ಇಂದಿನಿಂದ ಮಾಲೂರಲ್ಲಿ ಎರಡು ದಿನ ರಾಜ್ಯಮಟ್ಟದ ಎಲ್ಐಸಿ ಸಮ್ಮೇಳನ

ಕನ್ನಡಪ್ರಭ ವಾರ್ತೆ ಮಾಲೂರು

ಅವರು ನಗರದ ಪತ್ರಕರ್ತರ ಭವನದಲ್ಲಿ ಅಖಿಲ ಭಾರತ ಜೀವ ವಿಮಾ ಪ್ರತಿನಿಧಿಗಳ ಸಂಘಟನೆ ವತಿಯಿಂದ ಹಮ್ಮಿಕೊಂಡಿದ್ದ ಪತ್ರಿಕಾ ಗೋಷ್ಠಿಯಲ್ಲಿ ಮಾತನಾಡಿ, ಒಂದು ಕುಟುಂಬದಿಂದ 5 ಲಕ್ಷ ರು. ವಾರ್ಷಿಕವಾಗಿ ಪ್ರೀಮಿಯಂ ತುಂಬುವ ಎಲ್ಲಾ ಪಾಲಿಸಿಗಳಿಗೆ ಅವಧಿಯ ನಂತರ ಮೆಚ್ಯೂರಿಟಿ ಹಣಕ್ಕೆ ತೆರಿಗೆ ವಿಧಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ. ಈ ಎಲ್ಲಾ ಬದಲಾವಣೆಗಳು ಸಂಸ್ಥೆಯನ್ನು ಖಾಸಗೀಕರಣ ಗೊಳಿಸಲು ಪ್ರಾರಂಭವಾಗಿಸಿದೆ. ನಮ್ಮ ಸಂಘಟನೆ ೨೦೦೬ ರಿಂದ ೨೦೨೫ ರವರೆಗೆ ೩ ಬಾರಿ ಸಂಸತ್ ಚಲೋ, ಮೂರು ಬಾರಿ ಐಆರ್‌ಡಿಎಐ ಮುಂದೆ ಪ್ರತಿಭಟನೆ, ನಾಲ್ಕು ಬಾರಿ ಎಲ್‌ಐಸಿ ಕೇಂದ್ರ ಕಚೇರಿ ಮುಂದೆ, ೧೦ ಬಾರಿ ವಲಯ ಕಚೇರಿ ಮುಂದೆ ಹಾಗೂ ೬೩ ಬಾರಿ ಶಾಖೆಗಳ ಮುಂದೆ ನಿರಂತರ ಹೋರಾಟ ನಡೆಸಿದ್ದ ಫಲವಾಗಿ ಸೆಪ್ಟೆಂಬರ್ ೨೨ ರಂದು ಎಲ್‌ಐಸಿ ಪಾಲಿಸಿಗಳ ಮೇಲೆ ವಿಧಿಸುವ ಜಿ ಎಸ್ ಟಿ ಯನ್ನು ಕೇಂದ್ರ ಸರ್ಕಾರ ಹಿಂಪಡೆದಿದೆ. ಆದರೆ ೧ ಲಕ್ಷ, ೨೭ ಸಾವಿರ ಕೋಟಿ ರು. ಹಣವನ್ನು ಜನರಿಂದ ಜಿ ಎಸ್ ಟಿ ಹೆಸರಿನಲ್ಲಿ ಕೇಂದ್ರ ಸರ್ಕಾರ ಸಂಗ್ರಹಿಸಿ ಮೋಸ ಮಾಡಿದೆ ಎಂದು ಆರೋಪಿಸಿದರು.

ರಾಜ್ಯಮಟ್ಟದ ೭ನೇ ಸಮ್ಮೇಳನಕ್ಕೆ ಎಂಟು ವಿಭಾಗಗಳಾದ ಮೈಸೂರು, ರಾಯಚೂರು, ಉಡುಪಿ, ಧಾರವಾಡ, ಬೆಳಗಾಂ, ಶಿವಮೊಗ್ಗ ಮತ್ತು ಬೆಂಗಳೂರು ೧ ಮತ್ತು ೨ ಸೇರಿದಂತೆ ಆಯ್ದ ೩೦೦ ಜನ ಪ್ರತಿನಿಧಿಗಳು ಇಲ್ಲಿ ನಡೆಯುವ ಸಮ್ಮೇಳನದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈ ಎರಡು ದಿನಗಳ ಸಮ್ಮೇಳನದ ಕಾರ್ಯ ಕಲಾಪಗಳಲ್ಲಿ ಕೇಂದ್ರ ಸರ್ಕಾರ ಎಲ್‌ಐಸಿ ಪ್ರತಿನಿಧಿಗಳ ಪಿಂಚಣಿ ಭದ್ರತೆ ಎಫ್‌ಡಿಟಿ ನೀತಿ ನಿಲ್ಲಿಸಬೇಕು, ಷೇರು ಮಾರಾಟ ಸ್ಥಗಿತಗೊಳಿಸಬೇಕು ಎಂಬ ಬೇಡಿಕೆಗಳ ಈಡೇರಿಕೆಗೆ ಸಮಾವೇಶದಲ್ಲಿ ಒತ್ತಾಯಿಸಲಾಗುವುದು ಎಂದರು.