ಸುಸ್ಥಿರ ಬದುಕಿನತ್ತ ಮಹಿಳೆಯರ ದಾಪುಗಾಲು: ನಾರಾಯಣ

ಮಾಗಡಿ: ಗ್ರಾಮದಲ್ಲಿ ಮಹಿಳೆಯರು ಸುಸ್ಥಿರ ಬದುಕು ರೂಪಿಸಿಕೊಳ್ಳಲು ಸಂಘಟಿತರಾಗುತ್ತಿರುವುದು ಉತ್ತಮ ಬೆಳವಣಿಗೆ ಎಂದು ಲಕ್ಕೇನಹಳ್ಳಿ ಗ್ರಾಪಂ ಅಧ್ಯಕ್ಷ ಎಚ್.ನಾರಾಯಣ ಶ್ಲಾಘಿಸಿದರು.

ಮಹಿಳೆಯರು ಸಂಘಟಿತರಾದರೆ ಏನು ಬೇಕಾದರೂ ಸಾಧಿಸಬಹುದು ಎಂಬುದಕ್ಕೆ ನಮ್ಮ ಗ್ರಾಮದ ಮಹಿಳೆಯರು ಕೈಗೊಂಡಿರುವ ಕೃಷಿ ಚಟುವಟಿಕೆಗಳು ಒಂದು ಉದಾಹರಣೆ. ಮುಂದಿನ ದಿನಗಳಲ್ಲಿ, ಇಂತಹ ಕಾರ್ಯಕ್ರಮಗಳಿಗೆ ಪಂಚಾಯ್ತಿ ವತಿಯಿಂದ ಇನ್ನೂ ಹೆಚ್ಚಿನ ಬೆಂಬಲ ನೀಡುತ್ತೇವೆ ಎಂದು ಭರವಸೆ ನೀಡಿದರು.

ಮಶ್ರಕ್ ಗ್ಲೋಬಲ್ ಕಂಪನಿ ರಮೇಶ್ ಮಾತನಾಡಿ, ನಮ್ಮ ಸಂಸ್ಥೆಯ ಸಾಮಾಜಿಕ ಹೊಣೆಗಾರಿಕೆ (ಸಿಎಸ್ಆರ್) ನಿಧಿಯಡಿ ನೀಡಿರುವ ಹಣ, ಮಹಿಳಾ ಸಬಲೀಕರಣಕ್ಕೆ ಇಷ್ಟು ಉತ್ತಮವಾಗಿ ಸದ್ಬಳಕೆಯಾಗುತ್ತಿರುವುದು ಖುಷಿ ತಂದಿದೆ. ಇಂತಹ ಕಾರ್ಯಗಳನ್ನು ಮುಂದೆಯೂ ಸಂಸ್ಥೆ ಬೆಂಬಲಿಸಲಿದೆ ಎಂದು ತಿಳಿಸಿದರು.

ಸಂಪನ್ಮೂಲ ಕೇಂದ್ರ ಉದ್ಘಾಟನೆ:

ಕಾರ್ಯಕ್ರಮದ ಬಳಿಕ ಅತಿಥಿಗಳು ''''ವಿಶ್ವಾಸ್'''' ಯೋಜನೆಯಡಿ ಸಂಘದ ಮಹಿಳೆಯರು ತಮ್ಮ ಮನೆಯೆಂಗಳದಲ್ಲಿ ನಿರ್ಮಿಸಿರುವ ಕೈತೋಟ, ಔಷಧೀಯ ಗಿಡಗಳ ತೋಟ, ಎರೆಹುಳು ಗೊಬ್ಬರ ಘಟಕಗಳನ್ನು ವೀಕ್ಷಿಸಿ, ಸ್ವಹಾಯ ಸಂಘದ ಮಹಿಳೆಯರು ತಯಾರಿಸಿದ ಉತ್ಪನ್ನಗಳ ರುಚಿ ಸವಿದರು.

(ಫೋಟೋ ಕ್ಯಾಫ್ಷನ್‌ 17.3.24ನಲ್ಲಿ IMG-20240316-WA0071 ನಲ್ಲಿ ಫೋಟೋ ಇದೆ)ಮಾಗಡಿ ತಾಲೂಕಿನ ಬಿರಾವರದಲ್ಲಿ ಬೆಂಗಳೂರಿನ ಭೂಮಿ ಸುಸ್ಥಿರ ಅಭಿವೃದ್ಧಿ ಸಂಸ್ಥೆ, ಮಶ್ರಕ್ ಗ್ಲೋಬಲ್ ಕಂಪನಿ, ರಿಫಲ್ ಆಫ್ ಚೇಂಚ್ ಫೌಂಡೇಷನ್, ಕಳ್ಳಿಪಾಳ್ಯ ಗ್ರಾಮಸ್ಥರ ಸಹಯೋಗದಲ್ಲಿ ಆಯೋಜಿಸಿದ್ದ ವಿಶ್ವ ಮಹಿಳಾ ದಿನಾಚರಣೆ ಕಾರ್ಯಕ್ರಮವನ್ನು ಲಕ್ಕೇನಹಳ್ಳಿ ಗ್ರಾಪಂ ಅಧ್ಯಕ್ಷ ಎಚ್.ನಾರಾಯಣ ಉದ್ಘಾಟಿಸಿದರು.