ನೋವು ನಲಿವುಗಳಿಗೆ ಸಾಕ್ಷಿಯಾದ-2025

ಕೇಣಿ, ಹೊನ್ನಾವರ ಬಂದರು, ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಗಳ ವಿರುದ್ಧ ಭಾರಿ ಪ್ರತಿಭಟನೆ, ವಿರೋಧ

2025 ಉತ್ತರ ಕನ್ನಡ ಜಿಲ್ಲೆಯ ಪಾಲಿಗೆ ನೋವು-ನಲಿವುಗಳಿಂದ ಕೂಡಿದೆ. ದುರಂತಗಳು ತಲ್ಲಣಗೊಳಿಸಿದೆ, ಉತ್ಸವಗಳು ಉಲ್ಲಾಸ ಮೂಡಿಸಿದವು. ಜಿಲ್ಲೆಯಲ್ಲಿ ಗಮನಾರ್ಹವಾದ ಅಭಿವೃದ್ಧಿ ಯೋಜನೆಗಳು ಬಾರದೆ ಇದ್ದರೂ, ಕೇಣಿ, ಹೊನ್ನಾವರ ಬಂದರು ಯೋಜನೆ, ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಗಳು ಭಾರಿ ಪ್ರತಿಭಟನೆ, ವಿರೋಧಕ್ಕೆ ಕಾರಣವಾಯಿತು. ಇಡೀ ಜಿಲ್ಲೆಯ ಪ್ರಮುಖ ಘಟನೆಗಳ ವಿದ್ಯಮಾನ ಇಲ್ಲಿದೆ.ಜನವರಿಜನವರಿ 22ರಂದು ಇಡೀ ಜಿಲ್ಲೆಯ ಜನತೆಗೆ ಬರಸಿಡಿಲಿನಂತೆ ಎರಗಿದ್ದು ತರಕಾರಿ ತುಂಬಿದ್ದ ಲಾರಿಯ ಅಪಘಾತ. ಯಲ್ಲಾಪುರ ತಾಲೂಕಿನ ಅರಬೈಲ್ ಬಳಿ ಹಾವೇರಿಯಿಂದ ಕುಮಟಾಕ್ಕೆ ತರಕಾರಿ ಹೊತ್ತು ತರುತ್ತಿದ್ದ ಲಾರಿ ಉರುಳಿಬಿದ್ದು 10 ಜನರು ಬಲಿಯಾಗಿ, 18 ಜನರು ಗಾಯಗೊಂಡರು. ಈ ಘಟನೆಯಿಂದ ಇಡೀ ಜಿಲ್ಲೆ ತಲ್ಲಣಗೊಂಡಿತು.

ಜೋಯಾಡಾದಲ್ಲಿ ಜ.8ರಂದು ಅಪರೂಪದ ಗಡ್ಡೆ ಗೆಣಸು ಮೇಳ ನಡೆಯಿತು. ಹಳಿಯಾಳ ಆದಿಶಕ್ತಿ ಪೀಠದ ಗುರು ಶ್ರೀ ಕೃಷ್ಣಾನಂದ ಭಾರತಿ ಶ್ರೀಗಳು ಜ.8ರಂದು ವಿಧಿವಶರಾದರು.ಮುಂಡಗೋಡ ಎನ್ ಎಂ ಡಿ ಗ್ರೂಪ್ ಮಾಲೀಕ ಜಮೀರ ದರ್ಗಾವಾಲೆ ಎನ್ನುವವರನ್ನು ಸಿನಿಮೀಯ ರೀತಿಯಲ್ಲಿ ಅಪಹರಣ ಮಾಡಲಾಯಿತು.

