ಶಾಸಕರ ಭವನ ಕಿಲಾರೆ ಕೆಫೆ ಮಾಲೀಕ ಆತ್ಮಹತ್ಯೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ರಾಜಾಜಿನಗರ 2ನೇ ಹಂತದ ನಿವಾಸಿ ತಿಮ್ಮಣ್ಣ ಭಟ್‌ (40) ಮೃತ ದುರ್ದೈವಿ. ಮನೆಯಲ್ಲಿ ಮಂಗಳವಾರ ರಾತ್ರಿ ಊಟ ಮುಗಿಸಿದ ಬಳಿಕ ಕೋಣೆಗೆ ತೆರಳಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ತಿಮ್ಮಣ್ಣ ಮಾಡಿಕೊಂಡಿದ್ದಾರೆ. ಮೃತರ ಕೋಣೆಗೆ ಬುಧವಾರ ಬೆಳಗ್ಗೆ 7.30ಕ್ಕೆ ಅವರ ಕಾರು ಚಾಲಕ ತೆರಳಿದ್ದಾಗ ಘಟನೆ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಎಂದಿನಂತೆ ಮನೆಗೆ ಬೆಳಗ್ಗೆ 7.30ಕ್ಕೆ ಅವರನ್ನು ಕರೆದೊಯ್ಯಲು ಕಾರು ಚಾಲಕ ಬಂದಿದ್ದಾರೆ. ಆದರೆ ಕೋಣೆ ಬಾಗಿಲು ಬಂದ್ ಆಗಿತ್ತು. ಆಗ ರೂಮ್ ಬಾಗಿಲು ಬಡಿದಾಗಲೂ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ಕೊನೆಗೆ ಮೃತರ ಪತ್ನಿಗೆ ಚಾಲಕ ವಿಷಯ ತಿಳಿಸಿದ್ದಾನೆ. ತರುವಾಯ ಚಾಲಕನ ನೆರವು ಪಡೆದು ತಿಮ್ಮಣ್ಣ ಅವರ ಕೋಣೆ ಬಾಗಿಲನ್ನು ಒಡೆದು ಕುಟುಂಬ ಸದಸ್ಯರು ಒಳ ಪ್ರವೇಶಿಸಿದಾಗ ನೇಣಿನ ಕುಣಿಕೆಯಲ್ಲಿ ಮೃತದೇಹ ಪತ್ತೆಯಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಈ ಸಾಲ ಸಮಸ್ಯೆಯಿಂದ ಹೊರಲು ತೀವ್ರ ಪ್ರಯತ್ನಿಸಿದ್ದ ಅವರು, ಇತ್ತೀಚೆಗೆ ಇದೇ ಯಾತನೆಯಲ್ಲಿ ಖಿನ್ನತೆಗೊಳಾಗಿದ್ದರು. ತಮ್ಮ ಕಷ್ಟವನ್ನು ಸ್ನೇಹಿತರು ಹಾಗೂ ಕುಟುಂಬ ಸದಸ್ಯರ ಮುಂದೆ ಹೇಳಿಕೊಂಡು ಅವರು ಕಣ್ಣೀರಿಟ್ಟಿದ್ದರು. ಆಗೆಲ್ಲ ಸಮಸ್ಯೆ ಧೈರ್ಯವಾಗಿ ಎದುರಿಸೋಣ ಎಂದು ಅವರಿಗೆ ಕುಟುಂಬದವರು ಆತ್ಮವಿಶ್ವಾಸ ತುಂಬಿದ್ದರು. ಆದರೆ ಆ ಮಾತುಗಳು ಅವರಿಗೆ ಕೇಳಿಸದೆ ಹೋದವು. ಅಂತೆಯೇ ಮಂಗಳವಾರ ರಾತ್ರಿ ಸಹ ಪತ್ನಿ ಹಾಗೂ ಮಕ್ಕಳ ಜತೆ ಊಟ ಮಾಡುವಾಗಲೂ ಹಣಕಾಸು ವಿಚಾರ ಪ್ರಸ್ತಾಪವಾಗಿ ತಿಮ್ಮಣ್ಣ ನೊಂದು ಮಾತನಾಡಿದ್ದರು. ಆಗಲೂ ಅವರಿಗೆ ಪತ್ನಿ ಆಶಾ ಧೈರ್ಯ ಹೇಳಿದ್ದರು. ಆದರೆ ಇದೇ ನೋವಿನಲ್ಲಿ ಮಲಗಲು ತಮ್ಮ ಕೋಣೆಗೆ ತೆರಳಿದ ಅವರು ಬಳಿಕ ನೇಣಿನ ಕುಣಿಕೆಗೆ ಕೊರಳೊಡ್ಡಿದ್ದಾರೆ. ಮಹಡಿಯ ಕೋಣೆಯಲ್ಲಿ ಅವರ ಪತ್ನಿ ಹಾಗೂ ಮಕ್ಕಳು ಮಲಗಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.