2ನೇ ದಿನವೂ ಕಬ್ಬು ಬೆಳೆಗಾರರ ಪ್ರತಿಭಟನೆ

ಬಂಕಾಪುರ: ಮಂಗಳವಾರ ಬೆಳಗ್ಗೆಯಿಂದಲೇ ಪ್ರಾರಂಭವಾದ ರೈತರ ಹೋರಾಟ ರಾತ್ರಿವರೆಗೂ ಶಾಂತಿಯಿಂದ ನಡೆಯಿತು. ರಾತ್ರಿ ರೈತ ಸಂಘಟನೆಗಳು ಕೂಡಿಕೊಂಡು ಸ್ಥಳದಲ್ಲಿಯೇ ಅಡುಗೆ ತಯಾರಿಸಿ ಊಟ ಮಾಡಿದರು. ನಂತರ ರೈತರು ಅಹೋರಾತ್ರಿ ಭಜನೆ ಮಾಡಿದರು. ಕೆಲವು ರೈತರು ರಸ್ತೆಯಲ್ಲೇ ಮಲಗಿದರೆ ಕೆಲವು ರೈತರು ಭಜನೆ ನೋಡುತ್ತಾ ಬೆಳಗಿನವರೆಗೂ ಕಾಲ ಕಳೆದರು. ರೈತರ ಹೋರಾಟಕ್ಕೆ ಬೆಲೆ ಕೊಡದೇ ಸರ್ಕಾರಗಳು ತಮ್ಮ ದರ್ಪವನ್ನು ತೋರಿಸುತ್ತಿವೆ. ಹೋರಾಟ ನಡೆಸಿ ಎರಡು ದಿನವಾದರೂ ಯಾವುದೇ ರಾಜಕಾರಣಿಗಳಾಗಲಿ, ಅಧಿಕಾರಿಗಳಾಗಲಿ ರೈತರ ಗೋಳನ್ನು ಕೇಳಲು ಮುಂದಾಗುತ್ತಿಲ್ಲ ಎಂದು ರೈತರು ಆಕ್ರೋಶ ವ್ಯಕ್ತಪಡಿಸಿದರು.

ಪ್ರತಿಭಟನೆಯಲ್ಲಿ ಹಾವೇರಿ ಜಿಲ್ಲಾ ಘಟಕದ ಅಧ್ಯಕ್ಷ ಹನುಮಂತಣ್ಣ ಹುಚ್ಚಣ್ಣವರ, ಉಪಾಧ್ಯಕ್ಷರಾದ ಬಸಯ್ಯ ಬರಡಿ, ರುದ್ರಪ್ಪ ಬಳಿಗಾರ, ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯರಾದ ಶಶಿಧರ ಹೊನ್ನಣ್ಣವರ, ಕೃಷಿ ಸಮಾಜದ ಅಧ್ಯಕ್ಷರಾದ ನಾಗನಗೌಡ ಮರಿಗೌಡ್ರ, ಸಂಗಮೇಶ ಪಿತಾಂಬರಶೆಟ್ಟಿ, ದೇವರಾಜ ದೊಡ್ಡಮನಿ, ಶಿವಾನಂದ ಜಡಿಮಠ, ಶಿವಣ್ಣ ಕಬ್ಬೂರ, ಬಸಲಿಂಗಪ್ಪ ನರಗುಂದ, ಈರಣ್ಣ ಸೋಮಗೊಂಡ, ದೇವಣ್ಣ ಹಳವಳ್ಳಿ, ಕರೆಪ್ಪ ಹಳ್ಳದ, ಆನಂದ ಕೆಳಗಿನಮನಿ, ಶಂಕರಗೌಡ ಪಾಟೀಲ, ಶಿಗ್ಗಾಂವಿ, ರಾಣಿಬೆನ್ನೂರು, ಸವಣೂರು, ಹಾನಗಲ್ಲ ತಾಲೂಕಿನ ರೈತ ಮುಖಂಡರು ಪಾಲ್ಗೊಂಡಿದ್ದರು.