ಸಮೀಕ್ಷೆಗೆ ಸವಾಲಾದ ತಾಂತ್ರಿಕ ಸಮಸ್ಯೆ

ಮಹಮ್ಮದ ರಫೀಕ್ ಬೀಳಗಿ

ರಾಜ್ಯ ಸರ್ಕಾರದಿಂದ ಕೈಗೊಳ್ಳಲಾಗಿರುವ ಆರ್ಥಿಕ, ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ ತಾಂತ್ರಿಕ ಸಮಸ್ಯೆ ಇನ್ನೂ ಸವಾಲಾಗಿಯೇ ಪರಿಣಮಿಸಿದೆ.

ಸಮೀಕ್ಷೆ ಆರಂಭವಾದ ಸೋಮವಾರ ಕೆಲ ತಾಂತ್ರಿಕ ಅಡೆತಡೆಗಳು ಎದುರಾಗಿದ್ದವು. ಅಂದು ಅಧಿಕಾರಿಗಳು ಹರಸಾಹಸ ಪಟ್ಟು ಕೆಲವೆಡೆ ಸಮೀಕ್ಷೆಗೆ ಚಾಲನೆ ನೀಡುವ ಕಾರ್ಯ ಮಾಡಿದ್ದರು. ಕೆಲವೆಡೆ ಅಂದು ಕಿಟ್‌ಗಳನ್ನು ಸಹ ಗಣತಿದಾರರಿಗೆ ಪೂರೈಸಿರಲಿಲ್ಲ. ಮಂಗಳವಾರ ಎಲ್ಲರಿಗೂ ಕಿಟ್‌ ವಿತರಿಸಿ ಸರ್ವೇ ಆರಂಭಿಸಲಾಯಿತು. ಆದರೆ, ಆ್ಯಪ್‌ ಮಾತ್ರ ಕೆಲಸ ಮಾಡಲೇ ಇಲ್ಲ. ಸಂಜೆವರೆಗೆ ಬೆರೆಳೆಣಿಕೆಯಷ್ಟು ಮಾತ್ರ ಸಮೀಕ್ಷೆ ಮಾಡಲಾಗಿತ್ತು.

ಒಟಿಪಿ ನೀಡಲು ಹಿಂದೇಟು:

ಇನ್ನು ಮನೆಯಲ್ಲಿ ಜನಸಂಖ್ಯೆ ಹೆಚ್ಚಿದ್ದರೆ ಮತ್ತು ಕೆಲ ಸದಸ್ಯರು ಬೇರೆ ಊರುಗಳಲ್ಲಿ ನೆಲೆಸಿದ್ದು, ಅವರ ಮಾಹಿತಿ ಎಲ್ಲಿ ನೋಂದಾಯಿಸಬೇಕು ಎನ್ನುವ ಗೊಂದಲವೂ ಕೆಲವೆಡೆ ಕಂಡುಬಂದಿದೆ. ಇದೇ ವೇಳೆ ಕುಟುಂಬಸ್ಥರಿಗೆ ಆದಾಯ, ಖರ್ಚು ಮತ್ತು ಸರ್ಕಾರಿ ಯೋಜನೆಗಳ ಲಾಭ ಪಡೆದಿರುವ ಬಗೆಗೆ ಕೇಳಿದಾಗ ಜನ ಮಾಹಿತಿ ನೀಡಲು ಭಯಬೀಳುತ್ತಿದ್ದಾರೆ.

ಮ್ಯಾನುವಲ್ ಆಗಿದ್ದರೆ ಬಹುಬೇಗ ಗಣತಿ ಕಾರ್ಯ ಮುಗಿಸಬಹುದಿತ್ತು. ಆದರೆ ಆ್ಯಪ್ ಮೂಲಕ ಮಾಡುತ್ತಿರುವುದರಿಂದ ಪ್ರತಿ ಪ್ರಶ್ನೆಗೆ ಉತ್ತರಿಸಿದ ಮೇಲೆಯೇ ಮತ್ತೊಂದು ಪ್ರಶ್ನೆ ತೆರೆದುಕೊಳ್ಳುತ್ತದೆ. ಹೀಗಾಗಿ, ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತಿದೆ. ಈ ವೇಳೆ ಆಧಾರ್ ಒಟಿಪಿ ಸರಿ ಸಮಯಕ್ಕೆ ಬರದೇ ಇದ್ದರೆ ಮುಂದಿನ ಹಂತದ ವರೆಗೆ ಕಾಯಲೇಬೇಕಾದ ಸ್ಥಿತಿ ಇದೆ. ಹೀಗಾಗಿ, ಶೀಘ್ರ ಈ ತಾಂತ್ರಿಕ ಸಮಸ್ಯೆಗಳನ್ನು ಸರಿಪಡಿಸಿ ಸರ್ವೇಗೆ ಕಾರ್ಯ ಸರಳೀಕರಿಸಬೇಕು ಎನ್ನುವುದು ಬಹುತೇಕ ಗಣತಿದಾರರ ಆಗ್ರಹವಾಗಿದೆ.

ಎಚ್.ಎಂ. ಪಡ್ನೇಶಿ ಹುಬ್ಬಳ್ಳಿ ಶಹರ ಬಿಇಒ