ವಾರಫಲ: ಡಿ.24 ರಿಂದ 30ರ ತನಕ ವರ್ಷದ ಕಡೆಯಲ್ಲಿ ಯಾರ ರಾಶಿ ಫಲ ಹೇಗಿವೆ ?

(24-12-23 ರಿಂದ 30-12-23)

ಮೇಷ ರಾಶಿ ಮುಂದಿನ ವಾರ ಅದ್ಭುತವಾದ ಶಕ್ತಿ ಮತ್ತು ಉತ್ಸಾಹವನ್ನು ಅನುಭವಿಸುವಿರಿ. ಬಹಳ ದಿನಗಳಿಂದ ಬಾಕಿ ಉಳಿದ ಹಣ ಹಿಂದಿರುಗಿ ಸಿಗುತ್ತದೆ. ನೀವು ಅನೇಕ ಸವಾಲುಗಳನ್ನು ಎದುರಿಸುತ್ತೀರಿ. ಆದರೆ ಒಂದು ಸಣ್ಣ ಪ್ರತಿಕ್ರಿಯೆ ಕೂಡ ದೊಡ್ಡ ಹಾನಿಯನ್ನುಂಟುಮಾಡುತ್ತದೆ. ಮನಸ್ಸು ಕೆಲವೊಮ್ಮೆ ನಿರಾಶೆಗೊಳ್ಳಬಹುದು. ಗಂಟಲಿನ ಸೋಂಕು ಉಂಟಾಗಬಹುದು. ರಾಹು-ಗುರು ಗ್ರಹಗಳು ಖರ್ಚು ಹೆಚ್ಚಿಸುತ್ತಾರೆ. ಇನ್ನೊಂದೆಡೆ ಧನಲಾಭವೂ ಸಿಗುತ್ತದೆ. ವಾರಾಂತ್ಯಕ್ಕೆ ವೃತ್ತಿ, ಆರೋಗ್ಯ ಕೌಟುಂಬಿಕ ಸೌಖ್ಯ ಎಲ್ಲವೂ ಚೆನ್ನಾಗಿರುತ್ತದೆ. ಯಾವುದಾದರೂ ಮುಖ್ಯವಾದ ಕೆಲಸಗಳಿದ್ದರೆ ಅದಕ್ಕೆ ತಯಾರಿ ಆರಂಭಿಸಲು ಇದು ಸಕಾಲ. 

ವೃಷಭ ರಾಶಿ ಆರ್ಥಿಕ ಪರಿಸ್ಥಿತಿ ಸುಧಾರಿಸಲಿದೆ. ಸಂಬಂಧವನ್ನು ಉತ್ತಮವಾಗಿಡಲು ನಿಮ್ಮ ವಿಶೇಷ ಕೊಡುಗೆ ಇರುತ್ತದೆ. ಮಕ್ಕಳ ಚಟುವಟಿಕೆಗಳ ಮೇಲೆ ನಿಗಾ ಇರಿಸಿ. ಸರಿಯಾದ ಮಾರ್ಗದರ್ಶನ ನೀಡುವುದು ನಿಮ್ಮ ಜವಾಬ್ದಾರಿ. ವಾರಾಂತ್ಯಕ್ಕೆ ಯಾವುದೇ ರೀತಿಯ ಪ್ರಯಾಣವನ್ನು ತಪ್ಪಿಸುವುದು ಉತ್ತಮ. ಪತಿ-ಪತ್ನಿ ಸಂಬಂಧವನ್ನು ಉತ್ತಮವಾಗಿರುತ್ತದೆ. ಮೂತ್ರಕೋಶಕ್ಕೆ ಸಂಬಂಧಿಸಿ ಸಮಸ್ಯೆಗಳು ಕಾಣುತ್ತದೆ. ಒಳ್ಳೆಯ ಕಾರ್ಯಗಳಿಗೆ ಹಣ ಖರ್ಚು ಮಾಡುತ್ತೀರಿ. ವಿದ್ಯಾ ಕ್ಷೇತ್ರದಲ್ಲಿ ಹಿನ್ನಡೆ ಇದೆ. ವೃತ್ತಿಸ್ಥಾನ ಭದ್ರವಾಗಿದೆ. ರಾಹುವಿನಿಂದ ಹಣದ ಹರಿವು ಉತ್ತಮವಾಗಿದೆ. ಯಾವುದೇ ಜಗಳ ಕಿರಿಕಿರಿ ಇಲ್ಲದೆ ಮನಸ್ಸಿಗೆ ನೆಮ್ಮದಿ. 

