ಶಾಲೆ ಶುರುಮುನ್ನವೇ ಪಠ್ಯಪುಸ್ತಕ ಪೂರೈಕೆ; ಶಿಕ್ಷಣ ಇಲಾಖೆಯ ಕ್ರಮಕ್ಕೆ ಮೆಚ್ಚುಗೆ

ಮಂಜುನಾಥ ಕೆ.ಎಂ.

ಜಿಲ್ಲೆಯ ಐದು ತಾಲೂಕುಗಳಲ್ಲಿ ಕಿರಿಯ ಪ್ರಾಥಮಿಕ ಶಾಲೆ 229, ಹಿರಿಯ ಪ್ರಾಥಮಿಕ ಶಾಲೆ 366 ಹಾಗೂ ಪ್ರೌಢ ಶಾಲೆ 125 ಸೇರಿ ಒಟ್ಟು 720 ಶಾಲೆಗಳಿವೆ. ಇದರ ಹೊರತಾಗಿ ಅನುದಾನಿತ 72, ಖಾಸಗಿ 439 ಸೇರಿ ಒಟ್ಟಾರೆಯಾಗಿ 1267 ಶಾಲೆಗಳಿವೆ. 2025-26ನೇ ಸಾಲಿನಲ್ಲಿ ಸರ್ಕಾರಿ ಶಾಲೆಗಳಲ್ಲಿ1-10ನೇ ತರಗತಿವರೆಗೆ ಒಟ್ಟು 1,27,429 ಮಕ್ಕಳು ದಾಖಲಾಗಿದ್ದು, 2026-27ನೇ ಸಾಲಿನ ಪ್ರವೇಶ ಪ್ರಕ್ರಿಯೆ ನಡೆಯುತ್ತಿದೆ.

1-10ನೇ ತರಗತಿವರೆಗೆ 24,500ಮಕ್ಕಳು, ಅನುದಾನಿತ 2,500ಮಕ್ಕಳಿಗೆ ವಿಷಯವಾರು, ಮಾಧ್ಯಮವಾರು ಸೇರಿ ಒಟ್ಟು 17, 30, 287 ಪುಸ್ತಕಗಳ ಬೇಡಿಕೆಯ ಪೈಕಿ ಈಗಾಗಲೇ 15,55,505 ಪಠ್ಯಪುಸ್ತಕಗಳು ಪೂರೈಕೆಯಾಗಿವೆ. 10,03786 ಪುಸ್ತಕಗಳನ್ನು ಆಯಾ ತಾಲೂಕುಗಳ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿಗೆ ಕಳಿಸಲಾಗಿದೆ. ಈವರೆಗೆ ಶೇ.74ರಷ್ಟು ಪುಸ್ತಕಗಳು ಜಿಲ್ಲಾ ಕೇಂದ್ರಕ್ಕೆ ಆಗಮಿಸಿದ್ದು ಶಾಲೆಗಳಿಗೆ ಪೂರೈಕೆ ಕಾರ್ಯ ಪ್ರಗತಿಯಲ್ಲಿದೆ ಎಂದು ಡಿಡಿಪಿಐ ಬಿ.ಉಮಾದೇವಿ ಕನ್ನಡಪ್ರಭಕ್ಕೆ ತಿಳಿಸಿದರು.

ಜಿಲ್ಲೆಯ ಎಲ್ಲ ಸರ್ಕಾರಿ, ಅನುದಾನಿತ ಹಾಗೂ ಅನುದಾನ ರಹಿತ ಶಾಲೆಗಳಿಗೆ ಬೇಕಾದ ಪಠ್ಯಪುಸ್ತಕಗಳನ್ನು ಇಲಾಖೆ ಈಗಾಗಲೇ ಪೂರೈಸುತ್ತಿದ್ದು, ಶೇ.74ರಷ್ಟು ಪುಸ್ತಕಗಳು ಬಂದಿವೆ. ಮೇ 29ರೊಳಗೆ ಎಲ್ಲ ಶಾಲೆಗಳಿಗೆ ತಲುಪಿಸುವ ವ್ಯವಸ್ಥೆ ಮಾಡಿಕೊಂಡಿದ್ದೇವೆ. ಜೂನ್ 1ರಂದು ಪೋಷಕರ ಮಹಾಸಭೆ ಹಾಗೂ ಶಾಲಾ ಶುರು ದಿನದಂದು ವಿದ್ಯಾರ್ಥಿಗಳಿಗೆ ಪಠ್ಯಪುಸ್ತಕಗಳನ್ನಿ ವಿತರಣೆ ಮಾಡಲಾಗುವುದು ಎನ್ನುತ್ತಾರೆ ಡಿಡಿಪಿಐ ಬಿ.ಉಮಾದೇವಿ.