ಕಲಿಯುಗದಲ್ಲಿ ಸುಳ್ಳೆ ಸಂಸಾರ

ಯಲ್ಲಾಪುರ: ಕಲಿಯುಗದಲ್ಲಿ ಸುಳ್ಳೇ ಸಂಸಾರವಾಗಿದೆ. ಹೇಳಿದ ಒಂದು ಸುಳ್ಳಿಗೆ ನೂರು, ಸಾವಿರ ಸುಳ್ಳು ಹೇಳುವ ಮೂಲಕ ಸುಳ್ಳಿನ ಸರಮಾಲೆ ಕಟ್ಟಬೇಕಾಗುತ್ತದೆ. ಸುಳ್ಳು ಹೇಳುವುದನ್ನೇ ಬಿಟ್ಟರೆ ಅಡಗಿಕೊಳ್ಳುವ ಪ್ರಮೇಯವೇ ಬರದು.ಈ ನಾಟಕದ ಮೂಲಕ ರಚನಾಕಾರರು ಸತ್ಯದ ಅನಾವರಣ ಮಾಡಿದ್ದಾರೆ ಎಂದು ಟಿಎಂಎಸ್ ಅಧ್ಯಕ್ಷ ಎನ್.ಕೆ.ಭಟ್ಟ ಅಗ್ಗಾಶಿಕುಂಬ್ರಿ ಹೇಳಿದರು.

ನಾಟಕ ರಚಿಸಿ, ನಿರ್ದೇಶಿಸಿದ ಅಡ್ಡಂಡ ಕಾರ್ಯಪ್ಪ ಮಾತನಾಡಿ, ಯಾವುದೋ ಸಮುದಾಯ ಮೆಚ್ಚಿಸಲು ಅನೇಕ ಸತ್ಯ ಮುಚ್ಚಿಟ್ಟು ಹಿಂದೂ ಸಮಾಜವನ್ನು ಗೋಳಾಡಿಸಿ,ಬಗ್ಗು ಬಡಿಯಲಾಗಿದೆ. ನಮ್ಮನ್ನಾಳಿದವರು ಆಡಿದ ಮಾತನ್ನೇ ಇತಿಹಾಸ ಎಂದು ನಂಬಿದ್ದೇವೆ. ಮುಚ್ಚಿಟ್ಟ ಸತ್ಯ ಬಿಚ್ಚಿಡುವ ಪ್ರಯತ್ನ ಈ ನಾಟಕದಲ್ಲಿ ಮಾಡಲಾಗಿದೆ. ಇದು ರಂಗಯಜ್ಞದಲ್ಲಿ ಭಾರತ ಮಾತೆಗೆ ನೀಡಿದ ಹವಿಸ್ಸು. ಇಲ್ಲಿನ ಪ್ರತಿ ವಾಕ್ಯ,ಸಂಭಾಷಣೆಗೂ ನಾನೇ ಜವಾಬ್ದಾರನಾಗಿದ್ದೇನೆ'''' ಎಂದರು.

ಅಭಾಸಾಪ ರಾಜ್ಯ ಪ್ರಧಾನ ಕಾರ್ಯದರ್ಶಿ ರಘುನಂದನ ಭಟ್ಟ, ಜಿಪಂ ಮಾಜಿ ಸದಸ್ಯ ರಾಘವೇಂದ್ರ ಭಟ್ಟ ಹಾಸಣಗಿ ಸಾಂದರ್ಭಿಕ ಮಾತನಾಡಿದರು.