ಮಿಥುನ ರಾಶಿ : ಮನೆಗೆ ಅತಿಥಿಗಳು ಬರಬಹುದು. ಅವರನ್ನು ಸತ್ಕರಿಸಿ. ಇತರರನ್ನು ಟೀಕಿಸುವುದು ಒಳ್ಳೆಯದಲ್ಲ. ಯಾವಾಗ ಯಾರ ಸಹಾಯ ಬೇಕಾಗುತ್ತದೋ ಹೇಳುವುದು ಕಷ್ಟ. ಒಂದು ವೇಳೆ ಸಹಾಯದ ಅಗತ್ಯ ಇಲ್ಲದಿದ್ದರೂ ಇತರರ ಬಗ್ಗೆ ಋಣಾತ್ಮಕವಾಗಿ ಮಾತನಾಡುವುದು ನಿಮಗೆ ಒಳ್ಳೆಯದಲ್ಲ. ಹಣಕಾಸಿನ ವಿಷಯಗಳಲ್ಲಿ ಎಚ್ಚರಿಕೆಯನ್ನು ಕಾಪಾಡಿಕೊಳ್ಳಿ. ಪತಿ-ಪತ್ನಿ ಸಂಬಂಧ ಸಿಹಿಯಾಗಿರುತ್ತದೆ. ರಕ್ತದೊತ್ತಡದ ಸಮಸ್ಯೆ ಇರುವವರು ಸಂಪೂರ್ಣ ಕಾಳಜಿ ವಹಿಸಬೇಕು. ವಿವಾಹ ನಿಷ್ಕರ್ಷೆ ಆಗುವ ಸಂಭವ ಇದೆ. ವೃತ್ತಿಯಲ್ಲಿ ಯಶಸ್ಸು ಲಾಭ ಇದೆ. ಕೌಟುಂಬಿಕವಾಗಿ ಶಾಂತಿ ನೆಮ್ಮದಿ ಇದೆ. 

ಕಟಕ ರಾಶಿ : ಆತ್ಮವಿಶ್ವಾಸ ಮತ್ತು ಮನೋಬಲದಿಂದ ನೀವು ಹೊಸ ಯಶಸ್ಸನ್ನು ಸಾಧಿಸ ಬಹುದು. ಪ್ರಭಾವಿ ವ್ಯಕ್ತಿತ್ವವು ಹಣ ಸಂಪಾದಿಸುವ ಹೊಸ ಮಾರ್ಗಗಳನ್ನು ತೆರೆಯುತ್ತದೆ. ವಿಪರೀತ ಖರ್ಚು ಇರುತ್ತದೆ. ನಿಮ್ಮ ಆಸೆಗಳನ್ನು ನಿಯಂತ್ರಿಸಿ. ವ್ಯಾಪಾರದಲ್ಲಿ ಹೊಸ ಒಪ್ಪಂದವನ್ನು ಕಾಣಬಹುದು. ನಿಮ್ಮ ಸಂಗಾತಿಯೊಂದಿಗೆ ಯಾವುದೋ ವಿಷಯದ ಬಗ್ಗೆ ವಿವಾದ ಉಂಟಾಗಬಹುದು. ಕೌಟುಂಬಿಕ ಅಶಾಂತಿ, ಜಗಳ‌, ಮನಸ್ತಾಪ ನಿಮ್ಮನ್ನು ಹಣ್ಣು ಮಾಡುತ್ತದೆ. ನಿಮ್ಮ ಮಾತು ಯಾರೂ ಕೇಳಲು‌ ತಯಾರಿಲ್ಲ. ನಿಮ್ಮ ಮನಸ್ಸಿಗೆ ನೋವು ಕೊಡುವ ಘಟನೆಗಳು ಪದೇ ಪದೇ ನಡೆಯುತ್ತದೆ. ಇವೆಲ್ಲವನ್ನೂ ಮೀರಿದ ಒಂದು ಶಕ್ತಿ ನಿಮ್ಮನ್ನು ಕಾಯುತ್ತದೆ, ನಂಬಿಕೆ ಇಡಿ. 

