ಸುಂದರ ಚಿತ್ರಗಳಿಂದ ಕಂಗೊಳಿಸುತ್ತಿದೆ ಗ್ರಾಮೀಣ ಬಿಇಒ ಕಚೇರಿ

ಧಾರವಾಡ: ಸರ್ಕಾರಿ ಶಾಲೆಗಳ ಕಟ್ಟಡ, ಅಲ್ಲಿಯ ಕೊಠಡಿಗಳು ಅಂದವಾಗಿ ಸಿಂಗರಗೊಂಡರೆ ಶಿಕ್ಷಕರಿಗೂ, ಮಕ್ಕಳಿಗೂ ಶಾಲೆ ಪರಿಸರ ಸಹಜವಾಗಿಯೇ ಮುದ ನೀಡುತ್ತದೆ. ಪೋಷಕರಿಗೆ ಶಾಲೆಯ ಬಗ್ಗೆ ಆಕರ್ಷಣೆ ಬೆಳೆಯುತ್ತದೆ ಎಂದೆಲ್ಲಾ ಶಿಕ್ಷಣಾಧಿಕಾರಿಗಳು ಉಪದೇಶ ಮಾಡುತ್ತಾರೆ.

ವಿಶೇಷ ಶೈಲಿಯ ಚಿತ್ರಗಳು: ಗ್ರಾಮೀಣ ಶಿಕ್ಷಣಾಧಿಕಾರಿ ಕಛೇರಿ ಈಗ ವಿಶಾಲ ಕಾಂಪೌಂಡ್, ಎದುರಿನ ಅಂಗಳದಲ್ಲಿ ಗಿಡಗಳು, ಗೋಡೆಗಳ ಮೇಲೆಲ್ಲಾ ಬಗೆಬಗೆಯ ಶೈಲಿಯ ಭಾವಗಳ ವರ್ಲಿಕಲೆಯಿಂದ ಕೈ ಬೀಸಿ ಕರೆಯುತ್ತಿದೆ. ಒಳಾವರಣದ ಒಳಗೋಡೆಗಳ ಮೇಲೆಲ್ಲ ಕೂಡ ಚಿತ್ರ ಚಿತ್ತಾರ ಮೂಡಿ ಇಡೀ ಪ್ರದೇಶಕ್ಕೆ ಕಲಾತ್ಮಕ ಮೆರುಗನ್ನು ನೀಡಿವೆ. ಸಂಪೂರ್ಣ ಕಲಾ ವೈಭವ ಹೊಂದಿದೆ.