ನಾಪೋಕ್ಲು ಪಟ್ಟಣದಲ್ಲಿ ಶೌಚಾಲಯ ದುರಸ್ತಿ: ಸಾರ್ವಜನಿಕರ ಪರದಾಟ

ದುಗ್ಗಳ ಸದಾನಂದ

ಪಟ್ಟಣದ ಬಸ್ಸು ನಿಲ್ದಾಣದ ಸಮೀಪವಿರುವ ಗ್ರಾಮ ಪಂಚಾಯಿತಿ ಸಾರ್ವಜನಿಕ ಶೌಚಾಲಯವನ್ನು ಬಂದ್‌ ಮಾಡಲಾಗಿದ್ದು ಇದರಿಂದಾಗಿ ಜನಸಾಮಾನ್ಯರು ಪರದಾಡುವಂತಾಗಿದೆ.

ಸಾರ್ವಜನಿಕ ಶೌಚಾಲಯದ ಪಕ್ಕದಲ್ಲಿ ಕಟ್ಟಡವನ್ನು ನಿರ್ಮಿಸಲು ಉದ್ದೇಶಿಸಿದ್ದು ಜೆಸಿಬಿ ಮೂಲಕ ಮಣ್ಣನ್ನು ಸಮತಟ್ಟು ಮಾಡುವ ಸಂದರ್ಭ ಶೌಚಾಲಯಕ್ಕೆ ಬರುವ ನೀರಿನ ಸಂಪರ್ಕವಿರುವ ಪೈಪ್ ಲೈನ್ ದುರಸ್ತಿಗೀಡಾಗಿರುವುದರಿಂದ ಸಮಸ್ಯೆ ಉದ್ಭವಿಸಿದೆ. ನೀರಿನ ಕೊರತೆಯಿಂದಾಗಿ ಶುಚಿತ್ವ ಕಾಪಾಡುವ ದೃಷ್ಟಿಯಿಂದ ಶೌಚಾಲಯಕ್ಕೆ ತೆರಳುವ ದಾರಿಯನ್ನು ಗ್ರಾಮ ಪಂಚಾಯಿತಿ ಬಾಕ್ಸ್‌ಗಳನ್ನು ಪೇರಿಸಿ ಇಟ್ಟು ಬಂದ್‌ ಮಾಡಲಾಗಿದ್ದು ಜನಸಾಮಾನ್ಯರ ಬವಣೆ ಪಡುವಂತಾಗಿದೆ. ಕೂಡಲೇ ಸಾರ್ವಜನಿಕ ಶೌಚಾಲಯವನ್ನು ಬಳಕೆಗೆ ಕಲ್ಪಿಸುವಂತಾಗಬೇಕು ಎಂದು ಸಾರ್ವಜನಿಕರು ಗ್ರಾಮ ಪಂಚಾಯಿತಿ ಯನ್ನು ಆಗ್ರಹಿಸಿದ್ದಾರೆ.ಪಂಚಾಯಿತಿ ಪಕ್ಕದಲ್ಲಿ ನಡೆದ ಖಾಸಗಿ ಅವರ ಕಟ್ಟಡ ಕಾಮಗಾರಿಯಿಂದಾಗಿ ಶೌಚಾಲಯಕ್ಕೆ ಸಂಪರ್ಕಿಸುವ ನೀರಿನ ಪೈಪ್ ಲೈನ್ ಒಡೆದು ಹೋಗಿ ಸಮಸ್ಯೆ ಎದುರಾಗಿ ಶುಚಿತ್ವ ಕಾಪಾಡುವ ನಿಟ್ಟಿನಲ್ಲಿ ಶೌಚಾಲಯ ಬಂದ್‌ ಮಾಡಲಾಗಿದೆ. ಗುರುವಾರದ ಒಳಗಡೆ ಪೈಪ್ ಲೈನ್ ದುರಸ್ತಿ ಪಡಿಸಿ ಸೂಕ್ತ ವ್ಯವಸ್ಥೆಯನ್ನು ಕಲ್ಪಿಸಲಾಗುವುದು.