ವಿದ್ಯುತ್ ದ್ವೀಪಾಲಂಕಾರಕ್ಕೆ ತಾಳಿಕೋಟೆ ಜಗಮಗ

ಕನ್ನಡಪ್ರಭ ವಾರ್ತೆ ತಾಳಿಕೋಟೆ

ಪಟ್ಟಣದ ಸಂಪರ್ಕ ರಸ್ತೆಗಳಿಂದ ಹಿಡಿದು ಪ್ರಮುಖ ಎಲ್ಲ ರಸ್ತೆಗಳಲ್ಲಿಯೂ ವಿದ್ಯುತ್ ದ್ವೀಪಗಳಿಂದ ಅಲಂಕಾರಗೊಳಿಸಲಾಗಿದೆ. ಇದರ ಜೊತೆಗೆ ಕೇಸರಿ ಬಟ್ಟೆಗಳಿಂದ ಪ್ರಮುಖ ನಡುರಸ್ತೆಗಳಲ್ಲಿ ಅಳವಡಿಸಲಾದ ವಿದ್ಯುತ್ ದ್ವೀಪಗಳ ಕಂಬಗಳಿಂದ ಸಿಂಗರಿಸಲಾಗಿದೆ. ಜೊತೆಗೆ ಜೈಶ್ರೀರಾಮ ಎಂಬ ನಾಮಪಠಣ ಪ್ರತಿಯೊಬ್ಬರಲ್ಲಿ ಮೂಡಲಿ ಎಂಬ ಕಾರಣದಿಂದ ಪ್ರತಿ ಕಂಬಗಳಿಂದ ಜೈಶ್ರೀರಾಮ ಎಂಬ ನಾಮಾಂಕಿತ ಅಂಟಿಸಿ ಶ್ರೀರಾಮ ಮೇಲಿನ ಭಕ್ತಿ ಸಮರ್ಪಣಾ ಭಾವ ಮೆರೆದಿದ್ದಾರೆ.

ಪಟ್ಟಣದಲ್ಲಿ ಪ್ರಮುಖವಾಗಿ ಗುರುತಿಸಲಾಗಿರುವ ಸುಮಾರು ೯೦ಕ್ಕೂ ಹೆಚ್ಚು ದೇವಸ್ಥಾನಗಳ ಸ್ವಚ್ಛತೆಯ ಜೊತೆಗೆ ವಿಶೇಷ ಪೂಜೆ ಕಾರ್ಯಾಕ್ರಮಗಳನ್ನು ಕೈಗೊಳ್ಳಲು ಖಾಸ್ಗತೇಶ್ವರಮಠದ ಬಾಲಶಿವಯೋಗಿ ಸಿದ್ಧಲಿಂಗ ದೇವರು ಕರೆ ನೀಡಿದ್ದು ಇದರಿಂದ ಯುವಕರಿಗೆ ಇನ್ನಷ್ಟು ಸ್ವಚ್ಛತೆಗೆ ಪುಷ್ಟಿ ನೀಡುವುದರ ಜೊತೆಗೆ ದೇವಸ್ಥಾನಗಳನ್ನು ಸ್ವಚ್ಛತೆಗೆ ಮುಂದಾಗಿದ್ದು, ಇದರಿಂದ ಬಹುತೇಕ ದೇವಸ್ಥಾನಗಳು ಸ್ವಚ್ಛತೆಗೊಂಡು ದೀಪಾಲಂಕಾರದಿಂದ ಕಂಗೊಳಿಸುತ್ತಿವೆ. ಇದರ ಜೊತೆಗೆ ವಿಶ್ವ ಹಿಂದು ಪರಿಷತ್ ಕರೆಯಂತೆ ಈಗಾಗಲೇ ಪಟ್ಟಣದ ಮುಖ್ಯಭಾಗದಲ್ಲಿರುವ ಶ್ರೀಹನುಮಾನ ಮಂದಿರ ಒಳಗೊಂಡು ಕೆಲವು ದೇವಸ್ಥಾನಗಳಲ್ಲಿ ಜ.೧೪ ರಿಂದಲೇ ಶ್ರೀರಾಮ ನಾಮ ಜಪದ ಜೊತೆಗೆ ಪಾರಾಯಣ, ಮಂತ್ರಘೋಷ, ಅಲ್ಲದೇ ಶ್ರೀರಾಮ ಸ್ತ್ರೋತ್ರಗಳನ್ನು ಪಠಿಸುತ್ತ ಬರಲಾಗಿದೆ.