ಸಿಂಹ ರಾಶಿ ಹಣ ಸಂಪಾದಿಸಬಹುದು. ಮುಂದಿನ ವಾರ ಯಾರಿಗಾದರೂ ಸಹಾಯ ಮಾಡುವ ಮೂಲಕ ನೀವು ಸಂತೋಷವನ್ನು ಅನುಭವಿಸುವಿರಿ. ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಯಶಸ್ವಿಯಾಗುತ್ತಾರೆ. ಸ್ನೇಹಿತರೊಂದಿಗೆ ನಿಮ್ಮ ಸಂಬಂಧ ಹದಗೆಡಬಹುದು. ಸಂಗಾತಿಯೊಂದಿಗೆ ಸ್ವಲ್ಪ ಭಿನ್ನಾಭಿಪ್ರಾಯ ಇರಬಹುದು. ವ್ಯಾಯಾಮ ಮತ್ತು ಯೋಗದತ್ತ ಗಮನ ಹರಿಸಿ. ಗುರು ಭಾಗ್ಯಸ್ಥಾನದಲ್ಲಿ‌ ಇರುವ ಕಾರಣ ಭಾಗ್ಯೋದಯವಾಗುವ ಸಮಯ. ‌ವೃತ್ತಿಯಲ್ಲಿ ಯಶಸ್ಸು, ಸಾಮಾಜಿಕ ಗೌರವ ಸ್ಥಾನಮಾನ ಎಲ್ಲವೂ ಸಿಗುತ್ತವೆ. ಆದರೆ ಕುಟುಂಬದಲ್ಲಿ ಕೊಂಚ ಅಶಾಂತಿ ಇರಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ಅಗತ್ಯ. 

ಕನ್ಯಾ ರಾಶಿ ಪ್ರಮುಖ ಮಾಹಿತಿಯನ್ನು ಪಡೆದುಕೊಳ್ಳಲು ವಾರದ ಬಹು ಸಮಯ ಮೀಸಲಿಡುವಿರಿ. ವೃತ್ತಿ, ಹವ್ಯಾಸಕ್ಕೆ ಸಂಬಂಧಿಸಿದ ವ್ಯಕ್ತಿಯೊಂದಿಗೆ ಸಂದರ್ಶನವಿರುತ್ತದೆ. ಮನಃಶಾಂತಿ ಇರುತ್ತದೆ. ಈ ವಾರ ನಿಮ್ಮ ವೈಯಕ್ತಿಕ ವಿಷಯಗಳನ್ನು ನಿರ್ಲಕ್ಷಿಸಬೇಡಿ. ನಿಮಗೆ ಭಾವನಾತ್ಮಕ ಬೆಂಬಲವೂ ಬೇಕಾಗುತ್ತದೆ. ನೀವು ವ್ಯಾಪಾರದಲ್ಲಿ ನಿರತರಾಗಿದ್ದರೂ ಕುಟುಂಬಕ್ಕಾಗಿ ಸಮಯವನ್ನು ಕೊಡಲು ಸಾಧ್ಯವಾಗುತ್ತದೆ. ಗ್ಯಾಸ್ ಮತ್ತು ಮಲಬದ್ಧತೆಯಂತಹ ಸಮಸ್ಯೆ ಕಾಣುತ್ತದೆ. ನಿಂತುಹೋಗಿದ್ದ ಕೆಲಸಗಳಿಗೆ ಚಾಲನೆ ಸಿಗುತ್ತದೆ. ವಿಘ್ನಗಳಾಗದಂತೆ ಕೆಲಸಗಳು ನಡೆಯುತ್ತವೆ. ವೈಯುಕ್ತಿಕವಾಗಿ ಕೊಂಚ ಕಿರಿಕಿರಿ ಇರುತ್ತದೆ. 

