ಬೊಕ್ಕಸಕ್ಕೆ ಈ ಸಲವೂ ‘ಕಿಕ್‌’ ನೀಡದ ಅಬಕಾರಿ ರಾಜಸ್ವ

ಸಿದ್ದು ಚಿಕ್ಕಬಳ್ಳೇಕೆರೆಕನ್ನಡಪ್ರಭ ವಾರ್ತೆ ಬೆಂಗಳೂರು

2024-25 ನೇ ಸಾಲಿಗೆ ಬಜೆಟ್‌ನಲ್ಲಿ ಅಬಕಾರಿ ಇಲಾಖೆಗೆ 38,525 ಕೋಟಿ ರು. ರಾಜಸ್ವ ಸಂಗ್ರಹದ ಗುರಿ ನೀಡಲಾಗಿತ್ತು. ಆದರೆ ವರ್ಷಾಂತ್ಯಕ್ಕೆ 35,530 ಕೋಟಿ ರು. ಮಾತ್ರ ಸಂಗ್ರಹವಾಗಿದ್ದು 2,995 ಕೋಟಿ ರು. ‘ಕೊರತೆ’ಯಾಗಿದೆ. 2023-24 ನೇ ಸಾಲಿನಲ್ಲೂ ನಿರೀಕ್ಷಿತ ಗುರಿ ‘ಸಾಧನೆ’ ಆಗಿರಲಿಲ್ಲ. ಬಜೆಟ್‌ನಲ್ಲಿ 36,000 ಕೋಟಿ ರು. ರಾಜಸ್ವ ನಿರೀಕ್ಷೆ ಮಾಡಲಾಗಿತ್ತಾದರೂ 34,628 ಕೋಟಿ ರು. ಅಷ್ಟೇ ಸಂಗ್ರಹವಾಗಿತ್ತು.

ಮದ್ಯ ಮಾರಾಟ ಹೆಚ್ಚಳ: ಮತ್ತೊಂದೆಡೆ, 2023-24 ನೇ ಸಾಲಿಗೆ ಹೋಲಿಸಿದರೆ 2024-25 ರಲ್ಲಿ ಮದ್ಯ ಮಾರಾಟ ಪ್ರಮಾಣ ಹೆಚ್ಚಳವಾಗಿದೆ. 2023-24ರಲ್ಲಿ 705.53 ಲಕ್ಷ ಬಾಕ್ಸ್‌ ಐಎಂಎಲ್‌ (ದೇಶೀಯ ಮದ್ಯ) ಮತ್ತು 444.05 ಲಕ್ಷ ಬಾಕ್ಸ್‌ ಬಿಯರ್‌ ಮಾರಾಟವಾಗಿದ್ದರೆ, 2024-25ರಲ್ಲಿ 708.85 ಲಕ್ಷ ಬಾಕ್ಸ್‌ ಐಎಂಎಲ್‌ ಮತ್ತು 450.36 ಲಕ್ಷ ಬಾಕ್ಸ್‌ ಬಿಯರ್‌ ಮಾರಾಟವಾಗಿದ್ದು, ಒಟ್ಟಾರೆ ಕ್ರಮವಾಗಿ ಶೇ.0.47 ಮತ್ತು 1.42 ರಷ್ಟು ಬೆಳವಣಿಗೆ ಕಂಡುಬಂದಿದೆ.

ಆದರೆ, ಕಳೆದ 2023-24 ನೇ ಸಾಲಿನ ವಹಿವಾಟಿಗೆ ಹೋಲಿಸಿದರೆ 2024 ಅಕ್ಟೋಬರ್‌ನಿಂದ 2025 ಮಾರ್ಚ್‌ವರೆಗೂ ಬಿಯರ್‌ ಮಾರಾಟದಲ್ಲಿ ಗಣನೀಯ ಕುಸಿತ ಕಂಡುಬಂದಿದೆ. ಬಿಯರ್‌ ಬೆಲೆ ಹೆಚ್ಚಿಸಿದ್ದೂ ಮಾರಾಟಕ್ಕೆ ಹೊಡೆತ ಬೀಳಲು ಪ್ರಮುಖ ಕಾರಣವಾಯಿತು ಎಂದು ಮೂಲಗಳು ಸ್ಪಷ್ಟಪಡಿಸಿವೆ.ಯಾವ್ಯಾವ ವರ್ಷ ಎಷ್ಟೆಷ್ಟು ಲಕ್ಷ ಬಾಕ್ಸ್‌ ಮದ್ಯ ಮಾರಾಟ?

ವರ್ಷರಾಜಸ್ವ ಗುರಿ(ಕೋಟಿ ರು.)ರಾಜಸ್ವ ಸಂಗ್ರಹ(ಕೋಟಿ ರು.)2018-1919,75019,943.932019-2020,95021,583.952020-2122,70023,332.102021-2224,58026,377.682022-2329,00029,929.372023-2436,00034,6282024-2538,52535,530

ಸರ್ಕಾರದ ವರಮಾನ ಮತ್ತು ಸನ್ನದುದಾರರ ಹಿತಾಸಕ್ತಿ ಕಾಪಾಡುವ ಅಧಿಕಾರಿಗಳು ಇಂದು ಅಬಕಾರಿ ಇಲಾಖೆಯಲ್ಲಿ ವಿರಳವಾಗಿದ್ದಾರೆ. ರಾಜಸ್ವ ಸಂಗ್ರಹ ಕುಂಠಿತವಾಗಲು ಇದೇ ಪ್ರಮುಖ ಕಾರಣ.- ಗೋವಿಂದರಾಜ್‌ ಹೆಗ್ಡೆ, ರಾಜ್ಯ ಮದ್ಯ ಮಾರಾಟಗಾರರ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