ಸಮಾಜದ ಸ್ವಾಮೀಜಿಗಳು ಮುಖಂಡರ ಭಿನ್ನಾಭಿಪ್ರಾಯ ಸಲ್ಲದು

ಕನ್ನಡಪ್ರಭವಾರ್ತೆ ಮಧುಗಿರಿ

ತಾಲೂಕಿನ ಲಕ್ಷೀದೇವಿಪುರ ಗ್ರಾಮದಲ್ಲಿ ಗುರುವಾರ ನಡೆದ ಶ್ರೀಲಕ್ಷ್ಮೀ ದೇವಸ್ಥಾನದ ಕಳಸ ಪ್ರತಿಷ್ಠಾಪನೆ, ಮಹಾದ್ವಾರ ಉದ್ಘಾಟನಾ ಹಾಗೂ ಧಾರ್ಮಿಕ ಸಮಾರಂಭದ ದಿವ್ಯ ಸಾನಿಧ್ಯ ವಹಿಸಿ ಮಾತನಾಡಿದರು.

ಈ ಹಿಂದಿನ ಸಿಎಂ ಸಿದ್ದರಾಮಯ್ಯ ಸರ್ಕಾರದಲ್ಲಿ ಕುಲ ಶಾಸ್ತ್ರ ಅಧ್ಯಯನಕ್ಕೆ ನಮ್ಮ ಕೋರಿಕೆಯಂತೆ ಹಣ ಬಿಡುಗಡೆ ಮಾಡಿ ಅವಕಾಶ ಮಾಡಿಕೊಟ್ಟಿದ್ದರು. ಇದು ಈಗಾಗಲೇ ಸರ್ಕಾರದ ಗಮನದಲ್ಲಿದ್ದು ಕುಲಶಾಸ್ತ್ರ ಅಧ್ಯಯನದ ಯಥಾವತ್ ಜಾರಿಗೆ ಸಂಘಟನೆಗಳು , ಮಠಾಧೀಶರು ಪ್ರಯತ್ನಿಸಬೇಕು. ಇಂದಿನ ಪರಿಸ್ಥಿತಿಯಲ್ಲಿ ಸಂಘಟಿತರಾಗಿ ಸಮಾವೇಶಗಳನ್ನು ನಡೆಸಿ ಒಗ್ಗಟ್ಟು , ಬಲವನ್ನು ಸಮಾಜಕ್ಕೆ ತುಂಬಿ ಸಾಮಾಜಿಕ ನ್ಯಾಯ ಪಡೆಯುವ ಕೆಲಸ ಮಾಡಬೇಕಿದೆ. ಈ ಹಿಂದೆ ನಮ್ಮಲ್ಲಿ ಐದಾರು ಮಂದಿ ಶಾಸಕರು , ಇಬ್ಬರು ಸಂಸದರ ಇರುತ್ತಿದ್ದರು. ಪ್ರಸ್ತುತ ನಮ್ಮವರ ಸಂಖ್ಯೆ ಕ್ಷೀಣಿಸುತ್ತಿದೆ. ಆದ್ದರಿಂದ ಜಾಗೃತರಾಗಿ ಒಗ್ಗಟ್ಟಾಗಿ, ಶ್ರೀನಂಜಾವಧೂತಸ್ವಾಮಿಜಿ, ಶ್ರೀಹನುಮಂತನಾಥಸ್ವಾಮಿ ಅವರನ್ನು ದೂರುವ ಬದಲು ಅವರೊಟ್ಟಿಗೆ ಕೂತು ಸಮಾಜದ ಸ್ಥಿತಿಗತಿ ಬಿನ್ನವಸಿಕೊಂಡು ಭಿನ್ನಾಭಿಪ್ರಾಯಗಳನ್ನು ಸರಪಡಿಕೊಂಡು ಮುಂದೆ ಸಾಗಬೇಕು ಎಂದರು.