ಹೈಡ್ ಆ್ಯಂಡ್ ಸೀಕ್‌ ಕತೆ ನನಗಿಷ್ಟ: ಧನ್ಯಾ ರಾಮ್‌ಕುಮಾರ್‌

ಅನೂಪ್‌ ರೇವಣ್ಣ ಮತ್ತು ಧನ್ಯಾ ರಾಮ್‌ಕುಮಾರ್‌ ನಟಿಸಿರುವ, ಪುನೀತ್ ನಾಗರಾಜು ನಿರ್ದೇಶನದ ‘ಹೈಡ್‌ ಆ್ಯಂಡ್‌ ಸೀಕ್‌’ ಸಿನಿಮಾ ಇಂದು(ಮಾ.15) ಬಿಡುಗಡೆ ಆಗುತ್ತಿದೆ. ಅನೂಪ್ ರೇವಣ್ಣ ಕಿಡ್ನಾಪರ್‌ ಪಾತ್ರದಲ್ಲಿ ನಟಿಸಿದ್ದಾರೆ. ಅವರದು ನೆಗೆಟಿನ್‌ ಶೇಡ್‌ನಲ್ಲಿ ಹೀರೋ ಪಾತ್ರ. ಈ ಪಾತ್ರದ ಮತ್ತು ಚಿತ್ರದ ಕುರಿತು ಅನೂಪ್‌ ಭರವಸೆ ಇಟ್ಟುಕೊಂಡಿದ್ದಾರೆ. ಧನ್ಯಾ ರಾಮ್‌ಕುಮಾರ್‌ ಬಿಸಿನೆಸ್‌ಮ್ಯಾನ್‌ ಮಗಳ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಈ ಸಿನಿಮಾ ಕುರಿತು ಧನ್ಯಾ ರಾಮ್‌ಕುಮಾರ್‌, ‘ನನಗೆ ಮಿಸ್ಟರಿ ಸಿನಿಮಾಗಳು ಇಷ್ಟ. ಈ ಚಿತ್ರದ ಕತೆ ಕೂಡ ತುಂಬಾ ಇಷ್ಟ. ಆಕರ್ಷಕವಾದ ರೀತಿಯಲ್ಲಿ ಈ ಸಿನಿಮಾ ಕಟ್ಟಿಕೊಟ್ಟಿದ್ದಾರೆ ನಿರ್ದೇಶಕರು. ಕಿಡ್ನಾಪ್‌ಗೊಳಗಾದ ಪಾತ್ರ ನನ್ನದು. ಈ ಸಿನಿಮಾದಲ್ಲಿ ಟ್ರಾವೆಲ್‌ ಕೂಡ ಇದೆ. ಒಳ್ಳೆಯ ಅನುಭವ ಕೊಟ್ಟ ಸಿನಿಮಾ, ಭರವಸೆ ಇಟ್ಟುಕೊಂಡಿದ್ದೇನೆ’ ಎನ್ನುತ್ತಾರೆ.ವಸಂತ್ ಎಂ.ಕುಲಕರ್ಣಿ ಹಾಗೂ ಪುನೀತ್ ನಾಗರಾಜು ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ. ಮೈತ್ರಿ ಜಗ್ಗಿ, ಸೂರಜ್, ಬಲ ರಾಜವಾಡಿ, ಕೃಷ್ಣ ಹೆಬ್ಬಾಳೆ, ರಾಜೇಶ್ ನಟರಂಗ, ಅರವಿಂದ ರಾವ್ ತಾರಾಗಣದಲ್ಲಿದ್ದಾರೆ. ರಿಯೋ ಪಿ.ಜಾನ್ ಛಾಯಾಗ್ರಹಣ, ಸ್ಯಾಂಡಿ ಅಡಾಂಕಿ ಸಂಗೀತ ಸಂಯೋಜನೆ ಚಿತ್ರಕ್ಕಿದೆ.