ಕಂದಾಯ ಗ್ರಾಮದಡಿ ಬರದ ಸಾವಿರಾರು ಕುಟುಂಬಗಳು

ಕನ್ನಡಪ್ರಭ ವಾರ್ತೆ ಲೋಕಾಪುರ

ಈ ವೇಳೆ ಸ್ಥಳೀಯ ನಿವಾಸಿ ಅಬ್ದುಲರೆಹಮಾನ ತೋರಗಲ್ಲ ಮಾತನಾಡಿ, ಲೋಕಾಪೂರ ಪಟ್ಟಣದ ಸರ್ವೇ ನಂ.೧೯೧ ರಲ್ಲಿ ೧೧ ಎಕರೆ ೫ ಗುಂಟೆ ಕಂದಾಯ ಇಲಾಖೆಯ ಗಾಯರಾಣ ಜಮೀನಿದೆ. ಈ ಜಮೀನಿನಲ್ಲಿ ಸುಮಾರು ೫೦ ವರ್ಷಗಳಿಂದ ೧೦೦೦ಕ್ಕೂ ಅಧಿಕ ಬಡ ಕುಟುಂಬದವರು ಜೀವನವನ್ನು ಸಾಗಿಸುತ್ತಿದ್ದೇವೆ. ಆದರೆ ಗ್ರಾಮ ಆಡಳಿತ ಅಧಿಕಾರಿಗಳ ಬೇಜವಾಬ್ದಾರಿಯೋ? ಅಥವಾ ನಜರ್‌ ಚೂಕಿಯಿಂದಾಗಿಯೋ? ಈ ಜಮೀನಿನಲ್ಲಿ ವಾಸಿಸುವ ಕುಟುಂಬಗಳನ್ನು ಸರ್ಕಾರ ಜಾರಿಗೆ ತಂದಿರುವ ಕಂದಾಯ ಗ್ರಾಮ ಯೋಜನೆಯಡಿ ಸರ್ವೇಯಿಂದ ಕೈ ಬಿಟಿರುತ್ತಾರೆ. ಈ ಸರ್ಕಾರಿ ಜಮೀನಿನಲ್ಲಿ ವಾಸಿಸುವ ಬಡ ಕುಟುಂಬಗಳ ಮಾಹಿತಿಯನ್ನು ಸರ್ಕಾರಕ್ಕೆ ನೀಡದೆ ತಪ್ಪು ಮಾಡಿದ್ದಾರೆ. ಈ ಜಮೀನಿನಲ್ಲಿ ವಾಸಿಸುವ ಕುಟುಂಬಗಳ ಸರ್ವೇ ಕಾರ್ಯದಿಂದ ಕೈ ಬಿಟ್ಟಿರುವುದನ್ನು ಮರು ಪರಿಶೀಲನೆ ಮಾಡಿ, ಸರ್ವೇ ನಂ.೧೯೧ರಲ್ಲಿಯ ಎಲ್ಲ ಮನೆಗಳನ್ನು ಸರ್ವೇ ಮಾಡಿ, ಇಲ್ಲಿ ವಾಸಿಸುವ ನಮಗೆ ಹಕ್ಕು ಪತ್ರ ನೀಡಿ ಸರ್ಕಾರದ ಸೌಲಭ್ಯವನ್ನು ಪಡಯಲು ಅನುಕೂಲ ಮಾಡಿಕೊಡಬೇಕೆಂದು ಆಗ್ರಹಿಸಿದ್ದಾರೆ.

ಈ ವೇಳೆ ನಿವಾಸಿಗಳಾದ ವೆಂಕಪ್ಪ ಗಸ್ತಿ, ಅಪ್ಪಣ್ಣ ಗಚ್ಚಪ್ಪನವರ, ಸಂಬಾಜಿ ಶಿಂದೆ, ನಾಗಪ್ಪ ಮಿರ್ಜಿ, ಮೈನು ರಂಗಾಪೂರ, ಹುಸೇನ ನದಾಫ, ಹಸನಡೋಂಗ್ರಿ ಮಹಾಲಿಂಗಪೂರ, ಶಬ್ಬೀರ ಚೌಧರಿ, ಈರಪ್ಪ ಸಾಳಗುಂದಿ, ದುರ್ಗಪ್ಪ ಭಜಂತ್ರಿ, ಸೈಯದ ನದಾಫ, ಯಾಸೀನ ಬಾಗವಾನ, ರಫೀಕ ಬಾಗವಾನ, ಮೌಲಾ ನದಾಫ, ಸೈಯದ ಬಾಗವಾನ, ಸಮೀರ ಚೌಧರಿ, ಮನ್ನಾ ಚೋಪದಾರ, ಡೋಂಗ್ರಿಸಾಬ ರಾಮದುರ್ಗ, ದಿಲಶಾದ ಬಾಗವಾನ, ಮೈಬೂಬ ಚೌಧರಿ, ಮಾರುತಿ ಪಲ್ಲೇದ, ಭೀಮಶಿ ಆಸಂಗಿ, ಯಾಸೀನ ಪನಿಬಂದ, ಉಪತಹಸೀಲ್ದಾರ್‌ ಬಿ.ಎಸ್. ರಂಗಣ್ಣವರ, ಗ್ರಾಮ ಆಡಳಿತಾಧಿಕಾರಿ ಬಸವರಾಜ ಮಠಪತಿ ಇದ್ದರು.

ಮುಧೋಳದಿಂದ ಲೋಕಾಪುರ ಮಾರ್ಗವಾಗಿ ಬಾಗಲಕೋಟೆಗೆ ಹೋರಡುವ ಸಮಯದಲ್ಲಿ ಪಟ್ಟಣದ ನಾಡಕಚೇರಿ ಮುಂದೆ ಜಮಾಯಿಸಿದ ಸಾರ್ವಜನಿಕರನ್ನು ನೋಡಿದ ಜಿಲ್ಲಾ ಉಸ್ತುವರಿ ಸಚಿವ ಆರ್.ಬಿ. ತಿಮ್ಮಾಪೂರ ಅವರು ತಮ್ಮ ವಾಹನವನ್ನು ನಿಲ್ಲಿಸಿ, ಸರ್ವೇ ನಂ. ೧೯೧ರಲ್ಲಿ ವಾಸಿಸುವ ಕುಟುಂಬಗಳಿಗೆ ಆಗಿರುವ ಸಮಸ್ಯೆ ಆಲಿಸಿದರು. ಆದಷ್ಟು ಬೇಗ ತಮ್ಮ ಸಮಸ್ಯೆ ಪರಿಹರಿಸಿಕೊಡುವುದಾಗಿ ಭರವಸೆ ನೀಡಿದರು.