ಬಿರುಗಾಳಿಗೆ ಬೆಂಡಾದ ದೇವತ್ಕಲ್ ಗ್ರಾಮಸ್ಥರು

100ಕ್ಕೂ ಅಧಿಕ ಮನೆಗಳ ಮೇಲ್ಛಾವಣಿ ಜಖಂ । ನೆಲ ಕಚ್ಚಿದ ಪಪ್ಪಾಯಿ

ಕನ್ನಡಪ್ರಭ ವಾರ್ತೆ ಸುರಪುರ

ಮನೆಗಳಿಗೆ ಹಾನಿ: ಬಿರುಗಾಳಿಗೆ ಗ್ರಾಮದಲ್ಲಿರುವ ಶ್ರೀನಿವಾಸ ಘಂಟಿ, ಶ್ರೀದೇವಿ, ಶಿವರಾಜ ಬೈಚಬಾಳ, ಲಕ್ಷ್ಮಣ ನಾವದಗಿ, ನೂರಜಾನ್ ಬಿ, ಸೂರ್ಯಕಾಂತಮ್ಮ, ರಾಮಣ್ಣ ತಳವಾರ್, ಅಂಬರೀಷ್ ನಾವದಗಿ, ದೇವಕ್ಕೆಮ್ಮ ಹಮಾಲಿ, ಮಂಜಮ್ಮ ನಿಂಗಪ್ಪ, ಶ್ರೀನಿವಾಸ ಯಾದವ ಇವರ ಮನೆಗಳಿಗೆ ಭಾರೀ ಹಾನಿಯಾದರೆ ಇತರೆ ಮನೆಗಳಿಗೆ ಲಘು ಹಾನಿಯಾಗಿದೆ. * ನೀರಿನ ಕೊರತೆ: ಕಳೆದ ಮೂರು ದಿನಗಳಿಂದ ಗ್ರಾಮದಲ್ಲಿ ನಿರಂತರವಾಗಿ ಸುರಿಯುತ್ತಿರುವ ಮಳೆಗೆ ಬೃಹತ್ ಮರಗಳು ಬಿದ್ದು, ವಿದ್ಯುತ್ ಕಂಬಗಳು ಧರೆಗುರುಳಿವೆ. ಇದರಿಂದಾಗಿ ಗ್ರಾಮದಲ್ಲಿ ವಿದ್ಯುತ್ ವ್ಯತ್ಯಯವಾಗಿ ಕುಡಿಯುವ ನೀರಿನ ಕೊರತೆ ಉಂಟಾಗಿದೆ.

ಕಾಂಗ್ರಸ್‌ನಿಂದ ಪ್ರತ್ಯೇಕ ವರದಿ ಸಲ್ಲಿಕೆ: ಯೂತ್‌ ಕಾಂಗ್ರಸ್‌ ಘಟಕದ ಜಿಲ್ಲಾ ಅಧ್ಯಕ್ಷ ರಾಜಾ ಕುಮಾರ ನಾಯಕ ಹಾನಿಗೊಳಗಾದ ಮನೆಗಳಿಗೆ ಭೇಟಿ ನೀಡಿ ಪರಿಶೀಲಿಸಿ ಮಾತನಾಡಿದ ಅವರು, ಸುರುಪುರ ತಾಲೂಕಿನಲ್ಲಿ ಬಿರುಗಾಳಿ ಮಳೆಗೆ ಜನರ ಆಸ್ತಿಗಳಿಗೆ ಅಪಾರ ಹಾನಿ ಉಂಟಾಗಿದೆ. ಕಂದಾಯ ಇಲಾಖೆ ಹಾಗೂ ಕೃಷಿ ಇಲಾಖೆಯಿಂದ ನಷ್ಟ ಸರ್ವೇ ಮಾಡಲಾಗುತ್ತಿದೆ. ಅಲ್ಲದೆ ಕಾಂಗ್ರೆಸ್‌ನಿಂದಲೂ ಸರ್ವೇ ನಡಿಸಿ ಪ್ರತ್ಯೇಕ ವರದಿಯನ್ನು ಸರ್ಕಾರಕ್ಕೆ ಸಲ್ಲಿಸಿ, ಜನರಿಗೆ ಪರಿಹಾರ ಒದಗಿಸುತ್ತೇವೆ ಎಂದು ತಿಳಿಸಿದರು.