ್ವಾಮಿ ವಿವೇಕಾನಂದ ಅವರೊಬ್ಬ ವೀರ ಸನ್ಯಾಸಿ, ವಿದೇಶಗಳಲ್ಲಿ ಭಾವನಾತ್ಮಕ ಸಂಬಂಧಗಳೇ ಇಲ್ಲದ ಸಂದರ್ಭದಲ್ಲಿ ಅಲ್ಲಿ ಭಾವನಾತ್ಮಕ ಸಂಬಂಧ ಬಿತ್ತಿದವರು ಸ್ವಾಮಿ ವಿವೇಕಾನಂದರು. ಹಿಂದೂ ದೇಶದ ಸಾರ ವಿಶ್ವಾದ್ಯಂತ ಪರಿಚಯಿಸಿದವರು. ಅದೇ ರೀತಿ ನೇತಾಜಿ ಸುಭಾಷ್ ಚಂದ್ರ ಬೋಸ್ ದೇಶದ ಸ್ವಾತಂತ್ರ್ಯಕ್ಕಾಗಿ ತಮ್ಮ ಇಡೀ ಜೀವನ ಮುಡಿಪಾಗಿಟ್ಟ ಮಹಾನ್ ವೀರರು ಎಂದರು.

ಈ ವೇಳೆ ವಿವಿಧ ಕ್ಷೇತ್ರದಲ್ಲಿ ಸಾಧನೆಗೈದ ಮಹನೀಯರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಡಾ.ಎಸ್‌.ಸಿ. ಚವಡಿ, ಪಪಂ ಮುಖ್ಯಾಧಿಕಾರಿ ಮಂಜುನಾಥ ಗುಳೇದ, ಸಮುದಾಯ ಸಂಘಟನಾಧಿಕಾರಿ ವಾಣಿಶ್ರೀ ನಿರಂಜನ ಸೇರಿದಂತೆ ಇತರರು ಮಾತನಾಡಿದರು.