ರಾಜ್ಯವೇನು ಜಮೀರ್ ಅಪ್ಪನ ಮನೆಯಲ್ಲ: ರೇಣುಕಾಚಾರ್ಯ ಹೇಳಿಕೆ

- ವಕ್ಫ್ ತಿದ್ದುಪಡಿ ಕಾಯ್ದೆ ಜಾರಿಗೆ ಬಿಡಲ್ಲವೆಂದ ಜಮೀರ್ ಪ್ರಚೋದನೆ ಮಾತು ನಿಲ್ಲಿಸಲಿ - - -

ಬಿಜೆಪಿಯ 3ನೇ ಹಂತದ ಜನಾಕ್ರೋಶ ಯಾತ್ರೆ ಏ.21ಕ್ಕೆ ಶ್ರೀ ಜಯದೇವ ವೃತ್ತದಲ್ಲಿ ಆಗಮಿಸುವ ಹಿನ್ನೆಲೆ ಭಾನುವಾರ ಸಂಜೆ ಸಿದ್ಧತಾ ಕಾರ್ಯಗಳ ವೀಕ್ಷಿಸಿದ ನಂತರ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು.

ಜಮೀರ್ ಅಹಮ್ಮದ್ ಖಾನ್ ಪ್ರಚೋದನೆ ಮಾಡುತ್ತಾರಷ್ಟೇ. ನಾವು ಹಿಂದೂಗಳು, ಒಮ್ಮೆ ತಿರುಗಿ ಬಿದ್ದರೆ, ನಿನಗೆ ಎಲ್ಲಿಗೆ ಕಳಿಸಬೇಕೋ, ಅಲ್ಲಿಗೆ ಓಡಿಸುತ್ತೇವೆ. ರಾಜ್ಯದಲ್ಲಿ ವಕ್ಫ್ ತಿದ್ದುಪಡಿ ಕಾಯ್ದೆ ಜಾರಿಗೊಳಿಸಬೇಕು. ಅಗತ್ಯ ವಸ್ತುಗಳ ಬೆಲೆ ಏರಿಕೆ ಇಳಿಸುವವರೆಗೂ ಬಿ.ವೈ.ವಿಜಯೇಂದ್ರ ನೇತೃತ್ವದ ಜನಾಕ್ರೋಶ ಯಾತ್ರೆ ಮುಂದುವರಿಯುತ್ತದೆ ಎಂದು ರೇಣುಕಾಚಾರ್ಯ ಹೇಳಿದರು.

ಜನಾಕ್ರೋಶ ಯಾತ್ರೆ ಕಂಡು ಕಾಂಗ್ರೆಸ್ ಸರ್ಕಾರಕ್ಕೆ ನಡುಕ ಶುರುವಾಗಿದೆ. 4ನೇ ಹಂತವು ಬೆಂಗಳೂರಿನಲ್ಲಿ ನಡೆಯಲಿದೆ. ಅಗತ್ಯ ವಸ್ತುಗಳ ಬೆಲೆ ಏರಿಕೆ ಇಳಿಸುವವರೆಗೂ ಜನಾಕ್ರೋಶ ನಡೆಯಲಿದೆ. ಮುಂದಿನ ಹಂತದಲ್ಲಿ ಬಾರುಕೋಲು ಚಳವಳಿ, ಮಹಿಳೆಯರಿಂದ ಪೊರಕೆ ಸೇವೆ ಹೋರಾಟವನ್ನೂ ಮಾಡಬೇಕಾದೀತು ಎಂದರು.

(ಬಾಕ್ಸ್‌) * ಯಾರಿಗೂ ಆರತಿ ಎತ್ತಿ ಕರೆಯೋಕ್ಕೆ ಆಗಲ್ಲ ದಾವಣಗೆರೆಯಲ್ಲಿ ಬಿಜೆಪಿಯ 3ನೇ ಹಂತದ ಜನಾಕ್ರೋಶ ಯಾತ್ರೆಗೆ ಬರುವಂತೆ ಯಾರಿಗೂ ಆರತಿ ಎತ್ತಿ ಕರೆಯುವುದಕ್ಕೆ ಆಗಲ್ಲ. ಬಿಜೆಪಿ ರಾಜ್ಯಾಧ್ಯಕ್ಷರ ಮೇಲೆ ಅಭಿಮಾನ ಇರುವವರು, ಪಕ್ಷದ ಮೇಲೆ ನಿಷ್ಟೆ ಇದ್ದವರು ಜನಾಕ್ರೋಶ ಯಾತ್ರೆಗೆ ಬಂದೇ ಬರುತ್ತಾರೆ. ನಮ್ಮನ್ನು ಕರೆದಿಲ್ಲವೆಂದು ಯಾರೂ ಹೇಳುವುದಿಲ್ಲ ಎಂದು ಅವರು ವಿಜಯಪುರ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್‌ ಜೊತೆಗೆ ಗುರುತಿಸಿಕೊಂಡ ಜಿ.ಎಂ.ಸಿದ್ದೇಶ್ವರ, ಹರೀಶ್‌ ಅವರಿಗೆ ರೇಣುಕಾಚಾರ್ಯ ಪರೋಕ್ಷವಾಗಿ ಟಾಂಗ್ ನೀಡಿದರು.

-(ಫೋಟೋ ಬರಲಿವೆ)