ಚಂದ್ರಶೇಖರ ಶ್ರೀಗಳ ಶ್ರಮದಿಂದ ಹಿರೇಕಲ್ಮಠಕ್ಕೆ ಹೆಸರು: ಅವರಗೊಳ್ಳ ಮಠದ ಓಂಕಾರೇಶ್ವರ ಶ್ರೀ

ವಾರ್ಷಿಕ ಪುಣ್ಯರಾಧನೆ । ಶಿವಾಚಾರ್ಯರ 10ನೇ ವಾರ್ಷಿಕ ಸಂಸ್ಮರಣೆ

ಕನ್ನಡಪ್ರಭ ವಾರ್ತೆ ಹೊನ್ನಾಳಿ

ಹಿರೇಕಲ್ಮಠದಲ್ಲಿ ಲಿಂ.ಮೃತ್ಯುಜಯ ಶಿವಾಚಾರ್ಯ ಸ್ವಾಮೀಜಿ ಅವರ 55ನೇ ವಾರ್ಷಿಕ ಪುಣ್ಯಾರಾಧನೆ ಮತ್ತು ಲಿಂ.ಒಡೆಯರ್ ಚಂದ್ರಶೇಖರ ಶಿವಾಚಾರ್ಯ ಸ್ವಾಮೀಜಿಯ10ನೇ ವಾರ್ಷಿಕ ಸಂಸ್ಮರಣೆ ಪ್ರಯುಕ್ತ ಹಮ್ಮಿಕೊಂಡಿದ್ದ ವಿವಿಧ ದತ್ತಿ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಮೈಸೂರು ಜೆಎಸ್‌ಎಸ್ ಕಾಲೇಜಿನ ಉಪನ್ಯಾಸಕಿ, ಸಾಹಿತಿ ಡಾ.ಎಚ್.ತಿಪ್ಪೇರುದ್ರಸ್ವಮಿಯವರ ಪುತ್ರಿ ಡಾ.ಎಚ್.ಟಿ.ಶೈಲಜಾ ಮಾತನಾಡಿ, ಡಾ.ಎಚ್.ತಿಪ್ಪೇರುದ್ರಸ್ವಾಮಿಯವರು ಹೊನ್ನಾಳಿ ತಾಲೂಕಿನ ಹಿರೇಗೋಣಿಗೆರೆ ಎಂಬ ಚಿಕ್ಕ ಗ್ರಾಮದಲ್ಲಿ ಜನಿಸಿ ಸಾಹಿತ್ಯ ಕ್ಷೇತ್ರದಲ್ಲಿ ಉತ್ಕೃಷ್ಟ ಸೇವೆ ಸಲ್ಲಿಸಿದರು ಎಂದು ಹೇಳಿದರು.

ಅತ್ಯಂತ ಸರಳ, ಸಜ್ಜನಿಕೆಗೆ ಹೆಸರಾದ ಡಾ.ಎಚ್.ತಿಪ್ಪೇರುದ್ರಾಸ್ವಾಮಿ ಅವರು ಗಾಂಧೀಜಿ ಅವರ ಬದುಕಿಗೆ ಮಾರು ಹೋಗಿ ಬದುಕಿನುದ್ದಕ್ಕೂ ಖಾದಿ ತೊಟ್ಟು ಜೀವನ ಸಾಗಿಸಿ ಎಲ್ಲರಿಗೂ ಮಾದರಿ ಎನಿಸಿಕೊಂಡರು ಎಂದು ತಿಳಿಸಿದರು.

ಹಾವೇರಿ ಜಿಲ್ಲೆ ಕರ್ಜಿಗಿ ಗೌರಿ ಮಠದ ಶಿವಯೋಗಿ ಶಿವಾಚಾರ್ಯ ಸ್ವಾಮೀಜಿ, ಕಾಂಗ್ರೆಸ್ ಮುಖಂಡ ಮಧುಗೌಡ ಮಾತನಾಡಿದರು.

ಡಾ.ಎಚ್.ತಿಪ್ಪೇರುದ್ರಸ್ವಾಮಿಯವರ ದತ್ತಿ ಬಗ್ಗೆ ಶಿಕ್ಷಕಿ ಜಯಶೀಲಗಂಗಾಧರ, ಹಾಗೂ ಎಚ್.ಎನ್.ಷಡಕ್ಷರಿಶಾಸ್ಥ್ರಿ ಅವರ ಬದುಕು ಬಗ್ಗೆ ಡಾ.ಪ್ರತಿಮಾ ನಿಜಗುಣ ಶಿವಯೋಗಿಸ್ವಾಮಿ ದತ್ತಿ ಉಪನ್ಯಾಸ ನೀಡಿದರು.