ಎಲ್ಲ ಪ್ರಕಾರದ ಕಲೆಗಳಿಗೆ ಮೂಲ ‘ಜನಪದ’: ರಂಗ ಕಲಾವಿದೆ ಸವಿತಕ್ಕ

ಕನ್ನಡಪ್ರಭ ವಾರ್ತೆ ಮಂಡ್ಯ

ನಗರದ ವಿವೇಕಾನಂದ ರಂಗ ಮಂದಿರದಲ್ಲಿ ಜನತಾ ಶಿಕ್ಷಣ ಟ್ರಸ್ಟ್, ಪಿಇಎಸ್ ವಿಜ್ಞಾನ, ಕಲಾ ಮತ್ತು ವಾಣಿಜ್ಯ ಕಾಲೇಜು ವತಿಯಿಂದ ನಿತ್ಯ ಸಚಿವ ಕೆ.ವಿ.ಶಂಕರಗೌಡರ 28ನೇ ವರ್ಷದ ಸ್ಮರಣಾರ್ಥ ನಡೆದ ರಾಜ್ಯ ಮಟ್ಟದ ಜನಪದ ಗೀತೆ ಸ್ಪರ್ಧೆಯನ್ನು ಉದ್ಘಾಟಿಸಿ ಮಾತನಾಡಿದರು.

ನಾವು ಜನಪದ ಗೀತೆ ಕಲಿತಿರುವುದರಿಂದ ನಮ್ಮನ್ನು ವೇದಿಕೆಗೆ ಆಹ್ವಾನಿಸುತ್ತಾರೆ. ಇದು ನಮಗೆ ಬಹಳ ಖುಷಿ ನೀಡುತ್ತದೆ. ಮುಂದಿನ ಪೀಳೆಗೆ ಜನಪದ ಬೆಳೆಸಬೇಕು. ಇಂದಲ್ಲ ನಾಳೆ ನಾವೆಲ್ಲ ಮರೆಯಾಗುತ್ತೇವೆ. ಆದರೆ, ಮುಂದಿನ ದಿನಗಳಲ್ಲಿ ಜನಪದ ಉಳಿಯಲು ನೀವು ವೇದಿಕೆಗಳಲ್ಲಿ ಜನಪದ ಹಾಡಬೇಕು ಎಂದರು.

ಪಾಶ್ಚಿಮಾತ್ಯ ಸಂಸ್ಕೃತಿಗೆ ಮಾರುಹೋಗುವುದರಿಂದ ಜನಪದ ಉಳಿಸಲು ಸಾಧ್ಯವಾಗದು. ಇನ್ನಾದರೂ ಮೂಲ ಜನಪದವನ್ನು ಉಳಿಸುವ ನಿಟ್ಟಿನಲ್ಲಿ ಸಂಘ ಸಂಸ್ಥೆಗಳೂ ಸಹ ಸಹಕಾರ ನೀಡಬೇಕು ಎಂದು ಕೋರಿದರು.

ನಮ್ಮ ತಾತಾ ಕೆ.ವಿ.ಶಂಕರಗೌಡ ಅವರು ಕಲಾವಿದರಾಗಿದ್ದರು. ನಮ್ಮ ಜೀವನವೇ ನಾಟಕ ರಂಗವಾಗಿದೆ. ನಾಟಕದಲ್ಲಿ ಯಾವ ಪಾತ್ರ ನಿರ್ವಹಿಸಬೇಕು ಎಂದು ತಿಳಿಯುತ್ತಿಲ್ಲ. ನಮ್ಮ ತಾತಾ ಮತ್ತು ಸಂಗಡಿಗರು ನಾಟಕ ಮಾಡಿ ಈ ಸಂಸ್ಥೆಯನ್ನು ಕಟ್ಟಿದ್ದಾರೆ ಎಂದು ಸ್ಮರಿಸಿದರು.

ಪ್ರಾಂಶುಪಾಲ ಡಾ.ಮಂಜುನಾಥ್, ರಾಷ್ಟ್ರೀಯ ಜನಪದ ಗಾಯಕ ರಮೇಶ್, ಆಕಾಶವಾಣಿ ಕಲಾವಿದ ಜಿ.ಜಿ. ನವೀನ್‌ಕುಮಾರ್, ಉಪನ್ಯಾಸಕ ಎಸ್.ಪಿ.ಕ್ಯಾತೇಗೌಡ, ಕಾಲೇಜಿನ ಸಾಂಸ್ಕೃತಿಕ ಸಮಿತಿ ಸಂಚಾಲಕಿ ಡಾ. ಜಿ. ಸವಿತಾ, ವಿದ್ಯಾರ್ಥಿ ಕ್ಷೇಮ ಸಮಿತಿ ಸಂಚಾಲಕ ಪ್ರೊ. ವೀರೇಶ್, ಪ್ರೊ. ನಂದೀಶ್ ಸೇರಿದಂತೆ ಹಲವರು ಭಾಗವಹಿಸಿದ್ದರು.ಜಾನಪದ ಗೀತೆಗಳನ್ನು ಏಕಾಗ್ರತೆಯಿಂದ ಕಲಿಯಬೇಕು. ಇಷ್ಟಪಟ್ಟು-ಕಷ್ಟಪಟ್ಟು ಗೀತೆಗಳ ಹಾಡುಗಾರಿಕೆಯನ್ನು ಕಲಿತು ಸಾಧನೆ ಮಾಡಬೇಕು. ನಾವು ಜನಪದಗೀತೆ ಹಾಡಲು ದೂರದ ಅಮೆರಿಕಾ, ದುಬೈ ಸೇರಿದಂತೆ ವಿವಿಧ ದೇಶಗಳಿಗೆ ಹೋಗಿದ್ದೇನೆ. ಮುಂದಿಯೂ ಹೋಗುತ್ತೇನೆ. ನೀವೂ ಹೋಗಿ ಜನಪದ ಗೀತೆ ಹಾಡಿ.