ತುಲಾ ರಾಶಿನಿಮ್ಮ ಸ್ವಭಾವದಲ್ಲಿ ಸಕಾರಾತ್ಮಕ ಬದಲಾವಣೆ ಇರುತ್ತದೆ. ಮನೆ ಹಿರಿಯರ ಆರೋಗ್ಯದ ಬಗ್ಗೆ ಕಾಳಜಿ ಇರಲಿ. ಆಸ್ಪತ್ರೆ ವಾಸದ ಸಾಧ್ಯತೆ. ತಲೆತಿರುಗುವಿಕೆಯಂಥಾ ಘಟನೆ ಸಂಭವಿಸಬಹುದು. ಕೌಟುಂಬಿಕ ವಾತಾವರಣ ಸಂತೋಷವಾಗಿರಬಹುದು. ಅತಿಯಾದ ಹಾಳಾದ ಆಹಾರ ಮತ್ತು ಕರಿದ ಆಹಾರವು ಯಕೃತ್ತಿನ ಸಮಸ್ಯೆ ಉಂಟು ಮಾಡುತ್ತದೆ. ಉಳಿದಂತೆ ಶುಭ ಫಲ ನಿರೀಕ್ಷಿಸಬಹುದು. ಜೀವನ ಸರಾಗವಾಗಿ ಮುನ್ನಡೆಯುತ್ತದೆ. ಅವಿವಾಹಿತರಿಗೆ ವಿವಾಹ ಯೋಗ, ನಿರುದ್ಯೋಗಿಗಳಿಗೆ ಉದ್ಯೋಗ ಪ್ರಾಪ್ತಿ ಇದೆ. ಪ್ರಮೋಷನ್ ಪದವಿ‌ ಅಧಿಕಾರ ದೊರಕುವ ಸಮಯ. ನಿಂತುಹೋಗಿದ್ದ ಕೆಲಸ ಕಾರ್ಯಗಳಿಗೆ ಚಾಲನೆ. 

ವೃಶ್ಚಿಕ ರಾಶಿ ಮುಂದಿನ ವಾರ ಧಾರ್ಮಿಕ ಮತ್ತು ಆಧ್ಯಾತ್ಮಿಕ ಕೆಲಸಗಳಲ್ಲಿ ಆಸಕ್ತಿ ಹೆಚ್ಚಾಗುತ್ತದೆ. ನಿಮ್ಮ ಕುಟುಂಬ ಸದಸ್ಯರೊಂದಿಗೆ ಚೈತನ್ಯವನ್ನು ಅನುಭವಿಸಿ ಮತ್ತು ಸಮಯ ಕಳೆಯಿರಿ. ನಿಮ್ಮ ಮಾತು ಮತ್ತು ಕೋಪವನ್ನು ನಿಯಂತ್ರಿಸಿ. ದಾಂಪತ್ಯದಲ್ಲಿ ಸ್ವಲ್ಪ ಒತ್ತಡ ಉಂಟಾಗಬಹುದು. ವಾಹನವನ್ನು ಎಚ್ಚರಿಕೆಯಿಂದ ಚಾಲನೆ ಮಾಡಿ. ಅಜಾಗರೂಕತೆಯಿಂದ ಅಪಾಯ ಸಂಭವಿಸಬಹುದು. ವಾರದ ಮಧ್ಯಭಾಗ ಮನಸ್ಸಿಗೆ ಕಸಿವಿಸಿ. ಮನೆಯಲ್ಲೇ ಒಂದು ಬಗೆಯ ಅಪರಿಚಿತ ಭಾವ ಮೂಡಬಹುದು.‌ ಮಾನಸಿಕ ಹಿಂಸೆ ಉಂಟಾಗುತ್ತದೆ. ‌ಧನಹಾನಿ, ಆರೋಗ್ಯಹಾನಿ‌ ಇದೆ. ಅವಮಾನ‌ವನ್ನು ಎದುರಿಸಿ ನಿಲ್ಲಿ.

