15 ಸಾವಿರ ಲಂಚ ಕೇಳಿದ್ರು ತೊಗೊಳ್ಳಿ ಮೇಡಂ

ಕನ್ನಡಪ್ರಭವಾರ್ತೆ ತುರುವೇಕೆರೆ

ಹೀಗೆ ಸಂಪಿಗೆ ಗ್ರಾಮದ ನಾಗೇಶ್ ಎಂಬ ರೈತ ಉಪ ವಿಭಾಗಾಧಿಕಾರಿ ಸಪ್ತಶ್ರೀ ಯವರ ಬಳಿ ಮನವಿ ಪತ್ರ ಮತ್ತು 15 ಸಾವಿರ ನಗದನ್ನು ಹಿಡಿದು ಜಿಲ್ಲಾ ಅಪರ ಜಿಲ್ಲಾಧಿಕಾರಿಗಳ ಸಮ್ಮುಖವೇ ಕೈ ಮುಗಿದು ಕೇಳಿಕೊಂಡ. ಈ ಘಟನೆ ನಡೆದ್ದದ್ದು ತಾಲೂಕು ಆಡಳಿತ ಸೌಧದ ಎದುರು ಜಿಲ್ಲಾಡಳಿತದ ವತಿಯಿಂದ ನಡೆದ ಜನ ಸಂಪರ್ಕ ಸಭೆಯ ವೇಳೆ ಸಂಪಿಗೆಯ ನಾಗೇಶ್ ಎಂಬ ರೈತ ತನ್ನ ಜಮೀನಿನ ದಾಖಲೆಯಲ್ಲಿ ಆಗಿದ್ದ ತಪ್ಪನ್ನು ಸರಿಪಡಿಸಿ ಎಂದು ಕಳೆದ ಮೂರ್ನಾಲ್ಕು ತಿಂಗಳಿನಿಂದ ತಿಪಟೂರು ಉಪವಿಭಾಗಾಧಿಕಾರಿಗಳ ಕಚೇರಿಗೆ ಅಲೆದು ಅಲೆದು ಸಾಕಾಗಿದ್ದ. ತಿದ್ದುಪಡಿ ಮಾಡಲು ಅಲ್ಲಿನ ಗುಮಾಸ್ತರು 20 ಸಾವಿರ ಲಂಚದ ಬೇಡಿಕೆ ಇಟ್ಟಿದ್ದರು. ಇದಕ್ಕೆ ಅಲ್ಲಿನ ಡಿ ಗ್ರೂಪ್ ನೌಕರನೂ ಶಾಮೀಲಾಗಿದ್ದ. ಈಗಾಗಲೇ 5 ಸಾವಿರ ಲಂಚ ನೀಡಿದ್ದೇನೆ. ಆದರೂ ಇನ್ನೂ 15 ಸಾವಿರ ರು ಕೊಡದೇ ಕೆಲಸ ಮಾಡುವುದಿಲ್ಲ ಎಂದು ಪಟ್ಟು ಹಿಡಿದಿದ್ದರು. ಅವರು ಲಂಚಕ್ಕೆ ಬೇಡಿಕೆ ಇಟ್ಟಿದ್ದ ಸಂಗತಿಯನ್ನು ಮೊಬೈಲ್ ನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದ. 15 ಸಾವಿರ ರು. ನಿಮಗೇ ನೀಡಬೇಕೆಂದು ಅವರು ಆಗ್ರಹಿಸಿದ್ದಾರೆ. ಹಾಗಾಗಿ ನಿಮಗೇ ಈ ಹಣ ನೇರವಾಗಿ ಕೊಡ್ತಾ ಇದ್ದೇನೆ. ಇದನ್ನು ತೆಗೆದುಕೊಂಡು ದಯಮಾಡಿ ನನ್ನ ಕೆಲಸ ಮಾಡಿಕೊಡಿ ಎಂದು ಕೈ ಮುಗಿದ. ಈ ಘಟನೆಯಿಂದ ವಿಚಲಿತರಾದ ಉಪವಿಭಾಗಾಧಿಕಾರಿ ಸಪ್ತಶ್ರೀ, ಏನಪ್ಪಾ. ಯಾರ ಹತ್ರ ಮಾತಾಡ್ತಾ ಇದ್ಯ. ಯಾರು ನಿನಗೆ ಲಂಚಕ್ಕೆ ಬೇಡಿಕೆ ಇಟ್ಟಿದ್ದಾರೋ ಅವರ ಬಗ್ಗೆ ಲಿಖಿತ ದೂರು ನೀಡು. ಕ್ರಮ ಕೈಗೊಳ್ತೇನೆ. ಹೀಗೆಲ್ಲಾ ಮಾಡಬೇಡ ಎಂದು ಸಂಪಿಗೆಯ ರೈತ ನಾಗೇಶ್ ಗೆ ಸಮಾಧಾನ ಮಾಡಿದರು. ಜಾಗಟೆ ಬಾರಿಸಿ ಪ್ರತಿಭಟನೆ

ಈ ವೇಳೆ ತಹಸೀಲ್ದಾರ್ ಎನ್. ಎ. ಕುಂಇ ಅಹಮದ್, ಇಓ ಅನಂತರಾಜ್, ಬಿಇಓ ಸೋಮಶೇಖರ್, ಎಸೈ ಟಿ.ಮೂರ್ತಿ ಸೇರಿದಂತೆ ಹಲವು ಅಧಿಕಾರಿಗಳು ಇದ್ದರು.