ಜನರ ಕಷ್ಟಕ್ಕೆ ಸ್ಪಂದಿಸುವ ಶಾಸಕರು ಬೇಕು

-ಮುನಿಯಪ್ಪನದೊಡ್ಡಿಯಲ್ಲಿ ಯೋಗೇಶ್ವರ್ ಪರ ಮಾಜಿ ಶಾಸಕ ರಾಜು ಮತಯಾಚನೆ

ತಾಲೂಕಿನ ಮುನಿಯಪ್ಪನದೊಡ್ಡಿ ಗ್ರಾಮದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಯೋಗೇಶ್ವರ್ ಪರ ಮತಯಾಚಿಸಿ ಮಾತನಾಡಿದ ಅವರು, ಈ ಹಿಂದೆ ಕ್ಷೇತ್ರವನ್ನು ಪ್ರತಿನಿಧಿಸಿ ಆಯ್ಕೆಯಾದ ಶಾಸಕರು ಜನರ ಕಷ್ಟ ಕೇಳಲಿಲ್ಲ, ಬಡವರಿಗೆ ಆಸರೆಯಾಗದಿರುವ ಬಗ್ಗೆ ಕ್ಷೇತ್ರದ ಜನರಲ್ಲಿ ಅಸಮಾಧಾನವಿದೆ. ಜನತೆಯೇ ನಮ್ಮ ಜೊತೆ ನಿಲ್ಲದವರನ್ನು ನಾವು ಏಕೆ ಆಯ್ಕೆ ಮಾಡಬೇಕೆಂದು ಹೇಳುತ್ತಿದ್ದಾರೆ. ಇದನ್ನು ಗಮನಿಸಿದರೆ ಬಡವರಿಗೆ ಸಹಾಯ ಮಾಡಲು ಆಗದಿದ್ದವರು ಜನರ ಬಳಿ ಮತ ಕೇಳುವ ಹಕ್ಕು ಕಳೆದು ಕೊಂಡಿದ್ದಾರೆ ಎಂದು ಎಚ್ಡಿಕೆ ಹೆಸರೇಳದೆ ಕಿಡಿಕಾರಿದರು.

ಈ ವೇಳೆ ಬಿಳಗುಂಬ ಗ್ರಾಪಂ ಅಧ್ಯಕ್ಷ ನವೀನ್‌ಗೌಡ, ಮಾಜಿ ಅಧ್ಯಕ್ಷ ಪುಟ್ಟಸಿದ್ದೇಗೌಡ, ಗ್ರಾಪಂ ಸದಸ್ಯರಾದ ಸ್ವಾಮಿ, ಕೆಂಚೇಗೌಡ, ವೆಂಕಟೇಶ್, ಮುಖಂಡರಾದ ಜಯಕರ್ನಾಟಕ ರವಿ, ಮಹದೇವ್, ಅನಿಶ್, ವಡೇರಹಳ್ಳಿ ಚಂದ್ರು, ರಮೇಶ್ ಸೇರಿದಂತೆ ನೂರಾರು ಮುಖಂಡರು ಮನೆಮನೆ ಪ್ರಚಾರ ನಡೆಸಿದರು.