ಕಾಪು-ಕಾಂಗ್ರೆಸ್, ಸಹಕಾರಿ ಮುಖಂಡನ ಮನೆಯಲ್ಲಿ ಕಳವು

ಕಾಪು: ಕಾಪು ತಾಲೂಕಿನ ಪಾಂಗಾಳ ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ದ.ಕ. ಹಾಲು ಉತ್ಪಾದಕರ ಒಕ್ಕೂಟದ ಮಾಜಿ ಅಧ್ಯಕ್ಷ ದಿವಾಕರ ಶೆಟ್ಟಿ ಕಾಪು ಅವರ ಮನೆಯಲ್ಲಿ ಗುರುವಾರ ರಾತ್ರಿ ಲಕ್ಷಾಂತರ ರು. ಮೌಲ್ಯದ ಚಿನ್ನಾಭರಣ ಕಳವಾಗಿದೆ.

ಇದಕ್ಕೆ ಮೊದಲು ಕಳ್ಳರು ಚಾಣಾಕ್ಷತನದಿಂದ ಮನೆಯ ಸಿಸಿ ಕ್ಯಾಮೆರಾದ ದಿಕ್ಕನ್ನು ಬದಲಿಸಿ, ಮನೆಯ ಒಳಗಿದ್ದ ಡಿವಿಆರ್‌ ನ್ನು ಕೂಡ ಹೊತ್ತೊಯ್ದಿದ್ದಾರೆ. ಆದ್ದರಿಂದ ಪೊಲೀಸರಿಗೆ ಸಿಸಿ ಕ್ಯಾಮೆರಾ ದೃಶ್ಯಾವಳಿಗಳೂ ಲಭ್ಯವಾಗಿಲ್ಲಶುಕ್ರವಾರ ಕಾವಲುಗಾರನಿಂದ ಮಾಹಿತಿ ಪಡೆದು ಪೊಲೀಸರು ನಾಯಿಯೊಂದಿಗೆ ಸ್ಥಳಕ್ಕೆ ಬಂದು ಪರಿಶೀಲಿಸಿದ್ದಾರೆ. ಪೊಲೀಸ್ ನಾಯಿ ಹೆದ್ದಾರಿಯಲ್ಲಿ ಸುಮಾರು 200 ಮೀಟರ್ ವರೆಗೆ ಹೋಗಿ ನಿಂತಿತು. ಅಲ್ಲಿಂದ ಕಳ್ಳರು ಎತ್ತ ಕಡೆ ಹೋಗಿದ್ದಾರೆ ಎಂಬುದು ಪತ್ತೆಯಾಗಿಲ್ಲ.ಮನೆ ಮಾಲೀಕ ದಿವಾಕರ ಶೆಟ್ಟಿ ಅವರಿಗೆ ವಿಷಯ ತಿಳಿಸಲಾಗಿದ್ದು, ಅವರು ಶುಕ್ರವಾರ ಮುಂಬೈಯಿಂದ ಹೊರಟಿದ್ದು, ಅವರು ಬಂದ ಮೇಲಷ್ಟೇ ಕಳ್ಳತನವಾದ ಸೊತ್ತುಗಳು ಮತ್ತು ಅವುಗಳ ಮೌಲ್ಯ ಪತ್ತೆಯಾಗಬೇಕಾಗಿದೆ.