ವೀರ ವರಸಿದ್ಧಿ ವಿನಾಯಕ ಶೋಭಾಯಾತ್ರೆ ಸಂಪನ್ನ

- ಗಣಪನ ಮೆರವಣಿಗೆ ಟ್ರ್ಯಾಕ್ಟರ್‌ನ ಸಾರಥಿಯಾದ ಜಿಲ್ಲಾಧಿಕಾರಿ ಗಂಗಾಧರ ಸ್ವಾಮಿ । ಬಾತಿ ಕೆರೆಯಲ್ಲಿ ಗಣೇಶ ವಿಸರ್ಜನೆ - ವಿಘ್ನೇಶನಿಗೆ ನಮಿಸಿ ಟ್ರ್ಯಾಕ್ಟರ್‌ ಏರಿದ ಸಂಸದೆ । ಯುವಕರ ನಿಯಂತ್ರಿಸಲು ಪೊಲೀಸರ ಸಾಹಸ, ಲಘು ಲಾಠಿ ಪ್ರಹಾರ

ಕನ್ನಡಪ್ರಭ ವಾರ್ತೆ ದಾವಣಗೆರೆ

ವಿನೋಬ ನಗರ 2ನೇ ಮುಖ್ಯರಸ್ತೆಯ ಶ್ರೀ ವೀರ ವರಿಸಿದ್ಧಿ ವಿನಾಯಕ ಸ್ವಾಮಿ ದೇವಸ್ಥಾನ ಸಂಘದಿಂದ ಪ್ರತಿಷ್ಟಾಪಿಸಿದ್ದ ಶ್ರೀ ವಿನಾಯಕನ ವಿಸರ್ಜನೆಯ ಬೃಹತ್ ಶೋಭಾಯಾತ್ರೆಗೆ ಜಿಲ್ಲಾಧಿಕಾರಿ ಜಿ.ಎಂ. ಗಂಗಾಧರ ಸ್ವಾಮಿ ಅವರು ಮಧ್ಯಾಹ್ನ 2.40ರ ವೇಳೆಗೆ ಶ್ರೀ ವಿನಾಯಕನಿದ್ದ ಟ್ರ್ಯಾಕ್ಟರ್‌ಗೆ ಸಾರಥಿಯಾಗಿ ಮುನ್ನಡೆಸುವ ಮೂಲಕ ಶೋಭಾಯಾತ್ರೆಗೆ ಕಳೆ ತಂದರು.

ಎರಡು ಡಿಜೆ, ನಾಸಿಕ್ ಡೋಲು, ಡೊಳ್ಳು ಮೆರವಣಿಗೆಗೆ ಮೆರಗು ನೀಡಿದವು. ಡೊಳ್ಳು ಕುಣಿತ, ತಮಟೆ ಸದ್ದು ಹಾಗೂ ವೀರಗಾಸೆ ಸಮಾಳದ ಸದ್ದು ಜನರಲ್ಲಿ ಭಕ್ತಿಯ ಭಾವ ಮೂಡಿಸಿದವು. ಅನೇಕ ಸಂಘ ಸಂಸ್ಥೆಗಳ ಪದಾಧಿಕಾರಿಗಳು, ಸದಸ್ಯರು, ಶಾಲೆ-ಕಾಲೇಜು ವಿದ್ಯಾರ್ಥಿಗಳು, ಯುವಕರು ಡಿಜೆ ಹಾಡುಗಳಿಗೆ, ನಾಸಿಕ್ ಡೋಲು, ಡೊಳ್ಳಿನ ಶಬ್ದಕ್ಕೆ ಹೆಜ್ಜೆ ಹಾಕಿ ಕುಣಿದು ಕುಪ್ಪಳಿಸಿದರು.

ಮಹಡಿ ಮೇಲೆ ನಿಂತ ಭಕ್ತರು ಜೈಕಾರ ಹಾಕುತ್ತಾ, ಗಣಪತಿ ಮೆರವಣಿಗೆಯನ್ನು ವೀಕ್ಷಿಸಿ ಗಣಪತಿಗೆ ಪುಷ್ಪಾರ್ಚನೆ ಮಾಡಿ, ಕಣ್ಣು ಮನ ತುಂಬಿಕೊಂಡರು. ಮೆರವಣಿಗೆಯಲ್ಲಿ ಗಣೇಶ ಮೂರ್ತಿಯ ಜೊತೆಗೆ ವೀರಾಂಜನೇಯ ಸ್ವಾಮಿಯ ಮೂರ್ತಿಯನ್ನೂ ತರಲಾಗಿತ್ತು. ಮಸೀದಿ ಸಮೀಪ ಮೆರವಣಿಗೆ ಬರುತ್ತಿದ್ದಂತೆ ಮುಸ್ಲಿಮರು ಗಣೇಶ ಮೂರ್ತಿಗೆ ತಮ್ಮ ಭಕ್ತಿ ಸಮರ್ಪಿಸಿದರು. ಮಸೀದಿ ಸಮೀಪ ಬ್ಯಾರಿಕೇಡ್‌ ಅಳವಡಿಸಿ ಬಿಗಿ ಭದ್ರತೆ ಕಲ್ಪಿಸಲಾಗಿತ್ತು.

ಜನಪದ ಕಲಾವಿದರಿಗೆ ಹುರಿದುಂಬಿಸಿದ ಸಂಸದೆ:

ಬಿಗಿ ಪೊಲೀಸ್ ಬಂದೋಬಸ್ತ್:

ದೂಡಾ ಅಧ್ಯಕ್ಷ ದಿನೇಶ ಕೆ. ಶೆಟ್ಟಿ, ಜಿಲ್ಲಾ ಪೊಲೀಸ್ ವರಿಷ್ಟ ಡಾ.ಎಚ್.ಟಿ.ಶೇಖರ್, ಜೆಡಿಎಸ್ ಮುಖಂಡ ಗಣೇಶ ಟಿ.ದಾಸಕರಿಯಪ್ಪ, ಪಾಲಿಕೆ ಮಾಜಿ ಸದಸ್ಯ ಎ.ನಾಗರಾಜ, ದೇವಸ್ಥಾನ ಸಂಘದ ಅಧ್ಯಕ್ಷ ಬಾಬಣ್ಣ, ಕಾರ್ಯದರ್ಶಿ ನಾಗರಾಜ, ಡಿ.ಕೆ.ರಮೇಶ, ಮಂಜುನಾಥ, ಕುಮಾರ, ದೇವರಮನಿ ಶಿವರಾಜ, ರವಿ, ನಂದೀಶ, ವಿಘ್ನೇಶ, ಪ್ರಶಾಂತ, ನರಸಿಂಹ ಮೂರ್ತಿ, ಆನಂದ, ಮಲ್ಲೇಶಿ, ಸಂತು ಹಾಗೂ ಸಮಿತಿ ಪದಾದಿಕಾರಿಗಳು, ಸದಸ್ಯರು, ಶ್ರೀ ರಾಮ ಸೇನೆಯ ಅಧ್ಯಕ್ಷ ಮಣಿಕಂಠ ಸರ್ಕಾರ್, ಜೊಳ್ಳಿ ಗುರು, ಸತೀಶ ಶೆಟ್ಟಿ, ಬಿ.ವಿ.ಗುರುನಾಗ, ಪಂಚಾಕ್ಷರಯ್ಯ, ಸಂತೋಷ ಏಕಬೋಟೆ, ಇತರರು, ಸದ್ಭಕ್ತರು ಭಾಗವಹಿಸಿದ್ದರು.

-(ಫೋಟೋಗಳಿವೆ.)