ಮಂಗಳೂರು ಹೊರವಲಯದಲ್ಲಿ ಕುಟುಂಬಕ್ಕೆ ಒಂಟಿ ಕೋತಿ ಕಾಟ

ಕನ್ನಡಪ್ರಭ ವಾರ್ತೆ ಮಂಗಳೂರು

ಮಹಿಳೆಯರು ಹಾಗೂ ಲುಂಗಿ ಧರಿಸಿದವರನ್ನು ಗುರಿಯಾಗಿಸಿ ಕೋತಿ ಕಾಟ ನೀಡುತ್ತಿದೆ. ಕೇವಲ ಮೂರ್ನಾಲ್ಕು ಕುಟುಂಬಗಳಿಗೆ ಕೋತಿ ಕಾಟ ಕಂಟಕಪ್ರಾಯವಾಗಿದೆ. ಕೃಷಿಗೆ ಹಾನಿ ಮಾಡದೇ ಕೇವಲ ನೆಲ್ಲಿಜೋರ ಪ್ರದೇಶದ ಜನರ ಮೇಲೆ ಕೋತಿ ದಾಳಿ ನಡೆಸುತ್ತಿದೆ.

ಅರಣ್ಯ ಇಲಾಖೆ ಗೂಡು ಇರಿಸಿದರೂ ಅದಕ್ಕೆ ಸಿಲುಕಗೆ ಕೋತಿ ಪರಾರಿಯಾಗುತ್ತಿದೆ. ಹೀಗಾಗಿ ಕೈಯಲ್ಲಿ ದೊಣ್ಣೆ ಹಿಡಿದುಕೊಂಡೇ ಜನತೆ ಓಡಾಟ ನಡೆಸುವಂತಾಗಿದೆ. ಕೋತಿಯ ಕಾಟದಿಂದಾಗಿ ಕೋವಿಡ್ ಲಾಕ್‌ಡೌನ್‌ಗಿಂತಲೂ ಈ ಮೂರು ಮನೆಗಳ ಜನರ ಬದುಕು ದಯನೀಯವಾಗಿದೆ. ಮನೆಗಳಿಗೆ ನೆಟ್ ಅಳವಡಿಸಿ ಬಾಗಿಲು ಹಾಕಿ ನಾಲ್ಕು ಗೋಡೆಯ ಮಧ್ಯೆ ಜೀವನ ನಡೆಸುವಂತಾಗಿದೆ. ಒಂದೇ ಒಂದು ಮಂಗನ ಕಾಟಕ್ಕೆ ಅಕ್ಷರಶಃ ಸಂಕಷ್ಟಕ್ಕೆ ಈ ಕುಟುಂಬಗಳು ತುತ್ತಾಗಿದೆ.