ಮೆಕ್ಕೆಕಟ್ಟು ಮೇಳದ ಯಕ್ಷಗಾನ ಬಯಲಾಟ ಉದ್ಘಾಟನೆ

ಯಲ್ಲಾಪುರ: ಯಕ್ಷಗಾನ ಜನರ ಅಂತರಂಗಕ್ಕೆ ತಲುಪುವ ಕಲೆಯಾಗಿದೆ. ಸಾಹಿತ್ಯ, ಸಂಗೀತ, ಕಲೆಗಳ ಒಡನಾಟ ಅಪ್ಯಾಯಮಾನವಾದದ್ದು. ಕಲಾರಾಧನೆ ಈ ಭಾಗದ ದೊಡ್ಡ ಆಸ್ತಿಯಾಗಿದೆ. ಮನಸ್ಸು ಶುದ್ಧಿ ಮಾಡಬಲ್ಲ ಶಕ್ತಿ ಕಲೆಗಳಿಗಿವೆ ಎಂದು ಹಿರಿಯ ತಾಳಮದ್ದಳೆ ಅರ್ಥಧಾರಿ ಎಂ.ಎನ್. ಹೆಗಡೆ ಹಳವಳ್ಳಿ ಹೇಳಿದರು.

ಕಾರ್ಯಕ್ರಮ ಉದ್ಘಾಟಿಸಿದ ವಿಶ್ವದರ್ಶನ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಹರಿಪ್ರಕಾಶ ಕೋಣೆಮನೆ ಮಾತನಾಡಿ, ಯಕ್ಷಗಾನ ಕಲೆ ಸಂಘಟನಾತ್ಮಕವಾದ ಶಕ್ತಿಯಾಗಿದೆ. ಪರಂಪರೆಯಿಂದ ತನ್ನ ಗೌರವ ಉಳಿಸಿಕೊಂಡಿದೆ ಎಂದರು.

ಗಣಪತಿ ಕಂಚಿಪಾಲ ಸ್ವಾಗತಿಸಿದರು. ಡಾ.ಡಿ.ಕೆ. ಗಾಂವ್ಕರ ಪ್ರಾಸ್ತಾವಿಕ ಮಾತನಾಡಿದರು. ಮಂಜುನಾಥ ಮೂಲೆಮನೆ ನಿರ್ವಹಿಸಿದರು. ನಾರಾಯಣ ಗೋಡೆಪಾಲ ವಂದಿಸಿದರು.

ತೇಲಂಗಾರದಲ್ಲಿ ಮೆಕ್ಕೆಕಟ್ಟುಮೇಳದ ಯಕ್ಷಗಾನ ಯಶಸ್ವಿಯಾಗಿ ನಡೆಯಿತು.