ಅಡ್ಡಾದಿಡ್ಡಿ ವಾಹಗಳ ನಿಲುಗಡೆಯಿಂದ ಸಂಚಾರಕ್ಕೆ ಕಿರಿಕಿರಿ

ಕನ್ನಡಪ್ರಭ ವಾರ್ತೆ ಚಿಕ್ಕಬಳ್ಳಾಪುರ

ಇದರಿಂದ ಬೆಸ್ಕಾಂ ಕಾಂಪೌಡ್ ಪಕ್ಕದ ರಸ್ತೆಯಿಂದ ಬಿ.ಬಿ.ರಸ್ತೆಗೆ ಬರ ಬೇಕಾದ ವಾಹನಗಳಿಗೆ ಅಡ್ಡವಾಗುವುದಲ್ಲದೇ ರಸ್ತೆಯ ಬಲ ಬಾಗದಿಂದ ಬರುವ ವಾಹನಗಳು ಕಾಣಿಸದೆ ಸಾಕಷ್ಟು ಬಾರಿ ಅಪಘಾತಗಳಾಗಿ ಆಸ್ಪತ್ರೆ ಪಾಲಾಗಿದ್ದಾರೆ. ನಗರದ ಬಿಬಿ ರಸ್ತೆಯ ಬಾಲಾಜಿ ಮತ್ತು ವಾಣಿ ಚಿತ್ರ ಮಂದಿರದ ಪಕ್ಕದ ರಸ್ತೆಗಳಲ್ಲಿ, ಬೆಸ್ಕಾಂ ಬಳಿ ಪುಟ್ ಪಾತ್‌ಗಳಲ್ಲಿ, ಬಜಾರ್‌ರಸ್ತೆ, ಎಂಜಿ ರಸ್ತೆಗಳಲ್ಲಿ ಕಾಫೀ, ಟೀ ತಿಂಡಿ ಮಾರುವ ತಳ್ಳುಗಾಡಿಗಳು ಮತ್ತು ವಾಹನಗಳುರಸ್ತೆಯನ್ನು ಅತಿಕ್ರಮಿಸಿ ಕೊಂಡಿದ್ದರೆ ಅಂಗಡಿಗಳವರು ಪುಟ್ ಪಾತ್‌ಗಳನ್ನು, ಸಂತೆ ಮಾರುಕಟ್ಟೆಯಲ್ಲಿ ರಸ್ತೆ ಮತ್ತು ಪುಟ್‌ಪಾತ್‌ಗಳನ್ನು ಆಕ್ರಮಿಸಿ ಕೊಂಡು ಜನತೆ ಓಡಾಡಲು ಸಹಾ ಆಗದೆ ಇದ್ದರೂ ಸಂಬಂಧಿಸಿದ ನಗರಸಭೆ ಅಧಿಕಾರಿಗಳು ಚಕಾರವೆತ್ತುತ್ತಿಲ್ಲಾ. ಪಾದಾಚಾರಿ ಮಾರ್ಗವನ್ನು ತಿಂಡಿ ಮಾರುವ ತಳ್ಳ ಗಾಡಿಗಳವರು ಓತ್ತುವರಿ ಮಾಡಿಕೊಂಡಿದ್ದಾರೆ.

ಕೋರ್ಟ್‌ನ ಮುಂಭಾಗದಲ್ಲಿ ಮತ್ತು ಕೋರ್ಟ್ ರಸ್ತೆಯಲ್ಲಿ ಮೂರು ಸಾಲಿನಲ್ಲಿ ಅಂದರೆ ಮೊದಲ ಸಾಲು ದ್ವಿಚಕ್ರ ವಾಹನಗಳು, ಎರಡು ಮತ್ತು ಮೂರನೇ ಸಾಲಿನಲ್ಲಿ ಕಾರ್‌ಗಳನ್ನು ನಿಲ್ಲಿಸಿ, ಕೋರ್ಟ್ ಕಚೇರಿಗಳಿಗೆ ತೆರಳುವುದರಿಂದ ಗೌರಿಬಿದನೂರು, ಎಂಜಿ ರಸ್ತೆ ಮತ್ತು ಜಿಲ್ಲಾಸ್ಪತ್ರೆ ಕಡೆಯಿಂದ ಬಿ.ಬಿ. ರಸ್ತೆಕಡೆಗೆ ಬರುವ ಮತ್ತು ಹೋಗುವ ವಾಹನಗಳಂತು ಹರಸಾಹಸ ಪಟ್ಟು ಸಾಗುತ್ತವೆ. ಜಿಲ್ಲಾಸ್ಪತ್ರೆಗೆ ಬರುವ ಮತ್ತು ಹೋಗುವ ಆ್ಯಂಬುಲೆನ್ಸ್ ಹಾಗೂ ಇತರೆ ವಾಹನಗಳಿಗೂ ಸರಾಗವಾಗಿ ಸಾಗಲು ಆಗುವುದಿಲ್ಲಾ. ಇದಲ್ಲದೆ ನಗರದ ಸಿವಿಲ್ ಬಸ್ ನಿಲ್ದಾಣದ ಬಳಿ ಗೌರಿಬಿದನೂರಿನ ರಸ್ತೆಯಲ್ಲಿ ಸಹಾ ಪಾದಾಚಾರಿ ಮಾರ್ಗ ಒತ್ತುವರಿಯಾಗಿದ್ದು ಬಸ್ ಹತ್ತಲು ಬರುವ ವಿದ್ಯಾರ್ಥಿಗಳು ಮತ್ತು ಪ್ರಯಾಣಿಕರಿಗೆ ತೊಂದರೆಯಾಗುತ್ತಿದೆ.ಸಂಚಾರಿ ಪೋಲಿಸರು ಅಪರೂಪಕ್ಕೊಮ್ಮೆ ಕೋರ್ಟ್ ಮುಂದೆ ಅಡ್ಡಾದಿಡ್ಡಿ ನಿಲ್ಲಿಸಿರುವ ವಾಹನ ಚಾಲಕರಿಗೆ ನಿಮ್ಮ ವಾಹನ ಸುಗಮ ಸಂಚಾರಕ್ಕೆ ಅಡ್ಡವಾಗುತ್ತದೆ ತೆಗೆಯಿರಿ ಎಂದರೂ ಅವರ ಮಾತಿಗೂ ಅಡ್ಡಾದಿಡ್ಡಿ ನಿಲ್ಲಿಸಿರುವ ವಾಹನಗಳವರು ಕವಡೆ ಕಾಸಿನ ಕಿಮ್ಮತ್ತು ನೀಡುವುದಿಲ್ಲಾ .

ಸಿಕೆಬಿ-4 ನಗರದ ಕೆಎಸ್ ಆರ್ ಟಿಸಿ ಬಸ್ ನಿಲ್ದಾಣದ ಬಳಿ ನೋ ಪಾರ್ಕಿಂಗ್ ಬೋರ್ಡ್ ಹಾಕಿದ್ದರೂ ವಾಹನಗಳ ನಿಲುಗಡೆ ಮಾಡಿರುವುದು