ಫೆಬ್ರವರಿ

ಐಎನ್ಎಸ್ ಕದಂಬ ನೌಕಾನೆಲೆಯ ಮಾಹಿತಿಯನ್ನು ಪಾಕಿಸ್ತಾನದ ಗೂಢಚಾರರಿಗೆ ಕಳುಹಿಸಿದ ಆರೋಪದ ಮೇಲೆ ಕಾರವಾರದ ವೇತನ ತಾಂಡೇಲ್ ಹಾಗೂ ಅಕ್ಷಯ ನಾಯ್ಕ ಅವರನ್ನು ಎನ್ಐಎ ದಾಳಿ ನಡೆಸಿ ಬಂಧಿಸಿತು.ಫೆ.26 ರಂದು ಮಹಾಶಿವರಾತ್ರಿ ನಡೆದು ಗೋಕರ್ಣ, ಮುರ್ಡೇಶ್ವರ, ಸಹಸ್ರಲಿಂಗ, ಯಾಣ ಮತ್ತಿತರ ಶೈವ ಕ್ಷೇತ್ರಗಳಲ್ಲಿ ಸಾವಿರಾರು ಜನರು ಶಿವನ ದರ್ಶನ ಪಡೆದು ಪೂಜೆ ಸಲ್ಲಿಸಿದರು.

ಕಾರವಾರ ಬಾಲಕಿಯರ ಬಾಲಮಂದಿರದಲ್ಲಿ ಮಾ.10ರಂದು ವಿದ್ಯಾರ್ಥಿನಿ ಆತ್ಮಹತ್ಯೆ ಮಾಡಿಕೊಂಡಿದ್ದು ಆತಂಕಕ್ಕೆ ಕಾರಣವಾಯಿತು.ಮಾ.10ರಿಂದ ಮೂರು ದಿನಗಳ ಕಾಲ ಶಿರಸಿಯಲ್ಲಿ ಬೇಡರ ವೇಷ ನಡೆಯಿತು. ಮಾ.11 ರಂದು ಹೊನ್ನಾವರ ಸಾಲ್ಕೋಡಿನಲ್ಲಿ ಗೋಹತ್ಯೆ ಮಾಡಿದ ಪ್ರಮುಖ ಆರೋಪಿಗಳಾದ ವಾಸಿಂ ಮತ್ತು ಮುಜಾಮಿಲ್ ಎಂಬಿಬ್ಬರನ್ನು ಪೊಲೀಸರು ಬಂಧಿಸಿದರು.

ಆರೋಗ್ಯ ಇಲಾಖೆ ಅಧಿಕಾರಿಗಳು ಮುಂಡಗೋಡದಲ್ಲಿ ದಾಳಿ ನಡೆಸಿ ಪರವಾನಗಿ ಪಡೆಯದ ಕೆಲ ಆಸ್ಪತ್ರೆಗಳಿಗೆ ಬೀಗ ಹಾಕಿದರು.ಏಪ್ರಿಲ್ಹಳಿಯಾಳದಲ್ಲಿ 6 ರಂದು ಪೊಲೀಸರ ಮೇಲೆ ದಾಳಿ ನಡೆಸಿದ ಇಬ್ಬರು ದರೋಡೆಕೋರರ ಮೇಲೆ ಗುಂಡು ಹಾರಿಸಿ ಪೊಲೀಸರು ವಶಕ್ಕೆ ಪಡೆದರು.

ಬನವಾಸಿ ಕದಂಬೋತ್ಸವ 12ರಿಂದ ಎರಡು ದಿನಗಳ ಕಾಲ ನಡೆದು ಪಂಪ ಪ್ರಶಸ್ತಿ ಪ್ರದಾನ ಮಾಡಲಾಯಿತು.ಮೇಭಟ್ಕಳದಲ್ಲಿ ಮಂಕಾಳ ವೈದ್ಯ ನೇತೃತ್ವದಲ್ಲಿ ಜಿಲ್ಲಾ ಮಟ್ಟದ ಜನಸ್ಪಂದನ ಸಭೆ ನಡೆಯಿತು. ಜನರಿಂದ ನೂರಾರು ಅರ್ಜಿ ಸ್ವೀಕರಿಸಲಾಯಿತು.

