ಕಡಿಮೆ ಪರಿಹಾರ ಪಡೆದ ರೈತರ ಗೋಳು ಕೇಳುವರ್ಯಾರು..?

-ತಿಂಗಳು ಕಳೆದರೂ ಬಾರದ ಬೆಳೆ ನಷ್ಟ ಪರಿಹಾರ । ಕಾಳಗಿ ಕಂದಾಯ ಇಲಾಖೆ, ಬೆಳೆ ಇನ್ಸೂರೆನ್ಸ್‌ ಕಂಪನಿಗೆ ರೈತರ ಹಿಡಿ ಶಾಪ

•ನಾಗರಾಜ ಗದ್ದಿ ಕೊಡದೂರ

ಮಳೆ ಬರದಿದ್ದರೆ ಬರಗಾಲ ಎನ್ನುವಂತೆ ಒಂದು ಬಾರಿ ತೊಗರಿ ಫಸಲು ಉತ್ತಮಾಗಿ ಬಂದರೆ ನಿಗದಿತವಾದ ಬೆಲೆ ಸಿಗುವುದಿಲ್ಲ, ಫಸಲು ಹಾಳಾದಾಗ ಬೆಲೆ ಉತ್ತಮವಾಗಿರುತ್ತದೆ. ಈ ಎರೆಡರ ಮಧ್ಯೆ ರೈತನ ಬದುಕು ಜೂಜಾಟದಂತಾಗಿದೆ. ಕಳೆದ ಬಾರಿ ರೈತರ ಖಾತೆಗೆ ಉತ್ತಮ ಪರಿಹಾರ ದೊರಕಿತು, ಆದರೆ, ಈ ಬಾರಿ ಒಂದು ಹೆಕ್ಟೇರ್‌ಗೆ ಕೇವಲ ೫ ಸಾವಿರ ಪರಿಹಾರ ನೀಡಿ ಸಣ್ಣ ರೈತರ ಮೂಗಿಗೆ ತುಪ್ಪ ಸವರುವ ಕೆಲಸ ಸರ್ಕಾರ ಹಾಗೂ ಕಾಳಗಿ ತಾಲೂಕು ಆಡಳಿತ ಮಾಡಿದೆ ಎಂದರೆ ಅತಿಶಯವಲ್ಲ.

ವಿಪರ್ಯಾಸವೆಂದರೆ ಒಂದು ತಿಂಗಳು ಕಳೆದರು ಇನ್ನೂ ಪರಿಹಾರ ಕಾಳಗಿ ರೈತರು ಕಂಡಿಲ್ಲ.

ಲೋಪ: ಬೆಳೆ ನಷ್ಟ ನೋಂದಣಿಯಲ್ಲಿ ಗ್ರಾಮ ಲೆಕ್ಕಾಧಿಕಾರಿಗಳು ಲೋಪ ವೆಸಗಿದ ಹಿನ್ನೆಲೆ ಕಡಿಮೆ ಪರಿಹಾರ ಬಂದಿದೆ ಎಂದು ಕೆಲ ರೈತರು ಗೋಳಾಡುತ್ತಿರುವುದು ಕಂಡುಬಂತು. ನಷ್ಟ ಪರಿಹಾರದಲ್ಲಿ ತಾರತಮ್ಯ ಒಂದಿಷ್ಟು ರೈತರಿಗೆ ಹೆಚ್ಚು ಒಂದಿಷ್ಟು ರೈತರಿಗೆ ಸಂಪೂರ್ಣ ಹಾಳಾದರೂ ಕಡಿಮೆ ನಷ್ಟವಾಗಿದೆ ಎಂದು ಕಂದಾಯ ಇಲಾಖೆಯ ಲಾಗಿನ್ ನಲ್ಲಿ ನೋಂದಣಿ ಮಾಡಿದ್ದಾರೆ. ಒಂದಿಷ್ಟು ವಿಐಗಳು ತಮಗೆ ಮನಬಂದಂತೆ ನೋಂದಣಿ ಮಾಡಿದ್ದಾರೆ. ಜಿಲ್ಲೆಗೆ ವರದಿ ಕಳಿಸುವ ಬರದಲ್ಲಿ ಬಡಪಾಯಿ ರೈತರಗೆ ತಹಸೀಲ್ದಾರ ತಲಾಟಿಗಳು ಅನ್ಯಾಯ ವೆಸಗಿದ್ದಾರೆ.

ಒಟ್ಟಾರೆ ಹೇಳುವುದಾದರೆ ಕಳೆದಬಾರಿ ಬಂದಿರುವಷ್ಟು ಪರಿಹಾರದ ಹಣ ಈ ಬಾರಿ ಬಂದಿಲ್ಲ. ಭಾಗಶಃ ರೈತರಿಗೆ ಅನ್ಯಾಯವಾಗಿದೆ.

ಪೋಟೊ: ಕಾಳಗಿ ತಾಲೂಕಿನ ಕೊಡದೂರ ಗ್ರಾಮದ ಜಮಿನೊಂದರಲ್ಲಿ ತೊಗರಿ ಬೆಳೆ ಸಂಪೂರ್ಣ ಗೊಡ್ಡು ರೋಗಕ್ಕೆ ತುತ್ತಾಗಿ ಸಂಪೂರ್ಣ ಹಾಳಾಗಿರುವುದು.