ಧನಸ್ಸು ರಾಶಿ ಈ ವಾರ ಲಾಭದಾಯಕ. ಸಮಯವು ಸಂತೋಷದಿಂದ ಹಾದುಹೋಗುತ್ತದೆ ಇತರರ ದೃಷ್ಟಿಯಲ್ಲಿ, ನಿಮ್ಮ ಬಗೆಗಿನ ಅಭಿಪ್ರಾಯ ಸುಧಾರಿಸುತ್ತದೆ ಮತ್ತು ಸಂಬಂಧಗಳು ಬಲವಾಗಿ ಬೆಳೆಯುತ್ತದೆ. ಕೋಪವನ್ನು ನಿಯಂತ್ರಿಸಿ. ವ್ಯಾಪಾರಕ್ಕಾಗಿ ಪ್ರವಾಸಗಳನ್ನು ಕೈಗೊಳ್ಳುವಿರಿ. ಮಹಿಳೆಯರು ತಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕು. ಹಣ ಬರುವ ಯೋಗ ಇದೆ. ಸಂತಾನದಿಂದ ಸುಖಸಂತೋಷ ದೊರೆಯುತ್ತದೆ. ಆಸ್ತಿ ಕೊಳ್ಳುವ ಯೋಗ ಇದೆ. ವಿದ್ಯಾರ್ಥಿಗಳಿಗೆ ಶುಭ ಲಾಭ ಇದೆ. ವೈಯಕ್ತಿಕವಾಗಿ ಬಹಳ ಅಭಿವೃದ್ಧಿ ಸಾಧಿಸುವಿರಿ. ನೌಕರಿಯಲ್ಲಿ ಯಶಸ್ಸು ಇದೆ.‌ ಅವಿವಾಹಿತರಿಗೆ ವಿವಾಹ ಯೋಗ ಇದೆ.‌ ಒಳ್ಳೆಯ ಕೆಲಸ ಮಾಡಿ. 

ಮಕರ ರಾಶಿ ಮುಂದಿನ ವಾರ ಅದೃಷ್ಟ ನಿಮ್ಮೊಂದಿಗೆ ಸಹಕರಿಸುತ್ತಿದೆ. ವಿಶೇಷ ವ್ಯಕ್ತಿಗಳನ್ನು ಸಂದರ್ಶಿಸಬಹುದು. ಎಲ್ಲಾ ಅಡೆತಡೆಗಳನ್ನು ನಿವಾರಿಸುವ ಮೂಲಕ ನೀವು ಮುನ್ನಡೆಯಬಹುದು. ಕೆಲವೊಮ್ಮೆ ಅತಿಯಾಗಿ ಯೋಚಿಸುವುದು ಯಶಸ್ಸಿಗೆ ಕಾರಣವಾಗಬಹುದು. ಸ್ಥಗಿತಗೊಂಡಿರುವ ಸರ್ಕಾರಿ ಕಾರ್ಯಗಳನ್ನು ಪೂರ್ಣಗೊಳಿಸಲು ಹೆಚ್ಚು ಶ್ರಮಿಸಬೇಕಾಗುತ್ತದೆ. ಜೊತೆಗೆ ಒತ್ತಡ ಇರುತ್ತದೆ. ವ್ಯಾಪಾರದಲ್ಲಿ ಹೊಸ ಸಂಪರ್ಕಗಳು ಲಾಭದಾಯಕವಾಗಬಹುದು. ಯಾವುದೇ ವಿಚಾರದಲ್ಲಿ ನಿಮ್ಮ ಸಂಗಾತಿಯಿಂದ ಸಲಹೆ ಸಿಗಬಹುದು. ಪರಿಸರ ಬದಲಾವಣೆಯಿಂದಾಗಿ ಅಲರ್ಜಿಗಳು ಅಥವಾ ಸೋಂಕುಗಳು ಸಂಭವಿಸಬಹುದು. 

