ಬಲಿಷ್ಠ ಭಾರತ ನಿರ್ಮಾಣವಾಗಲು ಬಿಜೆಪಿಗೆ ಮತ ಹಾಕಿ: ಶಿವಶಂಕರ್

- ಮಲೇಬೆನ್ನೂರು ವ್ಯಾಪ್ತಿಯಲ್ಲಿ ಗಾಯತ್ರಿ ಸಿದ್ಧೇಶ್ವರ ಪರ ಪ್ರಚಾರ - - -ಕನ್ನಡಪ್ರಭ ವಾರ್ತೆ, ಮಲೇಬೆನ್ನೂರು

ಬುಧವಾರ ಸಂಜೆ ದೊಗ್ಗಳ್ಳಿ, ಕೊಂಡಜ್ಜಿ, ಬುಳ್ಳಾಪುರ, ಕೆಂಚನಹಳ್ಳಿ, ಸಾರಥಿ, ಪಾಮೇನಹಳ್ಳಿ, ಹನಗವಾಡಿ, ಗಂಗನರಸಿ, ತಿಮ್ಲಾಪುರ, ಬಿಳಸನೂರು, ಸಿರಿಗೆರೆ ಮತ್ತು ಯಲವಟ್ಟಿ ಗ್ರಾಮಗಳಲ್ಲಿ ಚುನಾವಣಾ ಪ್ರಚಾರ ಮಾಡಿದ ನಂತರ ಸಮೀಪದ ಕುಂಬಳೂರಿನ ದೇವಾಲಯ ಮುಂಭಾಗದಲ್ಲಿ ರೋಡ್‌ ಶೋ ನಡೆಸಿ ಅವರು ಮಾತನಾಡಿದರು.

೨೦೦೩ರಲ್ಲಿ ಎಸ್‌.ಎಂ. ಕೃಷ್ಣ ಸರ್ಕಾರದಲ್ಲಿಯೂ ಬರಗಾಲ, ೨೦೧೩ರಲ್ಲಿ ಸಿದ್ದರಾಮಯ್ಯ ಸರ್ಕಾರ ಬಂದಾಗಲು ಬರಗಾಲ, ಪ್ರಸ್ತುತ ೨೦೨೪ರಲ್ಲಿಯೂ ಬರಗಾಲ ಬಂದಿದೆ. ಅಲ್ಲಿಗೆ ಕಾಂಗ್ರೆಸ್ ಅಂದ್ರೆ ಬರಗಾಲ ಎಂಬುದು ಸಾಬೀತಾಗಿದೆ. ಎಚ್‌.ಡಿ.ದೇವೇಗೌಡರು, ಎಚ್.ಡಿ.ಕುಮಾರಸ್ವಾಮಿ ಇಬ್ಬರೂ ಯಾವಾಗ ಭಾಜಪಗೆ ಬೆಂಬಲ ನೀಡಿದರೋ, ಅಂದೇ ರಾಜ್ಯದಲ್ಲಿ ಶುಭಕಾಲ ಶುರುವಾಯಿತು. ಅಭ್ಯರ್ಥಿ ಗಾಯತ್ರಿ ಸಿದ್ದೇಶ್ವರ್‌ ಅವರಿಗೆ ಹರಿಹರ ತಾಲೂಕಿನಿಂದ ಒಂದೂವರೆ ಲಕ್ಷ ಮತಗಳನ್ನು ನೀಡಲು ಕಾರ್ಯಕರ್ತರು ಶಕ್ತಿಮೀರಿ ಪ್ರಯತ್ನ ಮಾಡಬೇಕೆಂದು ಶಿವಶಂಕರ್ ಮನವಿ ಮಾಡಿದರು.

ಕೋರೊನಾ ಅವಧಿಯಲ್ಲಿ ಅನೇಕ ರಾಷ್ಟ್ರಗಳು ದಿವಾಳಿಯಾದ ಸಂದರ್ಭದಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಪರಿಣಾಮಕಾರಿ, ಲಸಿಕೆ ನೀಡಿ, ಜನರ ಪ್ರಾಣ ಕಾಪಾಡಿದ ಧೀಮಂತ ವ್ಯಕ್ತಿ ಎಂದರು.

- - - -ಚಿತ್ರ-೧: