ಅನಾಥವಾಗಿರುವ ತಲಕಾಡು ಶಿಕ್ಷಕರ ವಸತಿ ಗೃಹಗಳು

- ಕಟ್ಟಡದ ಬಾಗಿಲು ಕಿಟಕಿಗಳು ಕಣ್ಮರೆಯಾಗಿದ್ದು, ಅನೈತಿಕ ಚಟುವಟಿಕೆಗಳ ತಾಣಕನ್ನಡಪ್ರಭ ವಾರ್ತೆ ತಲಕಾಡು

ನೂತನ ಕಟ್ಟಡ ಅನಾಥವಾಗಿದ್ದ ಹಿನ್ನೆಲೆ ಈಗಾಗಲೆ ಕಟ್ಟಡದ ಬಾಗಿಲು ಕಿಟಕಿಗಳು ಕಣ್ಮರೆಯಾಗಿದ್ದು, ಅನೈತಿಕ ಚಟುವಟಿಕೆಗಳ ತಾಣವಾಗಿದೆ.

ಯಾವ ಪುರುಷಾರ್ಥ ಸಾಧನೆಗಾಗಿ ಇಲ್ಲಿ ಕಟ್ಟಡ ನಿರ್ಮಿಸಿದರೂ ಎಂಬುದನ್ನು ನಿರ್ಮಿಸಿದ ಅಧಿಕಾರಿಗಳೇ ಈಗ ಹೇಳಬೇಕಿದೆ. ಸರ್ಕಾರದ ಕಾಸು ಇಲ್ಲಿ ಯಾವುದೇ ಪ್ರಯೋಜನಕ್ಕೆ ಬರದೆ ನಿಷ್ಪ್ರ ಯೋಜಕವಾಗಿದೆ. ಹೀಗೆ ಬೇಕಾಬಿಟ್ಟಿ ನಿರ್ಮಿಸಿ ಬಿಟ್ಟಿರುವ ಉದ್ದೇಶ ಕಂಡೂ ಕಾಣದಂತಿರುವ ಶಿಕ್ಷಣ ಇಲಾಖೆಯ ಅಧಿಕಾರಿಗಳು ಕಾಟಾಚಾರಕ್ಕೆ ಆಗೊಮ್ಮೆ ಈಗೊಮ್ಮೆ ಬಂದು ಕಟ್ಟಡದ ಪರಿಶೀಲನೆ ನಡೆಸಿ ಹೋಗಿದ್ದಾರೆಯೇ ಹೊರತು ಪ್ರಯೋಜನ ಶೂನ್ಯವಾಗಿದೆ.

ಶಿಕ್ಷಕರ ವಾಸಕ್ಕೆ ಅನುಕೂಲವಾಗಲಿ ಎಂಬ ಸದುದ್ದೇಶದೊಂದಿಗೆ ಇಲ್ಲಿ ರಾಜೀವಗಾಂಧಿ ವಸತಿ ನಿಗಮದವರು ನಿರ್ಮಿಸಿದ ನೂತನ ಕಟ್ಟಡ ಶಿಕ್ಷಣ ಇಲಾಖೆಯವರಿಗಾಗಲಿ ಅಥವಾ ಸ್ವಂತ ಕಟ್ಟಡ ಸೌಕರ್ಯವಿಲ್ಲದೆ ಬಾಡಿಗೆ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಇತರೆ ಇಲಾಖೆ ಯವರಿಗಾಗಲಿ ಪ್ರಯೋಜನಕ್ಕೆ ಬರದೆ ಸರ್ಕಾರದ ಬೊಕ್ಕಸಕ್ಕೆ ಹೊರೆಯಾಗಿದೆ.

----------

- ಎಚ್.ಕೆ. ಪಾಂಡು, ಡಿಡಿಪಿಐ, ಮೈಸೂರು.