ಸಾಹಿತ್ಯ ಸಂಕಟಗಳನ್ನು ಎದುರಿಸುವ ಸಾಮರ್ಥ್ಯದ ದೀವಿಗೆ

ದೊಡ್ಡಬಳ್ಳಾಪುರ: ಕನ್ನಡ ಸಾಹಿತ್ಯದ ಮೇಲೆ ಗಾಢ ಪ್ರಭಾವ ಬೀರಿರುವ ಇಂಗ್ಲಿಷ್‌ ಲೇಖಕರಲ್ಲಿ ಟಿ.ಎಸ್‌.ಎಲಿಯಟ್ ಕೂಡ ಪ್ರಮುಖರು. ಸಾಹಿತ್ಯ ಪರಂಪರೆಯನ್ನು ಓದುವ ಹಾಗೂ ಅರಿಯುವ ಚಟುವಟಿಕೆಗಳನ್ನು ಕನ್ನಡ ಹಾಗೂ ಇಂಗ್ಲಿಷ್ ಸಾಹಿತ್ಯ ಅಧ್ಯಯನದ ಮೂಲಕ ಇಂದಿನ ತಲೆಮಾರಿಗೆ ತಲುಪಿಸಬೇಕು ಎಂದು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಇಂಗ್ಲಿಷ್ ವಿಭಾಗ ಮುಖ್ಯಸ್ಥೆ ಡೋರಿನ್ ಸ್ನೇಹಲತಾ ಅಭಿಪ್ರಾಯಪಟ್ಟರು.

ಇಂದಿನ ತಲೆಮಾರು ಕನ್ನಡ ಮತ್ತು ಇಂಗ್ಲಿಷ್ ಸಾಹಿತ್ಯದ ಓದಿನ ಪ್ರಭಾವಕ್ಕೆ ಒಳಗಾಗಬೇಕು. ಈ ದಿಸೆಯಲ್ಲಿ ಇವತ್ತಿನ ಮನುಷ್ಯ ಸಂಕಟಗಳನ್ನು ಎದುರಿಸುವ ಶಕ್ತಿಯನ್ನು ಇಂತಹ ಓದಿನ ಮೂಲಕ ಪಡೆಯುವ ಸಾಮರ್ಥ್ಯ ಹೊಸ ತಲೆಮಾರಿಗೆ ದಕ್ಕಬೇಕಿದೆ ಎಂದರು.

ಕಾರ್ಯಕ್ರಮದಲ್ಲಿ ಪ್ರಾಂಶುಪಾಲ ಡಾ.ಸದಾಶಿವ ರಾಮಚಂದ್ರಗೌಡ, ಕನ್ನಡ ವಿಭಾಗ ಮುಖ್ಯಸ್ಥ ಡಾ.ರವಿಕುಮಾರ್, ಐಕ್ಯೂಎಸಿ ಸಂಯೋಜಕ ಗಂಗಾಧರಯ್ಯ, ಕಾಲೇಜಿನ ಬೋಧಕವರ್ಗ, ಬೋಧಕೇತರ ಸಿಬ್ಬಂದಿ, ಡಿ.ಆರ್.ನಾಗರಾಜ್ ಬಳಗದ ಸದಸ್ಯರು ಭಾಗವಹಿಸಿದ್ದರು.