ಅಕಾಲಿಕ ಮಳೆ: ಕಾರ್ಕಳ, ಹೆಬ್ರಿ ತಾಲೂಕಲ್ಲಿ ಹಾನಿ

ಕನ್ನಡಪ್ರಭ ವಾರ್ತೆ ಕಾರ್ಕಳ

ಮೋರಿ ವ್ಯವಸ್ಥೆ ಯಿಲ್ಲ: ಕಳೆದ ಎರಡು ವರ್ಷಗಳ ಹಿಂದೆ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿ ಕೈಗೊಂಡಿರುವ ತೀರ್ಥಹಳ್ಳಿ ಮೂಲದ ಖಾಸಗಿ ಕಂಪನಿ ಚರಂಡಿ ನಿರ್ಮಾಣ ಮಾಡಿಲ್ಲ. ಇದರ ಬಗ್ಗೆ ರಾಷ್ಟ್ರೀಯ ಹೆದ್ದಾರಿ ಎಂಜಿನಿಯರ್ ಹಾಗೂ ಉಡುಪಿ ಜಿಲ್ಲಾಧಿಕಾರಿಗಳಿಗೆ ಪತ್ರ ಮುಖೇನ ದೂರು ನೀಡಲಾಗಿತ್ತಾದರೂ ಸ್ಪಂದನೆ ಸಿಕ್ಕಿಲ್ಲ ಎನ್ನುತ್ತಾರೆ ಸ್ಥಳೀಯ ಶಿವಾನಂದ ನಾಯಕ್.ಸಾಣೂರಿನಲ್ಲಿ ಗುಡ್ಡ ಕುಸಿತ:

ಕಳೆದ ಎರಡು ವರ್ಷಗಳ ಗ್ರಾಮಸ್ಥರ ಹೋರಾಟದ ನಂತರ ಹೆದ್ದಾರಿ ಇಲಾಖೆ ಗುಡ್ಡದ ಎತ್ತರದ ಅರ್ಧ ಭಾಗದವರೆಗೆ ಕಾಂಕ್ರೀಟ್ ತಡೆಗೋಡೆ ನಿರ್ಮಾಣ ಮಾಡಿತ್ತು. ತಡೆಕೋಡೆಯ ಮೇಲ್ಭಾಗಕ್ಕೆ ಕೇವಲ ಮಣ್ಣು ತುಂಬಿಸಿ ಅಸಮರ್ಪಕ ಕಾಮಗಾರಿ ನಡೆಸಿತ್ತು. ಆದರೆ ಪೂರ್ಣ ಪ್ರಮಾಣದ ತಡೆಗೋಡೆ ನಿರ್ಮಾಣ ಮಾಡದೆ ಮೀನಾಮೇಷ ಎನಿಸುತ್ತಿದೆ. ಸಾಣೂರು ಸಂಕದ ಬಳಿ ಚರಂಡಿ ವ್ಯವಸ್ಥೆ ಇಲ್ಲದೆ ಮೋಹನ್ ಶೆಟ್ಟಿ ಎಂಬವರ ಮನೆಯೊಳಗೆ ನೀರು ನುಗ್ಗಿದೆ.

ಭಾರಿ‌ ಮಳೆಯಿಂದಾಗಿ ಕಾರ್ಕಳ ತಾಲೂಕಿನ ಬೋಳ ಬರಬೈಲು- ಬೆಳುವಾಯಿ ಸಾಗುವ ರಸ್ತೆಯ ಸಂಪರ್ಕ ಸಂಪೂರ್ಣ ಕಡಿತವಾಗಿದೆ.

ಪ್ರಮುಖ ರಸ್ತೆಯ ಸಂಪರ್ಕ ಕಡಿತಗೊಂಡ ಪರಿಣಾಮ ಕೆದಿಂಜೆಯಿಂದ ಸಾಗುವವರು ಬೋಳ ಪೊಸರ್ಮ, ಪಂಚಾಯಿತಿ ರಸ್ತೆ ಹಾಗೂ ಕೆಮ್ಮಣ್ಣು ರಸ್ತೆಯಲ್ಲಿ ಪರ್ಯಾಯ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ.

ಕಾರ್ಕಳ ತಾಲೂಕಿನಲ್ಲಿ ಅತಿ ಹೆಚ್ಚು ಮಳೆ ಕಾರ್ಕಳ ನಗರದಲ್ಲಿ ದಾಖಲಾಗಿದೆ. ಕಾರ್ಕಳ ನಗರದಲ್ಲಿ 146.4 ಮಿಮೀ, ಇರ್ವತ್ತೂರು 102.4 ಮಿಮೀ, ಅಜೆಕಾರು 55.2 ಮಿಮೀ, ಸಾಣೂರು 107.8 ಮಿಮೀ, ಕದಿಂಜೆ 146.2 ಮಿಮೀ, ಮುಳಿಕಾರು 18.4 ಮಿಮೀ, ಕೆರುವಾಶೆ 80.0 ಮಿಮೀ ಮಳೆ‌ ವರದಿಯಾಗಿದೆ. ಸರಾಸರಿ 93.78 ಮಳೆ ದಾಖಲಾಗಿದೆ.

ಕಾರ್ಕಳ ತಾಲೂಕಿನ‌ ನಿಟ್ಟೆ ಗ್ರಾಮದ ತೊಡಲೆ ಬೇಬಿ ಪೂಜಾರ್ತಿಯವರ ಮನೆಗೆ ಸಿಡಿಲು ಬಡಿದು 20,000 ರು., ಜಯಪೂಜಾರಿ ತೋಡಲೆ ಅವರ ಮನೆಗೆ 20,000 ರು., ರತ್ನಾಕರ ಪುಜಾರಿ ತೊಡಲೆ ಅವರ ಮನೆಗೆ ಸಿಡಿಲು ಬಡಿದು 20000 ರು., ಮಹಾಬಲ ಪೂಜಾರಿ ತೊಡಲೆ ಅವರ ಮನೆಗೆ ಸಿಡಿಲು ಬಡಿದು 20000 ರು. ಹಾನಿ, ಎರ್ಲಪಾಡಿ ಗ್ರಾಮದ ಭೂತಾಲ್ ವಿನೋದ ಶೆಟ್ಟಿ ಮನೆಗೆ ಸಿಡಿಲು ಬಡಿದು 20,000 ರು., ಕಾರ್ಕಳ ಕಸ್ಬಾ ವ್ಯಾಪ್ತಿಯ ಶರ್ಮಿಳಾ ಅವರ ಮನೆಗೆ ಸಿಡಿಲು ಬಡಿದು 10,000 ರು. ಭಾಗಶ ಹಾನಿಯಾಗಿದೆ.