ಲಕ್ಷಾಂತರ ಜನರ ಬಲಿದಾನದಿಂದ ದೇಶ ಸ್ವತಂತ್ರ: ಜಯತೀರ್ಥ ಕಟ್ಟಿ

ಹಾವೇರಿ: ಸ್ವಾತಂತ್ರ್ಯ ಗಳಿಸಲು ದೇಶದಲ್ಲಿ ಲಕ್ಷಾಂತರ ಜನರ ಬಲಿದಾನವಾಗಿದೆ. ಭಾರತಕ್ಕೆ ಸ್ವಾತಂತ್ರ್ಯ ಸುಮ್ಮನೆ ಬರಲಿಲ್ಲ. ಇದರ ಹಿಂದೆ ಬಲಿದಾನಗಳ ಭಯಾನಕ ಇತಿಹಾಸವಿದೆ. ಭಾರತವನ್ನು ತುಂಡರಿಸುವ ಹುನ್ನಾರ ವ್ಯವಸ್ಥಿತವಾಗಿ ಜರುಗಿದೆ ಎಂದು ಬಿಜೆಪಿ ಪ್ರಮುಖರಾದ ಜಯತೀರ್ಥ ಕಟ್ಟಿ ತಿಳಿಸಿದರು.

ಸ್ವಾತಂತ್ರ್ಯ ಸಂಘರ್ಷದಲ್ಲಿ ಭಗತ್ ಸಿಂಗ್, ರಾಜ ಗುರು, ಸುಖದೇವ, ಲಾಲಾರಜಪತರಾಯ್, ಬಾಲಾಗಂಗಾಧರ ತಿಲಕ ಅವರಂತಹ ನೂರಾರು ವ್ಯಕ್ತಿಗಳು ಬಲಿದಾನವಿದೆ. ಇಂದಿನ ಪೀಳಿಗೆ ಯಾವ ಉದ್ದೇಶಕ್ಕಾಗಿ ದೇಶವನ್ನು ವಿಭಜಿಸಲಾಯಿತು, ಯಾರ ಸ್ವಾರ್ಥ ಸಾಧನೆಗಾಗಿ ದೇಶವನ್ನು ತುಂಡರಿಸಲಾಯಿತು ಎಂಬ ಅಂಶಗಳನ್ನು ಅರಿತು ದೇಶದ ಅಭಿವೃದ್ದಿಗೆ ಕಟ್ಟಿಬದ್ದರಾಗಿ ನಿಲ್ಲಬೇಕು ಎಂದರು. ಕಾರ್ಯಕ್ರಮದ ಪೂರ್ವದಲ್ಲಿ ಯುವ ಮೋರ್ಚಾ ವತಿಯಿಂದ ಹುಕ್ಕೇರಿ ಮಠದಿಂದ ಪಕ್ಷದ ಜಿಲ್ಲಾ ಕಾರ್ಯಾಲಯದವರೆಗೆ ಹರ್ ಘರ್ ತಿರಂಗಾ ಯಾತ್ರೆಯ ಬೈಕ್‌ ರ‍್ಯಾಲಿ ಜರುಗಿತು.ಕಾರ್ಯಕ್ರಮದ ಜಿಲ್ಲಾ ಸಂಚಾಲಕ ಭೋಜರಾಜ ಕರೂದಿ ಮಾತನಾಡಿದರು. ಜಿಲ್ಲಾಧ್ಯಕ್ಷ ವಿರುಪಾಕ್ಷಪ್ಪ ಬಳ್ಳಾರಿ, ಮಾಜಿ ಶಾಸಕರಾದ ಶಿವರಾಜ ಸಜ್ಜನರ, ಅರುಣಕುಮಾರ ಪೂಜಾರ, ಮುಖಂಡರಾದ ಗವಿಸಿದ್ದಪ್ಪ ದ್ಯಾಮಣ್ಣನವರ, ಭರತ್ ಬೊಮ್ಮಾಯಿ, ರಾಜ್ಯ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಡಾ. ಶೋಭಾ ನಿಸ್ಸಿಮಗೌಡರ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿಗಳಾದ ಡಾ. ಸಂತೋಷ ಆಲದಕಟ್ಟಿ, ನಂಜುಂಡೇಶ ಕಳ್ಳೇರ, ಮಂಜುನಾಥ ಗಾಣಿಗೇರ, ಸಿದ್ದರಾಜ ಕಲಕೋಟಿ, ನಾಗೇಂದ್ರ ಕಡಕೋಳ, ಲಿಂಗರಾಜ ಚಪ್ಪರದಹಳ್ಳಿ ಇತರರು ಇದ್ದರು. ಕಿರಣಕುಮಾರ ಕೋಣನವರ ಕಾರ್ಯಕ್ರಮ ನಿರ್ವಹಿಸಿದರು.