)
)
)
ಸಾರಾಂಶ
ಬ್ಯಾಂಕಾಕ್ : ಪ್ರಕ್ಷುಬ್ಧ ವಾತಾವರಣದ ಪರಿಣಾಮ 229 ಜನರು ಪ್ರಯಾಣಿಸುತ್ತಿದ್ದ ವಿಮಾನ ಭಾರೀ ಕುಲುಕಾಟಕ್ಕೆ ಒಳಗಾಗಿ ಓರ್ವ ಪ್ರಯಾಣಿಕ ಸಾವನ್ನಪ್ಪಿ, 30 ಮಂದಿ ಗಾಯಗೊಂಡ ಘಟನೆ ಮಂಗಳವಾರ ನಡೆದಿದೆ. ಲಂಡನ್‌ನಿಂದ ಸಿಂಗಾಪುರಕ್ಕೆ ಪ್ರಯಾಣಿಸುತ್ತಿದ್ದ ಸಿಂಗಾಪುರ ಏರ್‌ಲೈನ್ಸ್‌ನಲ್ಲಿ ಈ ಘಟನೆ ನಡೆದಿದೆ.
ಪ್ರತಿಕೂಲ ವಾತಾವರಣದ ಪರಿಣಾಮ, ವಿಮಾನ ದಿಢೀರನೆ ಸಾವಿರಾರು ಅಡಿ ಕೆಳಗೆ ಕುಸಿಯುವ ಮತ್ತು ಭಾರೀ ಕುಲುಕಾಟಕ್ಕೆ ತುತ್ತಾಗುವ ಘಟನೆಗಳು ಹೊಸದಲ್ಲವಾದರೂ, ಇಂಥ ಘಟನೆಯಿಂದ ವಿಮಾನದೊಳಗೆ ಸಾವು ಸಂಭವಿಸುವ ಪ್ರಕರಣ ಅತ್ಯಂತ ವಿರಳ.ಏನಾಯ್ತು?:
211 ಪ್ರಯಾಣಿಕರು ಮತ್ತು 18 ಸಿಬ್ಬಂದಿ ಒಳಗೊಂಡ ಸಿಂಗಾಪುರ್‌ ಏರ್‌ಲೈನ್ಸ್‌ ವಿಮಾನ ಮಂಗಳವಾರ ಲಂಡನ್‌ನಿಂದ- ಸಿಂಗಾಪುರಕ್ಕೆ ಪ್ರಯಾಣಿಸುತ್ತಿತ್ತು. 37000 ಅಡಿ ಎತ್ತರದಲ್ಲಿ ಹಾರಾಡುತ್ತಿದ್ದ ವಿಮಾನ ಪ್ರಕ್ಷುಬ್ಧ ವಾತಾವರಣದ ಪರಿಣಾಮಕ್ಕೆ ತುತ್ತಾಗಿದೆ. ಈ ವೇಳೆ ಓರ್ವ ಪ್ರಯಾಣಿಕ ಸಾವನ್ನಪ್ಪಿದರೆ, ಇತರೆ ಹಲವರು ಗಾಯಗೊಂಡಿದ್ದಾರೆ.
ಈ ಹಿನ್ನೆಲೆಯಲ್ಲಿ ವಿಮಾನವನ್ನು ಬ್ಯಾಂಕಾಕ್‌ನ ಸುವರ್ಣಭೂಮಿ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಿಸಲಾಗಿದೆ. ಬಳಿಕ ಗಾಯಾಳುಗಳಿಗೆ ತುರ್ತು ಚಿಕಿತ್ಸೆ ನೀಡಿ ನಂತರ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ.ಘಟನೆಗೆ ಕಾರಣ ಏನು ಎಂದು ವಿಮಾನಯಾನ ಕಂಪನಿ ಹೇಳಿಲ್ಲವಾದರೂ, 37000 ಅಡಿ ಎತ್ತರದಲ್ಲಿ ಹಾರುತ್ತಿದ್ದ ವಿಮಾನ ಕೇವಲ 3 ನಿಮಿಷದ ಅವಧಿಯಲ್ಲಿ 31000 ಅಡಿಗೆ ಕುಸಿದಿರುವುದು ದಾಖಲೆಗಳಲ್ಲಿ ಕಂಡುಬಂದಿದೆ. ಅಂದರೆ ಏಕಾಏಕಿ 6000 ಅಡಿ ಕುಸಿತವಾಗಿದೆ. ಸಾಮಾನ್ಯವಾಗಿ ಏರ್‌ಪಾಕೆಟ್‌ ಎಂದು ಕರೆಯಲಾಗುವ ಸ್ಥಳಗಳಲ್ಲಿ ವಿಮಾನಗಳು ಹಾದುಹೋಗುವಾಗ ಈ ದುರ್ಘಟನೆ ಸಂಭವಿಸುತ್ತದೆ.
)
;Resize=(128,128))
)
;Resize=(128,128))
)