ಜೂನ್

ಜೋಯಿಡಾವನ್ನು ಸಾವಯವ ತಾಲೂಕು ಎಂದು ಕೃಷಿ ಸಚಿವ ಚೆಲುವರಾಯಸ್ವಾಮಿ ಘೋಷಿಸಿದರು.ಭಟ್ಕಳದ ಮುಂಡಳ್ಳಿಯಲ್ಲಿ ಕೊಟ್ಟಿಗೆಯಲ್ಲಿದ್ದ ಎಮ್ಮೆ ಹೊತ್ತ್ಯೊಯ್ದು ಹತ್ಯೆ ಮಾಡಲಾಯಿತು. ತಿಂಗಳಾಂತ್ಯದಲ್ಲಿ ಭಾರಿ ಮಳೆ ಮುಂದುವರಿದು ಮೂರು ದಿನ ಶಾಲೆಗಳಿಗೆ ರಜೆ ನೀಡಲಾಯಿತು. ನದಿ ತೀರದ ಜನರಿಗೆ ಕಾಳಜಿ ಕೇಂದ್ರದಲ್ಲಿ ಆಶ್ರಯ ನೀಡಲಾಯಿತು.

ಮೀನುಗಾರಿಕೆಗೆ ತೆರಳಿದ ನವಗ್ರಹ ಹೆಸರಿನ ಬೋಟ್ ಮುರ್ಡೇಶ್ವರ ಬಳಿ ಮುಳುಗಡೆಯಾಗಿ ಮೂವರು ಮೃತಪಟ್ಟರು.ಭಟ್ಕಳ ಗ್ರಾಮದೇವಿ ಮಾರಿಕಾಂಬಾ ದೇವಿಯ ಜಾತ್ರೆ ಮಹೋತ್ಸವ ಅದ್ಧೂರಿಯಿಂದ ನಡೆಯಿತು.

ಜೋಯಿಡಾ ನಿವೃತ್ತ ಸೈನಿಕ ರಾಮನಗರದ ಶಶಿಕಾಂತ ಬಾವಾ ಕರ್ತವ್ಯದಲ್ಲಿರುವಾಗ ನಿಧನರಾದರು.ಆಗಸ್ಟ್ಸಾಲಬಾಧೆಯಿಂದ ಮುಂಡಗೋಡದ ರೈತ ಸೋಮಯ್ಯ ಚರಂತಿಮಠ ಆತ್ಮಹತ್ಯೆಗೆ ಶರಣಾದರು.

ವ್ಯಾಪಕ ಮಳೆಯಿಂದ ಲಿಂಗನಮಕ್ಕಿ ಜಲಾಶಯಿಂದ 20 ಸಾವಿರ ಕ್ಯುಸೆಕ್ ನೀರು ಬಿಡುಗಡೆ ಮಾಡಲಾಯಿತು.ಸೆಪ್ಟೆಂಬರ್ಶಿಕ್ಷಕ ದಿನಾಚರಣೆಯಾದ ಸೆ.5 ರಂದು ಹೊನ್ನಾವರದ ಪಿ.ಆರ್. ನಾಯ್ಕಗೆ ರಾಜ್ಯ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ ಪ್ರದಾನ ಮಾಡಲಾಯಿತು.

ಅಂಕೋಲಾ ತಾಲೂಕಿನ ಅಗಸೂರ ಬಳಿ 18ರಂದು ಸಾರಿಗೆ ಬಸ್ ಹಾಗೂ ಟ್ಯಾಂಕರ್ ನಡುವೆ ಅಪಘಾತ ನಡೆದು ಇಬ್ಬರು ಮೃತಪಟ್ಟು, ಐವರು ಗಂಭೀರವಾಗಿ ಗಾಯಗೊಂಡರು.ಹೊನ್ನಾವರದ ಗೇರಸೊಪ್ಪದಲ್ಲಿ 19ರಂದು ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯ ಸಾರ್ವಜನಿಕ ಅಹವಾಲು ಸಭೆ ನಡೆದು, ಯೋಜನೆಗೆ ವ್ಯಾಪಕ ವಿರೋಧ ವ್ಯಕ್ತವಾಯಿತು.

