ಯಕ್ಷಗಾನ ಭಾಗವತ ಕೇಶವ ಹೆಗಡೆ ಸಾಧನೆ ಅನನ್ಯ: ರವೀಂದ್ರ ಭಟ್‌

ಸಿದ್ದಾಪುರ: ಯಕ್ಷಗಾನದ್ದೇ ಆದ ಶೈಲಿಯನ್ನು ಉಳಿಸಿಕೊಂಡು ಬಂದವರು ಭಾಗವತ ಕೇಶವ ಹೆಗಡೆಯವರು. ಅವರ ಮಾರ್ಗವನ್ನು ಇತರರು ಅನುಸರಿಸುವಂಥ ಪ್ರತಿಭೆ ಅವರದ್ದು ಎಂದು ಹಿರಿಯ ಪತ್ರಕರ್ತ ರವೀಂದ್ರ ಭಟ್ ಐನಕೈ ಶ್ಲಾಘಿಸಿದರು.ತಾಲೂಕಿನ ಕೊಳಗಿಯ ಸಮಾಜ ಮಂದಿರದಲ್ಲಿ ಕೊಳಗಿ- ಶಿರಳಗಿ ಗ್ರಾಮಸ್ಥರು ಆಯೋಜಿಸಿದ್ದ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ, ಯಕ್ಷಗಾನದ ಬಡಗುತಿಟ್ಟಿನ ಪ್ರಸಿದ್ಧ ಭಾಗವತ ಕೇಶವ ಹೆಗಡೆಯವರ ಅಭಿನಂದನಾ ಕಾರ್ಯಕ್ರಮ ಮತ್ತು ಸಂತೋಷಕೂಟದಲ್ಲಿ ಮಾತನಾಡಿ, ಕೇಶವ ಹೆಗಡೆ ತಮ್ಮ ಭಾಗವತಿಕೆಯ ಆರಂಭದ ದಿನಗಳಲ್ಲಿ ಇನ್ನಿತರ ಪ್ರಖ್ಯಾತ ಭಾಗವತರುಗಳಿದ್ದರೂ ತಮ್ಮ ಸಾಧನೆಯ ಮೂಲಕ ಉನ್ನತಿಗೆ ಬಂದರು ಎಂದರು.

ಶಿರಸಿ: ಭಗವಾನ್ ಶ್ರೀಧರ ಸಂಗೀತ ವಿದ್ಯಾಲಯದ ೫ನೇ ಸಂಗೀತ ನಾದೋಪಾಸನೆ ಕಾರ್ಯಕ್ರಮವು ಜ. ೫ರಂದು ಬೆಳಗ್ಗೆ ೧೦ ಗಂಟೆಯಿಂದ ಇಲ್ಲಿನ ಯೋಗಮಂದಿರದಲ್ಲಿ ನಡೆಯಲಿದೆ.ಸಂಗೀತ ವಿದ್ಯಾಲಯದ ವಿದ್ಯಾರ್ಥಿಗಳಿಂದ ಪ್ರತಿಭಾ ಪ್ರದರ್ಶನ ಜರುಗಲಿದ್ದು, ತಬಲಾದಲ್ಲಿ ಕೈವಲ್ಯ, ಚಿನ್ಮಯ್, ನಾರಾಯಣ ಹೆಗಡೆ ಸಂಪಿಗೆಮನೆ ಸಹಕಾರ ನೀಡಲಿದ್ದಾರೆ.

ಸಂಜೆ ೭ರಿಂದ ಆಮಂತ್ರಿತ ಕಲಾವಿದ ಪಂ. ಶ್ರೀಪಾದ ಹೆಗಡೆ ಕಂಪ್ಲಿ ಅವರಿಂದ ಗಾಯನವಿರಲಿದ್ದು, ನಾಗವೇಣಿ ಶ್ರೀಪಾದ ಹೆಗಡೆ ಕಂಪ್ಲಿ ಹಾರೋನಿಯಂ, ಗಣೇಶ ಗುಂಡ್ಕಲ್ ತಬಲಾ ಸಹಕಾರ ನೀಡಲಿದ್ದಾರೆ ಎಂದು ಮಹಾವಿದ್ಯಾಲಯದ ಸಂಗೀತ ಶಿಕ್ಷಕಿ ಸ್ಮೀತಾ ಎಂ. ಹೆಗಡೆ ತಿಳಿಸಿದ್ದಾರೆ.