)
)
)
ಸಾರಾಂಶ
ಪಂತ್ : ಟಾಟಾ ಮೋಟಾರ್ಸ್ ಎಲೆಕ್ಟ್ರಿಕ್ ಸಾರಿಗೆ ಉತ್ಪನ್ನಗಳನ್ನು ಒದಗಿಸುವುದರಲ್ಲಿ ಮುಂಚೂಣಿಯಲ್ಲಿದೆ. ಸಂಸ್ಥೆಯ ಎಲೆಕ್ಟ್ರಿಕ್ ಬಸ್ಸು, ಕಾರುಗಳು ಎಲ್ಲೆಡೆ ಕಾಣಸಿಗುತ್ತವೆ. ಇದೀಗ ಟಾಟಾ ಮೋಟಾರ್ಸ್ ಉತ್ತರಾಖಂಡ್ ನ ಪಂತ್ ನಗರದಲ್ಲಿರುವ ತನ್ನ ಘಟಕದಲ್ಲಿ ಉದ್ಯೋಗಿಗಳ ಸಾರಿಗೆ ವ್ಯವಸ್ಥೆಗಾಗಿ ಎಲೆಕ್ಟ್ರಿಕ್ ಬಸ್ ಗಳನ್ನು ಅನಾವರಣ ಮಾಡಿದೆ.
ಟಾಟಾ ಮೋಟಾರ್ಸ್ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ಟಿಎಂಎಲ್ ಸ್ಮಾರ್ಟ್ ಸಿಟಿ ಮೊಬಿಲಿಟಿ ಸೊಲ್ಯೂಷನ್ಸ್ ಲಿಮಿಟೆಡ್ (ಟಿಎಸ್ಸಿಎಂಎಸ್ಎಲ್) ಕಂಪನಿಯು ಉದ್ಯೋಗಿಗಳ ಸಾರಿಗೆ ವ್ಯವಸ್ಥೆಗೆ ಟಾಟಾ ಅಲ್ಟ್ರಾ 9ಎಂ ಎಲೆಕ್ಟ್ರಿಕ್ ಬಸ್ಗಳನ್ನು ಒದಗಿಸಿದೆ.
ಅತ್ಯಾಧುನಿಕ ಬ್ಯಾಟರಿಯ ಮೂಲಕ ಈ ಬಸ್ಸು ಕಾರ್ಯ ನಿರ್ವಹಿಸುತ್ತಿದೆ. ಆರಾಮದಾಯಕ ಮತ್ತು ಅನುಕೂಲಕರ ಪ್ರಯಾಣ ಸೌಲಭ್ಯವನ್ನು ಒದಗಿಸಲು ಈ ಬಸ್ಗಳನ್ನು ವಿನ್ಯಾಸಗೊಳಿಸಲಾಗಿದೆ. ಈ ವ್ಯವಸ್ಥೆಯಿಂದ ವರ್ಷದಲ್ಲಿ 1,100 ಟನ್ಗಳಷ್ಟು ಇಂಗಾಲದ ಡೈ ಆಕ್ಸೈಡ್ ಹೊರಸೂಸುವಿಕೆ ಕಡಿಮೆ ಆಗಲಿದೆ ಎಂದು ಕಂಪನಿ ತಿಳಿಸಿದೆ. ಕಂಪನಿಯಲ್ಲಿನ 16 ಎಂಡಬ್ಲ್ಯೂ ಸೌರಶಕ್ತಿ ಸ್ಥಾವರದಿಂದ ಉತ್ಪತ್ತಿಯಾಗುವ ವಿದ್ಯುತ್ ಮೂಲಕ ಈ ಇ- ಬಸ್ ಗಳನ್ನು ಚಾರ್ಜ್ ಮಾಡಲಾಗುವುದು ವಿಶೇಷವಾಗಿದೆ.
ಈ ಇ ಬಸ್ಗಳನ್ನು ಟಾಟಾ ಮೋಟಾರ್ಸ್ ಕಮರ್ಷಿಯಲ್ ವೆಹಿಕಲ್ಸ್ನ ಕಾರ್ಯನಿರ್ವಹಣಾ ವಿಭಾಗದ ಉಪಾಧ್ಯಕ್ಷ ಮತ್ತು ಮುಖ್ಯಸ್ಥ ಶ್ರೀ ವಿಶಾಲ್ ಬಾದ್ಶಾ ಅನಾವರಣ ಮಾಡಿದ್ದಾರೆ. ನಮ್ಮ ಘಟಕದಲ್ಲಿ ಸುಸ್ಧಿರತೆಯನ್ನು ಸಾಧಿಸುವ ಮೂಲಕ ನಮ್ಮ ಎಲ್ಲಾ ಉತ್ಪಾದನಾ ಘಟಕಗಳನ್ನು ಪರಿಸರ ಸ್ನೇಹಿಯನ್ನಾಗಿಸಲು ನಾವು ಬದ್ಧರಾಗಿದ್ದೇವೆ ಎಂದು ಅವರು ಹೇಳಿದ್ದಾರೆ.
ಟಾಟಾ ಅಲ್ಟ್ರಾ ಇವಿ 9ಎಂ ಎಲೆಕ್ಟ್ರಿಕ್ ಬಸ್ ಜನರೇಟಿವ್ ಬ್ರೇಕಿಂಗ್ ಸಿಸ್ಟಮ್ ಮತ್ತು ಇಂಟೆಲಿಜೆಂಟ್ ಟ್ರಾನ್ಸ್ ಪೋರ್ಟ್ ಸಿಸ್ಟಮ್ಸ್ ಸೇರಿದಂತೆ ಹಲವು ಸ್ಮಾರ್ಟ್ ಫೀಚರ್ ಗಳನ್ನು ಹೊಂದಿದೆ. ಫುಲ್- ಎಲೆಕ್ಟ್ರಿಕ್ ಡ್ರೈವ್ ಟ್ರೇನ್ ಮೂಲಕ ನಡೆಸಲ್ಪಡುತ್ತದೆ. ಟಾಟಾ ಮೋಟಾರ್ಸ್ ಈಗಾಗಲೇ 10 ನಗರಗಳಲ್ಲಿ 3,100 ಎಲೆಕ್ಟ್ರಿಕ್ ಬಸ್ಗಳನ್ನು ನಿಯೋಜಿಸಿದ್ದು, ಈ ಯಶಸ್ಸಿನ ಆಧಾರದಲ್ಲಿ ಈ ಹೊಸ ಬಸ್ಗಳನ್ನು ಅನಾವರಣಗೊಳಿಸಲಾಗಿದೆ. ಈ ಬಸ್ಗಳು ಇದುವರೆಗೆ ಒಟ್ಟು 24 ಕೋಟಿ ಕಿಲೋಮೀಟರ್ಗಳನ್ನು ಕ್ರಮಿಸಿರುವುದು ವಿಶೇಷವಾಗಿದೆ.
)
)
)
)
)
;Resize=(128,128))
;Resize=(128,128))
;Resize=(128,128))
;Resize=(128,128))
;Resize=(128,128))