ಆಡಳಿತಗಾರ ಜನರ ಅಭಿವೃದ್ಧಿ ಮಾತ್ರ ಬಯಸಬೇಕು

ಕನ್ನಡಪ್ರಭ ವಾರ್ತೆ ಚಿಕ್ಕನಾಯಕನಹಳ್ಳಿ

ಪಟ್ಟಣದ ನಂದಿನಿ ಭವನದಲ್ಲಿ ಏರ್ಪಡಿಸಲಾಗಿದ್ದ ತುಮುಲ್ ನಿರ್ದೇಶಕ ಬಿ.ಎಸ್.ಶಿವಪ್ರಕಾಶ್ ರವರ ಅಭಿನಂಧನಾ ಸಮಾರಂಭದಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ನಾನು ಯಾರನ್ನೂ ದ್ವೇಶಮಾಡುವುದಿಲ್ಲ ತುಮುಲ್ ಕ್ಷೇತ್ರದಲ್ಲಿ ಹಳೇಮನೆ ಶಿವನಂಜಪ್ಪ ಉತ್ತಮ ಕೆಲಸಮಾಡಿದ್ದು ನಂದಿನಿ ಭವನದ ಕಟ್ಟಡವನ್ನು ಸ್ವತಃ ತಾವೇ ಮುಂದೆ ನಿಂತು ಕಟ್ಟಿಸಿದ್ದಾರೆ. ತಾಂತ್ರಿಕ ಲೋಪದೋಷದಿಂದ ತುಮುಲ್ ಗೆ ಸ್ಪರ್ಧಿಸಲು ಸಾಧ್ಯವಾಗಲಿಲ್ಲ. ಬದಲಾಗಿ ಶಿವಪ್ರಕಾಶ್ ನೀತಿ ನಿಯಮದ ಅನುಸಾರವಾಗಿ ಅರ್ಹತೆ ಹೊದಿದ್ದರಿಂದ ಚುಣಾವಣೆಯಲ್ಲಿ ಸ್ಪರ್ಧಿಸಿ ಜಯಗಳಿಸಿದ್ದಾರೆ. ಹಾಲು ಉತ್ಪಾದಕರುˌ ಮತ್ತು ಸಂಘದ ಕಾರ್ಯದರ್ಶಿ ಮತ್ತು ಸಿಬ್ಬಂದಿಯವರಿಗೆ ಏನಾದರು ಸಮಸ್ಯೆಗಳು ಬಂದಾಗ ನೇರವಾಗಿ ನನ್ನ ಬಳಿ ಬಂದು ಮುಕ್ತವಾಗಿ ಮಾತನಾಡಿ ಅದಕ್ಕೆ ಸ್ಪಂದಿಸಿ ಪರಿಹಾರ ಮಾಡುವ ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇನೆ ಎಂದರು. ಅಭಿನಂದನೆ ಸ್ವೀಕರಿಸಿ ಮಾತನಾಡಿದ ಬಿ.ಎಸ್.ಬುಳ್ಳೇನಹಳ್ಳಿ ಶಿವಪ್ರಕಾಶ್ ಮಾತನಾಡಿ ತುಮುಲ್ ಮಾಜಿ ಅಧ್ಯಕ್ಷ ಶಿವನಂಜಪ್ಪರವರ ಮೇಲೆ ನನಗೆ ಅಪಾರವಾದ ಗೌರವವಿದೆ. ಈ ಸಮಾರಂಭಕ್ಕೆ ಅವರನ್ನೂ ಆಹ್ವಾನಿಸಿ ಎಂದು ಅಧಿಕಾರಿಗಳಿಗೆ ಹೇಳಲಾಗಿತ್ತು ಎಂದರು. ಕೆಎಂಎಫ್ ಛೇರ್ಮನ್ ಆಗಿ ಕೆಲಸಮಾಡಿದ ಜೆಸಿಎಂ ಶಾಸಕರಾದ ನಂತರ ಒಕ್ಕೂಟದ ಅಧಿಕಾರಕ್ಕೆ ಆಸೆ ಪಡದೆ ಕಾರ್ಯಕರ್ತರನ್ನು ಬೆಳೆಸಲು ತುಮುಲ್ ಗೆ ಶ್ರಮಹಾಕಿ ಕಳುಹಿಸುತ್ತಿದ್ದಾರೆ. ನಿಜಕ್ಕೂ ಅವರಿಗೆ ನಮ್ಮ ಅವಶ್ಯಕತೆ ಇಲ್ಲದಿದ್ದರು ಕ್ಷೇತ್ರದ ಅಭಿವೃದ್ಧಿಗೆ ಅವರ ಅವಶ್ಯಕತೆ ನಮಗೆಲ್ಲರಿಗೂ ಇದೆ. ಹಾಗಾಗಿ ಕ್ಷೇತ್ರದ ಜನತೆ ಮುಂಬರುವ ಚುಣಾವಣೆಯಲ್ಲಿ ಗೆಲ್ಲಿಸಿ ನಮ್ಮ ಪಕ್ಷ ಅಧಿಕಾರಕ್ಕೆ ಬಂದರೆ ಖಡಿತವಾಗಿಯೂ ರಾಜ್ಯದ ಸಿಎಂ ಆಗುತ್ತಾರೆ ಎಂದರು.