ನಿಗದಿಪಡಿಸಿದ್ದಕ್ಕಿಂತ ಹೆಚ್ಚು ನೀರು ಬಳಕೆ ಪಿಡಿಓಗಳಿಗೆ ಶಾಸಕ ಶಿವಣ್ಣನವರ ತಾಕೀತು

ಬ್ಯಾಡಗಿ:ನಿಗದಿಪಡಿಸಿದ್ದಕ್ಕಿಂತ ಹೆಚ್ಚು ನೀರು ಬಳಕೆ ಮಾಡುತ್ತಿದ್ದ ಕದರಮಂಡಲಗಿ, ಅಸುಂಡಿ ಹಾಗೂ ಹೂಲಿಹಳ್ಳಿ ಪಿಡಿಓಗಳಿಗೆ ಶಾಸಕ ಬಸವರಾಜ ಶಿವಣ್ಣನವರ ತೀವ್ರ ತರಾಟೆಗೆ ತೆಗೆದುಕೊಂಡ ಘಟನೆ ಪಟ್ಟಣದ ಪುರಸಭೆ ಸಾಮಾನ್ಯ ಸಭೆಯಲ್ಲಿ ನಡೆಯಿತು.

ದೇವಸ್ಥಾನದ ನೆಪದಲ್ಲಿ 18 ಲಕ್ಷ ಲೀ.ನೀರು: ಕದರಮಂಡಲಗಿ ಕಾಂತೇಶ ದೇವಸ್ಥಾನದ ಬಳಕೆ ನೆಪದಲ್ಲಿ 18 ಲಕ್ಷ ಲೀ.ನೀರು ಬಳಕೆ ಮಾಡಲಾಗುತ್ತಿದೆ. ಗ್ರಾಮದೆಲ್ಲೆಡೆ ಚರಂಡಿಗಳಿಗೆ ನೀರು ಹರಿದು ಬಿಡುತ್ತಿದ್ದಾರೆ. ಹಾಗಿದ್ದರೇ ಬ್ಯಾಡಗಿ ಜನರು ನೀರಿಗಾಗಿ ಎಲ್ಲಿಗೆ ಹೋಗಬೇಕು ಎಂದು ಪ್ರಶ್ನಿಸಿದ ಅವರು, ಕದರಮಂಡಲಗಿ ಗ್ರಾಮಕ್ಕೆ 6 ಲಕ್ಷ ಲೀ.ನಿಗದಿಪಡಿಸುವಂತೆ ಯುಜಿಡಿ ಅಧಿಕಾರಿಗಳಿಗೆ ಸೂಚಿಸಿದರು.

ಮೂರು ಗ್ರಾಮಗಳಿಗೆ ಒಟ್ಟು 10 ಲಕ್ಷ ಲೀ.ನೀರು: ಇದಕ್ಕೆ ಪ್ರತಿಕ್ರಿಯಿಸಿದ ಶಾಸಕ ಶಿವಣ್ಣನವರ, ಜನಸಂಖ್ಯೆ ಆಧಾರದಲ್ಲಿ ಗ್ರಾಮದ ಪ್ರತಿ ವ್ಯಕ್ತಿಗೆ 45 ಲೀ ನೀರಿನಂತೆ ಹೂಲಿಹಳ್ಳಿ ಗ್ರಾಮಕ್ಕೆ 1.5 ಲಕ್ಷ ಲೀ. ಅಸುಂಡಿಗೆ 3 ಲಕ್ಷ ಲೀ ಹಾಗೂ ಕದರಮಂಡಲಗಿ ಗ್ರಾಮಕ್ಕೆ 6 ಲಕ್ಷ ಲೀ. ನೀರು ಬಳಕೆ ಮಾಡುವಂತೆ ನಿಗದಿಪಡಿಸಿದರು. ಈ ಸಂದರ್ಭದಲ್ಲಿ ಪುರಸಭೆ ಅಧ್ಯಕ್ಷ ಬಾಲಚಂದ್ರ ಪಾಟೀಲ, ಉಪಾಧ್ಯಕ್ಷ ಸುಭಾಸ್ ಮಾಳಗಿ ಸೇರಿದಂತೆ ಸರ್ವ ಸದಸ್ಯರು, ಮುಖ್ಯಾಧಿಕಾರಿಗಳು ಹಾಗೂ ಕದರಮಂಡಲಗಿ ಅಸುಂಡಿ ಗ್ರಾಪಂ ಅಧ್ಯಕ್ಷರು ಹಾಗೂ ಪಿಡಿಓಗಳು ಉಪಸ್ಥಿತರಿದ್ದರು.ಯಾರ್ರೀ ಅವನು ನಾಮಧಾರಿ: ಹೂಲಿಹಳ್ಳಿ ಬಳಿಯಿರುವ ನಾಮಧಾರಿ ಸೀಡ್ಸ್ ಎಂಬ ಖಾಸಗಿ ವ್ಯಕ್ತಿಗೆ ನೀರು ಮಾರಾಟ ಮಾಡಲಾಗುತ್ತಿರುವ ಬಗ್ಗೆ ವದಂತಿಗಳಿವೆ. ಯಾರ್ರೀ ಇವನು ನಾಮಧಾರಿ..? ಎಂದು ಖಾರವಾಗಿ ಪ್ರಶ್ನಿಸಿದ ಅವರು ಕೂಡಲೇ ಆತನಿಗೆ ಕೊಟ್ಟಿರುವ ನೀರು ಸ್ಥಗಿತಗೊಳಿಸಿ..? ವರದಿ ನೀಡುವಂತೆ ತಾಕೀತು ಮಾಡಿದರಲ್ಲದೇ ಕುಡಿಯುವ ನೀರು ಪೂರೈಕೆಗೆ ಅಡ್ಡಿಪಡಿಸಿದವರ ವಿರುದ್ಧ ಕಾನೂನು ಕ್ರಮಕ್ಕೆ ಸೂಚಿಸಿದರು.