ಪೂಜೆಗೆ ಬಂದು ಮಸಣ ಸೇರಿದ ಬಾಲಕ

ದಾಬಸ್‍ಪೇಟೆ: ಪ್ರತಿಷ್ಠಾಪಿಸಿದ್ದ ಗಣೇಶನನ್ನು ನೋಡಿ ವಾಪಸ್ ಮನೆಗೆ ಹೋಗುವ ವೇಳೆ ರೈಲು ಡಿಕ್ಕಿ ಹೊಡೆದು ಮಗ ಸಾವನ್ನಪ್ಪಿದ್ದು, ತಂದೆ ಗಂಭೀರ ಗಾಯಗೊಂಡಿರುವ ಘಟನೆ ಸೋಂಪುರ ಹೋಬಳಿಯ ಅಲ್ಪಯ್ಯನಪಾಳ್ಯದ ಸಮೀಪ ನಡೆದಿದೆ.

ಬುಧವಾರ ಸಂಜೆ ನಿಡವಂದದಲ್ಲಿ ಕೂರಿಸಿದ್ದ ಗಣೇಶನನ್ನು ನೋಡಲು ನಿತಿನ್ ಮಗ, ಪತ್ನಿಯೊಂದಿಗೆ ಬಂದು ದರ್ಶನ ಪಡೆದು ರಾತ್ರಿ ರೈಲ್ವೆ ಹಳಿ ದಾಟುವಾಗ ಒಂದು ಬದಿಯಿಂದ ಹಂಪಿ ಎಕ್ಸ್‌ಪ್ರೆಸ್ (ಗೊಲ್ಗಬಜ್-ಸೊಲ್ಲಾಪುರ) ಹಾಗೂ ಯಶವಂತಪುರ-ಶಿವಮೊಗ್ಗ ಪ್ಯಾಸೆಂಜರ್ ರೈಲು, ಒಂದು ಟ್ರಾಕ್‌ನಲ್ಲಿ ರೈಲು ತೆರಳಿದೆ, ಮತ್ತೊಂದು ರೈಲು ಗಮನಿಸದೇ, ಸೌರವ್ ರೈಲಿಗೆ ಸಿಲುಕಿದ್ದು, ಮಗನನ್ನು ರಕ್ಷಿಸಲು ಹೋದ ತಂದೆ ರೈಲಿಗೆ ಸಿಲುಕಿದ್ದಾನೆ.

ಘಟನಾ ಸ್ಥಳಕ್ಕೆ ದಾಬಸ್ ಪೇಟೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿ, ಯಶವಂತಪುರ ರೈಲ್ವೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.