ಜ್ಞಾನ ಹೆಚ್ಚಿಸಿಕೊಳ್ಳಲು ಗ್ರಂಥಾಲಯ ಬಳಸಿಕೊಳ್ಳಿ: ಪ್ರೊ. ಚೆಲುವರಾಜು

ಸರಳಾದೇವಿ ಕಾಲೇಜು ವಾರ್ಷಿಕೋತ್ಸವ ಸಮಾರಂಭ

ನಗರದ ಸರಳಾದೇವಿ ಸತೀಶ್ಚಂದ್ರ ಅಗರವಾಲ್ ಸರ್ಕಾರಿ ಪ್ರಥಮ‌ ದರ್ಜೆ ಕಾಲೇಜಿನ 2024-25ನೇ ಸಾಲಿನ ಕಾಲೇಜು ವಾರ್ಷಿಕೋತ್ಸವ ಸಮಾರಂಭ ಜರುಗಿತು.

ನಾನು ಬಡತನದಲ್ಲಿಯೇ ಬೆಳೆದೆ. ಕಡುಕಷ್ಟದಲ್ಲಿ ಓದು ಮುಂದುವರಿಸಿದೆ. ಪದವಿ ಹಂತದಲ್ಲಿ ಶ್ರಮವಹಿಸಿ ಆಂಗ್ಲ‌ಭಾಷೆ‌ಯಲ್ಲಿ ಪ್ರಭುತ್ವ ಸಾಧಿಸಿದೆ.‌ ಮುಂದೆ ಜರ್ಮನಿ‌ ವಿಶ್ವವಿದ್ಯಾಲಯದಲ್ಲಿ‌ ಅತಿಥಿ ಉಪನ್ಯಾಸಕನಾಗಿಯೂ ಕರ್ತವ್ಯ‌ ನಿರ್ವಹಿಸಿದೆ ಎಂದು ತಮ್ಮ ಜೀವನ ಯಶೋಗಾಥೆಯನ್ನು ವಿದ್ಯಾರ್ಥಿಗಳಿಗೆ ತಿಳಿಸಿದ ಡಾ. ಚೆಲುವರಾಜು, ಕಾಲೇಜು ಗ್ರಂಥಾಲಯಗಳನ್ನು ಸಮರ್ಪಕವಾಗಿ ಬಳಸಿಕೊಂಡು‌ ಶೈಕ್ಷಣಿಕ ಜ್ಞಾನ ಸಂಪಾದಿಸಿಕೊಳ್ಳುವಂತೆ ಸಲಹೆ ನೀಡಿದರು.

ಕಾಲೇಜಿನ‌ ಪ್ರಾಚಾರ್ಯ ಡಾ.‌ ಸಿ.ಎಚ್. ಸೋಮನಾಥ ಅಧ್ಯಕ್ಷತೆ ವಹಿಸಿದ್ದರು. ಕಾಲೇಜು‌ ಅಭಿವೃದ್ಧಿ ಸಮಿತಿ ಹಿರಿಯ ಸದಸ್ಯ ಪ್ರೊ.‌ ಎಸ್.ಎಸ್. ಪಾಟೀಲ್, ಹಳೇ ವಿದ್ಯಾರ್ಥಿಗಳ ಸಂಘದ ಕಾರ್ಯದರ್ಶಿ ಹನುಮಂತರೆಡ್ಡಿ ಸೇರಿ ಕಾಲೇಜಿನ ಬೋಧಕ-ಬೋಧಕೇತರ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಸವಿತಾ ಅಮರೇಶ ನುಗಡೋಣಿ ಮತ್ತು ತಂಡದವರು ವಚನ ಸಂಗೀತ ‌ಕಾರ್ಯಕ್ರಮ ನಡೆಸಿಕೊಟ್ಟರು. ರಾಘವೇಂದ್ರ ಗುಡದೂರು ಮತ್ತು‌ ಹರ್ಷ ಆಚಾರ್ ಹಾರ್ಮೋನಿಯಂ, ತಬಲಾ ಸಾಥ್‌ ನೀಡಿದರು. ಡಾ. ದಸ್ತಗಿರಿ ಸಾಬ್ ದಿನ್ನಿ, ಡಾ. ಜ್ಯೋತಿ ಅಣ್ಣಾರಾವ್ ಹಾಗೂ ಡಾ.‌ ಪಲ್ಲವಿ ಕಾರ್ಯಕ್ರಮ ನಿರ್ವಹಿಸಿದರು. ಕಾಲೇಜಿನ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ‌ಕಾರ್ಯಕ್ರಮ ನಡೆದವು.