ಈ ಬಾರಿ ಮೇಯರ್ ಆಗೋರು ಯಾರು?

ಕೆ.ಎಂ.ಮಂಜುನಾಥ್

ಮಹಾನಗರ ಪಾಲಿಕೆಯ ಮೇಯರ್ ಚುನಾವಣೆ ಮಾ. 28ರಂದು ಜರುಗಲಿದ್ದು, ಅಧಿಕಾರದ ಗದ್ದುಗೆ ಯಾರ ಪಾಲಾಗಲಿದೆ ಎಂಬ ಕುತೂಹಲ ಮೂಡಿದೆ.

ಏತನ್ಮಧ್ಯೆ ಮೇಯರ್ ಆಯ್ಕೆ ವೇಳೆ ಸಾಮಾಜಿಕ ನ್ಯಾಯ ನೀಡಬೇಕು. ಅವಕಾಶ ವಂಚಿತ ಸಮುದಾಯಕ್ಕೆ ಆದ್ಯತೆ ಸಿಗಬೇಕು. ಯಾವುದೇ ಕಾರಣಕ್ಕೂ ಈಗಾಗಲೇ ಮೇಯರ್ ಆಗಿ ಅಧಿಕಾರವುಂಡ ಸಮಾಜಕ್ಕೆ ಪದೇ ಪದೇ ರಾಜಕೀಯ ಅಧಿಕಾರದ ಅವಕಾಶ ನೀಡುವಂತಾಗಬಾರದು ಎಂಬ ಕೂಗು ಪಕ್ಷ ಹಾಗೂ ಪಾಲಿಕೆ ಸದಸ್ಯರ ವಲಯದಲ್ಲಿ ಕೇಳಿ ಬಂದಿದೆ. ಬಳ್ಳಾರಿಯ ಮೇಯರ್ ಚುನಾವಣೆ ಹಿನ್ನೆಲೆಯಲ್ಲಿ ನಡೆದಿರುವ ರಾಜಕೀಯ ಬೆಳವಣಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಪಕ್ಷದ ರಾಜ್ಯಾಧ್ಯಕ್ಷ ಡಿ.ಕೆ. ಶಿವಕುಮಾರ್ ಅವರ ಗಮನಕ್ಕೂ ಬಂದಿದ್ದು, ಅವಕಾಶ ವಂಚಿತ ಸಮಾಜಕ್ಕೆ ಅವಕಾಶ ನೀಡುವುದಾಗಿ ಭರವಸೆ ನೀಡಿದ್ದಾರೆ ಎಂದು ತಿಳಿದು ಬಂದಿದೆ.

ಆಕಾಂಕ್ಷಿಗಳು ಯಾರ್‍ಯಾರು?

ಈಗಾಗಲೇ ಕಮ್ಮಾ ಸಮುದಾಯಕ್ಕೆ ಮೇಯರ್ ಸ್ಥಾನ ನೀಡಲಾಗಿದ್ದು, ಇತ್ತೀಚೆಗಷ್ಟೇ ಇದೇ ಸಮಾಜದ ಜೆ.ಎಸ್‌. ಆಂಜಿನೇಯಲು ಅವರನ್ನು ಬಳ್ಳಾರಿ ನಗರಾಭಿವೃದ್ಧಿ ಪ್ರಾಧಿಕಾರದ (ಬುಡಾ) ಅಧ್ಯಕ್ಷರನ್ನಾಗಿ ನೇಮಕ ಮಾಡಲಾಗಿದೆ. ಈ ಹಿಂದೆ ಜೆ.ಎಸ್. ಆಂಜಿನೇಯಲು ಅವರು ಬುಡಾ ಅಧ್ಯಕ್ಷರಾಗಿದ್ದಾಗ್ಯೂ ಮತ್ತೊಮ್ಮೆ ಅವಕಾಶ ನೀಡಲಾಗಿದೆ.

ಸದಸ್ಯರ ಸೆಳೆಯಲು ಚಿನ್ನ-ಬೆಳ್ಳಿ ನೀಡಿ ಆಮಿಷ

ಗಾದೆಪ್ಪ ಪರ ಸದಸ್ಯರ ಬ್ಯಾಟಿಂಗ್?

ಯಾದವ ಸಮುದಾಯಕ್ಕೆ ಈ ವರೆಗೆ ಅಧಿಕಾರದ ಅವಕಾಶ ಸಿಕ್ಕಿಲ್ಲ. ಪಕ್ಷದ ನಿಷ್ಠಾತರಿಗೆ ಅಧಿಕಾರ ಸಿಗದೇ ಹೋದರೆ ಶೋಷಿತ ಸಮುದಾಯವೊಂದು ಅಧಿಕಾರದಿಂದ ವಂಚಿತಗೊಂಡಂತಾಗುತ್ತದೆ ಎಂದು ಕೆಲ ಸದಸ್ಯರು ಪಕ್ಷದ ನಾಯಕರಿಗೆ ತಿಳಿಸಿದ್ದಾರೆ. ಖುದ್ದು ಗಾದೆಪ್ಪ ಸಹ ಪಕ್ಷದ ಹಿರಿಯ ನಾಯಕರನ್ನು ಭೇಟಿ ಮಾಡಿ ಅವಕಾಶಕ್ಕಾಗಿ ಮನವಿ ಮಾಡಿಕೊಂಡಿದ್ದಾರೆ ಎಂದು ಗೊತ್ತಾಗಿದೆ.

ಮೇಯರ್ ಸ್ಥಾನ ನೀಡುವಾಗ ಸಾಮಾಜಿಕ ನ್ಯಾಯ ಪರಿಗಣಿಸಬೇಕು. ಬರೀ ಹಣವುಳ್ಳವರಿಗೆ ಅಧಿಕಾರ ನೀಡುವಂತಗಬಾರದು. ಹಣ ಇದ್ದವರೇ ಅಧಿಕಾರಕ್ಕೆ ಬಂದರೆ ಪಕ್ಷದ ಬೆಳವಣಿಗೆಗೆ ದೊಡ್ಡ ಪೆಟ್ಟು ಬೀಳುತ್ತದೆ ಎಂದು ಅಭಿಪ್ರಾಯ ಪಟ್ಟಿರುವ ಪಕ್ಷದ ಕೆಲ ಮುಖಂಡರು ಹಾಗೂ ಕಾರ್ಯಕರ್ತರು, ಒಂದು ವೇಳೆ ಪಕ್ಷದ ಹಿರಿಯ ನಾಯಕರಿಗೆ ಹಣವುಳ್ಳವರೇ ಮುಖ್ಯ ಎನಿಸಿದರೆ, ಮೇಯರ್ ಹುದ್ದೆಯನ್ನು ಸವಾಲು ಹಾಕಲಿಬಿಡಿ. ಹಣ ಇದ್ದವರು ಕೂಗಿ ಅಧಿಕಾರ ಗಿಟ್ಟಿಸಿಕೊಳ್ಳುತ್ತಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.