ಪರಿಸರವನ್ನು ಸ್ವಂತ ಮನೆಯಂತೆ ಜೋಪಾನ ಮಾಡಿ: ಡಾ. ಗಣಪತಿ ಹೆಗಡೆ

ಕಾರವಾರ: ಪರಿಸರ ಮಾತೆಯ ಸುಸಜ್ಜಿತ ಮನೆಯಲ್ಲಿ ಬಾಡಿಗೆದಾರರಂತೆ ಜೀವಿಸುತ್ತಿದ್ದೇವೆ. ಇಲ್ಲಿ ನೀರು, ಗಾಳಿ, ಬೆಳಕು, ಆಹಾರ ಪದಾರ್ಥಗಳನ್ನು ಯಾವುದೇ ರೀತಿಯ ಹಣ ಸಂದಾಯಿಸದೇ ಬದುಕುತ್ತಿದ್ದೇವೆ. ಹಾಗಾಗಿ ಇದನ್ನು ಜೋಪಾನ ಮಾಡಬೇಕು ಎಂದು ಉಪ ಪರಿಸರ ಅಧಿಕಾರಿ ಡಾ. ಗಣಪತಿ ಹೆಗಡೆ ತಿಳಿಸಿದರು.

ಮಾನವ ಸಂಕುಲದ ಅತಿ ಆಸೆಯಿಂದ ಪರಿಸರ ಸಮತೋಲನ ಹದಗೆಟಿದ್ದು, ಇಂದು ಮಳೆ- ಬೆಳೆ ಸರಿಯಾಗಿ ಸಮಯಕ್ಕೆ ಆಗದೇ ಸಕಲ ಚರಾಚರ ಜೀವಿಗಳ ಬದುಕಿಗೆ ತೊಂದರೆಯಾಗುತ್ತಿದೆ. ಮನುಜ ಕುಲದಿಂದ ಪರಿಸರಕ್ಕೆ ಆಗುತ್ತಿರುವ ತೊಂದರೆಗಳನ್ನು ಸರಿಪಡಿಸುವ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ ಎಂದರು.

ಜೀವಿಗಳ, ಪ್ರಾಣಿ ಪಕ್ಷಿಗಳ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತಿದೆ. ಅಲ್ಲದೇ, ಘನತ್ಯಾಜ್ಯದ ಮತ್ತು ದ್ರವ ತ್ಯಾಜ್ಯಗಳ ವೈಜ್ಞಾನಿಕ ವಿಲೇವಾರಿ ಹಾಗೂ ಈ ನಿಟ್ಟಿನಲ್ಲಿ ಪ್ರತಿ ಪ್ರಜೆಯು ಜಾಗೃತನಾಗಿ ಪರಿಸರವನ್ನು ತಾಯಿಯಂತೆ ಕಂಡಲ್ಲಿ ಪರಿಸರಮಾಲಿನ್ಯ ತಡೆಗಟ್ಟಿ ಪರಿಸರವನ್ನು ಸುಂದರವಾಗಿಸಿ, ಆರೋಗ್ಯವಂತರಾಗಿ ನೆಮ್ಮದಿಯ ಜೀವನ ಸಾಗಿಸಬಹುದು ಎಂದರು.