ರಕ್ತಕ್ಕೆ ಪರ್ಯಾಯ ಇನ್ನೊಂದಿಲ್ಲ: ಡಾ. ಶಿವಾನಂದ ಹೆಗಡೆ

ಹೊನ್ನಾವರ: ರಕ್ತಕ್ಕೆ ಪರ್ಯಾಯ ಯಾವುದೂ ಇಲ್ಲ. ಅಂತೆಯೇ ಕೃತಕವಾಗಿ ತಯಾರಿಸಲು ಸಾಧ್ಯವಿಲ್ಲ. ತುರ್ತಾಗಿ ಬೇಕು ಎಂದಾಕ್ಷಣ ಸಿಗುವುದೂ ಇಲ್ಲ. ಹೀಗಾಗಿ, ರಕ್ತದಾನ ಮಹಾದಾನವಾಗಿದೆ ಎಂದು ಹೊನ್ನಾವರ ತಾಲೂಕು ಆಸ್ಪತ್ರೆಯ ಚರ್ಮರೋಗ ವೈದ್ಯ ಡಾ. ಶಿವಾನಂದ ಹೆಗಡೆ ಹೇಳಿದರು.

ತಾಲೂಕು ಆಸ್ಪತ್ರೆಯ ಆಪ್ತಸಮಾಲೋಚಕ ವಿನಾಯಕ ಪಟಗಾರ ಮಾತನಾಡಿ, ನಾವು ದೇವರಿಗೆ ಹರಕೆ ತೀರಿಸಲು ಯಾವುದೋ ಮಾರ್ಗವನ್ನು ಅನುಸರಿಸಿ ಕೋಳಿ, ಕುರಿ, ಹಣ್ಣು ಮೊದಲಾದವುಗಳನ್ನು ನೀಡುತ್ತೇವೆ ಎಂದು ಹರಕೆ ಕಟ್ಟುತ್ತೇವೆ. ಆದರೆ, ರಕ್ತ ದಾನ ಮಾಡುತ್ತೇವೆ ಎಂದು ಹರಕೆಯನ್ನು ಕಟ್ಟಿಕೊಂಡರೆ ಒಳಿತಾಗುತ್ತದೆ. ಇದರಿಂದ ಒಂದು ಜೀವ ಉಳಿಯುತ್ತದೆ. ಇದರಿಂದ ದೇವರಿಗೂ ಪ್ರಿಯವಾಗುತ್ತದೆ ಎಂದು ಹೇಳಿದರು. ತಾಲೂಕಿನಲ್ಲಿ ರಕ್ತದಾನ ಮಾಡುವ ಮತ್ತು ಮಾಡಿಸುವ ಮೊದಲ ಕಾಲೇಜು ಎಂದರೆ ಎಸ್.ಡಿ.ಎಂ. ಆಗಿದೆ. ರಕ್ತದಾನದ ಬಗ್ಗೆ ಯುವ ಸಮುದಾಯ ಉತ್ಸಾಹ ತೋರಬೇಕು ಎಂದರು.

ವಿದ್ಯಾರ್ಥಿನಿ ಭಾಗ್ಯಶ್ರೀ ಪ್ರಾರ್ಥಿಸಿದರು. ವಿದ್ಯಾರ್ಥಿ ಒಕ್ಕೂಟದ ಉಪಾಧ್ಯಕ್ಷ ಡಾ. ಎಂ.ಜಿ. ಹೆಗಡೆ ಸ್ವಾಗತಿಸಿದರು. ಒಕ್ಕೂಟದ ಸಲಹೆಗಾರ ಡಾ. ಸುರೇಶ್ ಎಸ್. ವಂದಿಸಿದರು. ಮಂಜುನಾಥ್ ಭಂಢಾರಿ ನಿರೂಪಿಸಿದರು.