ಹಳಿಯಾಳದಲ್ಲಿ ಜಿಲ್ಲಾಧಿಕಾರಿ ಮಧ್ಯಸ್ಥಿಕೆಯಲ್ಲಿ 8ರಂದು ಕಬ್ಬು ಬೆಳೆಗಾರರು ಹಾಗೂ ಕಾರ್ಖಾನೆ ಮಾಲೀಕರ ನಡುವೆ ಮಹತ್ವದ ಸಭೆ ನಡೆಯಿತು.ಕಬ್ಬಿಗೆ ಕನಿಷ್ಠ ದರ ಘೋಷಿಸಿದ್ದರಿಂದ 23ರಂದು ರೈತರು ಹಳಿಯಾಳದಲ್ಲಿ ಅನಿರ್ದಿಷ್ಟ ಅವಧಿಯ ಮುಷ್ಕರ ಆರಂಭಿಸಿದರು.

ಜೋಯಿಡಾದ ಕಾಲೇಜ ವಿದ್ಯಾರ್ಥಿನಿ ಕಾವ್ಯಾ ದಾನವ ಎಂಬಾಕೆ ರಾಷ್ಟ್ರ ಮಟ್ಟದ ಪದವಿಪೂರ್ವ ಕಾಲೇಜುಗಳ ಕುಸ್ತಿಯಲ್ಲಿ ಕಂಚಿನ ಪದಕ ಗಳಿಸಿ ಮೆಚ್ಚುಗೆಗೆ ಪಾತ್ರರಾದರು.ದೆಹಲಿ ಬಾಂಬ್ ಸ್ಫೋಟ ಖಂಡಿಸಿ ಭಟ್ಕಳದಲ್ಲಿ ಹಿಂದು ಜಾಗರಣ ವೇದಿಕೆಯಿಂದ 18ರಂದು ಪ್ರತಿಭಟನೆ ನಡೆಯಿತು.

ಹೊನ್ನಾವರದ ಸೂಳೆಮುರ್ಕಿ ಎಂಬಲ್ಲಿ ಬಸ್ ಅಪಘಾತ ಉಂಟಾಗಿ ಒಬ್ಬ ವಿದ್ಯಾರ್ಥಿ ಮೃತಪಟ್ಟು, 30 ವಿದ್ಯಾರ್ಥಿಗಳು ಗಾಯಗೊಂಡರು.ಡಿಸೆಂಬರ್ಮುಂಡಗೋಡದಲ್ಲಿ 5ರಂದು ಫರ್ನಿಚರ್ ತಯಾರಿಕಾ ಘಟಕ ಅಗ್ನಿ ಅನಾಹುತಕ್ಕೀಡಾಗಿ ₹50 ಲಕ್ಷ ಹಾನಿ ಉಂಟಾಯಿತು.

ಮಂಕಿ ಪಪಂಗೆ ಮೊದಲ ಬಾರಿ ನಡೆದ ಚುನಾವಣೆಯಲ್ಲಿ ಬಿಜೆಪಿ ಜಯಭೇರಿ ಬಾರಿಸಿತು. ಕಾರವಾರದಲ್ಲಿ ಡಿ.22 ರಿಂದ 7 ದಿನಗಳ ಕಾಲ ಕರಾವಳಿ ಉತ್ಸವ ಅದ್ಧೂರಿಯಾಗಿ ನಡೆಯಿತು. ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಪಾಲ್ಗೊಂಡಿದ್ದರು. 28ರಂದು ರಾಷ್ಟ್ರಪತಿ ನೌಕಾನೆಲೆಗೆ ಭೇಟಿ ನೀಡಿದ್ದರು.