ಮಹಿಳೆಯರು ಮಾನವ ಜನಾಂಗದ ಅಸ್ಮಿತೆ: ಸಾಹಿತಿ ಪುಣ್ಯವತಿ

ಕನ್ನಡಪ್ರಭ ವಾರ್ತೆ ಬೀದರ್‌

ಅವರು ಸಮಾಜ ಸೇವಾ ಸಮಿತಿ ಬೀದರ್‌ ಶಾಖೆಯ ವತಿಯಿಂದ ಕರುನಾಡು ಸಾಂಸ್ಕೃತಿಕ ಸಭಾಂಗಣದಲ್ಲಿ ಏರ್ಪಡಿಸಿದ್ದ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಪ್ರಯುಕ್ತ ಉಪನ್ಯಾಸ ಹಾಗೂ ಸಾಧಕರಿಗೆ ಪ್ರಶಸ್ತಿ ಪ್ರದಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿದ ಅವರು, ಪ್ರತಿಯೊಬ್ಬರು ಮಾನವೀಯ ಹಾಗೂ ನೈತಿಕ ನೆಲೆಗಟ್ಟಿನ ಮೇಲೆ ಜೀವನ ಸಾಗಿಸುತ್ತ ಸುಂದರ ಸದೃಢ ಸಮಾಜ ನಿರ್ಮಿಸುವಂತಾಗಬೇಕು ಎಂದು ತಿಳಿಸಿದರು.

ಅನೇಕ ಮಹಾಪುರುಷರ, ಹೋರಾಟಗಾರರ ಫಲವಾಗಿ ಇಂದು ಮಹಿಳೆಯರಿಗೆ ಎಲ್ಲಾ ಕ್ಷೇತ್ರಗಳಲ್ಲಿಯೂ ಉನ್ನತ ಸ್ಥಾನ ಮಾನಗಳು ದೊರಕುತ್ತಿವೆ. ಪ್ರಸ್ತುತ ಅವಳ ಮೇಲಾಗುತ್ತಿರುವ ದೌರ್ಜನ್ಯಗಳಿಗೆ ಕಡಿವಾಣ ಹಾಕುವಂತಾಗಬೇಕು ಎಂದು ವಿವರಿಸಿದರು.

ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಸದಸ್ಯ ಡಾ. ಸಂಜೀವಕುಮಾರ ಅತಿವಾಳೆ ವಿಶೇಷ ಸನ್ಮಾನ ಸ್ವೀಕರಿಸಿ ಮಾತನಾಡಿ, ಗಡಿಭಾಗದಲ್ಲಿ ಅನ್ಯ ಭಾಷೆಗಳ ಪ್ರಭಾವದಿಂದ ಕನ್ನಡ ಭಾಷೆಯು ನಲಗುತ್ತಿದೆ. ಅನೇಕ ರಚನಾತ್ಮಕ ಕಾರ್ಯಕ್ರಮಗಳ ಮೂಲಕ ಹಾಗೂ ಮೂಲಸೌಲಭ್ಯಗಳನ್ನ ಒದಗಿಸುವ ಮೂಲಕ ಕನ್ನಡ ಭಾಷೆ, ಸಾಹಿತ್ಯ, ಸಂಸ್ಕೃತಿಯನ್ನು ಈ ಭಾಗದಲ್ಲಿ ಉಳಿಸಿ ಬೆಳೆಸುವಲ್ಲಿ ಪ್ರಮಾಣಿಕ ಸೇವೆ ಸಲ್ಲಿಸುತ್ತೇನೆ. ಎಲ್ಲಾ ಕನ್ನಡಿಗರ ಸಹಕಾರ ಇರಲಿ ಎಂದು ಕೋರಿದರು.

ಆದರ್ಶ ದಂಪತಿ ಪ್ರಶಸ್ತಿ ಪುರಸ್ಕೃತರಾದ ಡಾ. ಜಯದೇವಿ ಶರಣಪ್ಪ ಗೌರಾ ಔರಾದ, ಭೂಮಿಕಾ ಬಸವರಾಜ ಘೂಳೆ ಯನಗುಂದಾ, ರೇಣುಕಾ ರಾಜಶೇಖರ ಮಂಗಲಗಿ, ಕವಿತಾ ಶಿವದಾಸ ಸ್ವಾಮಿ, ಅನ್ನಪೂರ್ಣ ರಘುನಾಥ ಮೇತ್ರೆ, ಸುನಿತಾ ಎಮ್.ಆರ್. ಗೋಡಬೋಲೆ, ಲಲಿತಾ ದಿಗಂಬರರಾವ ಪಾಟೀಲ ಹಾಗೂ ಸಮಾಜ ರತ್ನ ಪ್ರಶಸ್ತಿ ಪುರಸ್ಕೃತರಾದ – ರೇಣುಕಾ ಎನ್‌ಬಿ, ಸುನಿತಾ ಬಿರಾದಾರ, ರಾಜೇಶ್ವರಿ ಹೂಗಾರ, ರಾಜೇಶ್ವರಿ ಕಲ್ಮನಿ, ಡಾ. ಮಹೇಂದ್ರ ಬಿರಾದಾರ, ಸಂತೋಷ ಎಲ್‌ಟಿ ಇವರುಗಳಿಗೆ ಪ್ರಶಸ್ತಿ ಪ್ರದಾನ ಮಾಡಲಾಯಿತು.