ಶರಣರು ನಿರಾಸೆ ಭಾವದ ಕಾಯಕ ಶ್ರೇಷ್ಠರು- ಶಶಿಧರ ಶಾಸ್ತ್ರಿ

ಕನ್ನಡಪ್ರಭ ವಾರ್ತೆ ನರಗುಂದ

ಅವರು ತಾಲೂಕಿನ ಶಿರೋಳ ಗ್ರಾಮದ ತೋಂಟದಾರ್ಯ ಶಾಖಾಮಠದ ಗದ್ದುಗೆ ಶಿಲಾ ಮಂಟಪ ಹಾಗೂ ಗೋಪುರ ಲೋಕಾರ್ಪಣೆ ನಿಮಿತ್ತ ನಡೆದ 23ನೇ ದಿನದ ಬಸವ ಪುರಾಣ ಕಾರ್ಯಕ್ರಮದಲ್ಲಿ ಸಿರಿತನ ಬಂದರೆ ಮನಸ್ಥಿತಿ ಮತ್ತು ಪರಿಸ್ಥಿತಿ ಎರಡೂ ಬದಲಾಗುತ್ತವೆ. ಶರಣರ ಸತ್ಯನುಡಿಗಳು ಶರೀರದ ಬಂಡಿಯ ಕಡೇ ಗೀಲು ಇದ್ದ ಹಾಗೆ ಎನ್ನುವ ಮೂಲಕ ಮಾನವ ಶರೀರವನ್ನು ವಚನಗಳಲ್ಲಿ ಅರ್ಥೈಸಿದ ಬಸವಾದಿ ಶಿವಶರಣರು. ಕಾಯವೇ ಭಗವಂತನಿಗೆ ಅರ್ಪಿತವಾಗಬೇಕು, ಆಸೆ ಎಂಬುದು ಅರಸಂಗಲ್ಲದೇ ಶಿವಭಕ್ತರಿಗೆ ಉಂಟೆ ಅಯ್ಯಾ, ಕಾಯಕದಲಿ ನಿರತನಾದರೆ ಗುರು ಲಿಂಗ ಜಂಗಮದ ಹಂಗ ಹರಿಯಬೇಕು ಎನ್ನುವಂತೆ ವಚನಗಳಿಗೆ ಶ್ರೀಕಾರ ಹಾಕಿದ ಶರಣ ದಾಸಿಮಯ್ಯನವರು, ಸುರಗಿ ಚೌಡಯ್ಯ, ಮೋಳಿಗೆ ಮಾರಯ್ಯ, ಕೃಷಿ ಕಾಯಕದ ಇಳಿಹಾಳ ಬೊಮ್ಮಯ್ಯ ನಮ್ಮ ರೈತ ಸಮುದಾಯದ ಆದರ್ಶ ಎಂದರು. ಕಲ್ಯಾಣದಲ್ಲಿ ಸಾಮಾಜಿಕ ಕ್ರಾಂತಿಯ ಜ್ವಾಲೆ ಕಾಯಕ ದಾಸೋಹ ಮತ್ತು ವಚನ ರಚನೆಯ ಮೂಲಕ ಸರ್ವವ್ಯಾಪಿಯಾಗಿ ಪಸರಿಸಿದ್ದವು ಎಂದರು.