ಕುಂಭ ರಾಶಿ ಮುಂದಿನ ವಾರ ನಿಮ್ಮ ಕುಟುಂಬ ಮತ್ತು ವ್ಯವಹಾರದ ಜವಾಬ್ದಾರಿಗಳನ್ನು ನೀವು ಸರಿಯಾಗಿ ನಿಭಾಯಿಸಬಹುದು. ಖ್ಯಾತಿ ಮತ್ತು ಗೌರವವನ್ನು ಹೆಚ್ಚಿಸಬಹುದು. ಸಾಮಾಜಿಕ ಚಟುವಟಿಕೆಗಳಲ್ಲಿ ಭಾಗವಹಿಸುವಿರಿ. ಒಡಹುಟ್ಟಿದವರೊಂದಿಗಿನ ಸಂಬಂಧಗಳು ಸ್ವಲ್ಪ ಹದಗೆಡಬಹುದು. ಆದರೆ ನಿಮ್ಮ ಮಾತು ಮತ್ತು ಕೋಪವನ್ನು ನಿಯಂತ್ರಿಸಿ. ಸಹೋದ್ಯೋಗಿಗಳ ಸಹಕಾರವನ್ನು ಕಾಣಬಹುದು. ದಾಂಪತ್ಯದಲ್ಲಿ ನಿರಂತರ ಒತ್ತಡ ಉಂಟಾಗಬಹುದು. ಪರಿಸ್ಥಿತಿ ಕೊಂಚ ಗಂಭೀರವಾಗಿ ಏನೋ ಇದೆ. ಆದರೆ ಅದನ್ನು ಜಾಣ್ಮೆಯಿಂದ ನಿಭಾಯಿಸುವ ಕಲೆ ನಿಮಗೆ ತಿಳಿದಿದೆ. ಮಾನಸಿಕ ಕಿರಿಕಿರಿ, ಹಣಕಾಸು ಬಿಕ್ಕಟ್ಟು, ಕೌಟುಂಬಿಕ ಅಶಾಂತಿ ಮುಂತಾದವು ಇರುತ್ತದೆ. 

ಮೀನ ರಾಶಿ ವಿದ್ಯಾರ್ಥಿಗಳಿಗೆ ಯಶಸ್ವಿ ಸಮಯ. ಪಾಠದ ಕಡೆ ಗಮನ ಕೊಡಿ. ನಿಮ್ಮ ವ್ಯಕ್ತಿತ್ವದಲ್ಲಿ ಆಶ್ಚರ್ಯಕರ ಬದಲಾವಣೆ ಉಂಟಾಗುತ್ತದೆ. ಮನೆಯಲ್ಲಿ ಮಾತನಾಡುವುದು ಸಂಘರ್ಷದ ಸ್ಥಿತಿಗೆ ಕಾರಣವಾಗಬಹುದು. ಕೆಲವೊಮ್ಮೆ ನಿಮ್ಮ ಹಠಮಾರಿ ಸ್ವಭಾವವು ಇತರರಿಗೆ ತೊಂದರೆ ಉಂಟುಮಾಡಬಹುದು. ಆದ್ದರಿಂದ ಸ್ವಲ್ಪ ಸಹನೆ, ಸಂಯಮ ಕಾಪಾಡಿಕೊಳ್ಳಿ . ಸಂಗಾತಿಯ ಆರೋಗ್ಯದ ಬಗ್ಗೆ ಒತ್ತಡ ಇರಬಹುದು. ವ್ಯಾಯಾಮದಲ್ಲಿ ನಿರ್ಲಕ್ಷ್ಯ ಮಾಡಬೇಡಿ. ಖರ್ಚು ವೆಚ್ಚಗಳು ನಿಮ್ಮ ಹಿಡಿತ ಮೀರಿ ನಿಮಗೆ ಆತಂಕ ಉಂಟಾಗುತ್ತದೆ. ಅನಿರೀಕ್ಷಿತವಾಗಿ ಬಂದೆರಗುವ ಖರ್ಚು ಮಾನಸಿಕ ಕಿರುಕುಳ ನೆಮ್ಮದಿ ಕೆಡಿಸಬಹುದು.