ರಾಜು ಅನಂತಸ್ವಾಮಿ ಹೆಸರಿನಲ್ಲಿ ಇಂದು ಸುಗಮ ಸಂಗೀತ ಸಂಜೆ

ಸುಗಮ ಸಂಗೀತ ಲೋಕದ ದಿಗ್ಗಜ, ಗಾಯಕ ರಾಜು ಅನಂತಸ್ವಾಮಿ ನೆನಪಿನಲ್ಲಿ ಅವರ ಹುಟ್ಟುಹಬ್ಬದ ಪ್ರಯುಕ್ತ ಇಂದು (ಏ.19) ‘ರಾಜು ದಿ ಲೆಜೆಂಡ್’ ಕಾರ್ಯಕ್ರಮ ಬೆಂಗಳೂರಿನ ಕೋಣನಕುಂಟೆ ಬಳಿಯ ಶ್ರೀಹರಿ ಖೋಡೆ ಆಡಿಟೋರಿಯಂನಲ್ಲಿ ನಡೆಯಲಿದೆ.

ಈ ಕುರಿತು ಅನನ್ಯ ಭಟ್‌, ‘ರಾಜು ಅನಂತಸ್ವಾಮಿ ಹಾಡುಗಳನ್ನು ಕೇಳಿ ಬೆಳೆದ ನನಗೆ ಅವರ ಹೆಸರಿನಲ್ಲೊಂದು ಕಾರ್ಯಕ್ರಮ ಮಾಡಬೇಕೆನಿಸಿತು. ರಾಜು ಅನಂತಸ್ವಾಮಿ ಅವರ ಹದಿನೆಂಟು ಹಾಡುಗಳ ಗಾಯನದ ಜತೆಗೆ ಆಧುನಿಕ ತಂತ್ರಜ್ಞಾನವಾದ ಎಐ ಮೂಲಕ ರಾಜು ಅನಂತಸ್ವಾಮಿ ಕುರಿತಾದ ವಿಷುಯಲ್ಸ್ ಪ್ರದರ್ಶನ ಕೂಡ ಮಾಡಲಿದ್ದೇವೆ’ ಎಂದರು. ಕಾರ್ಯಕ್ರಮದ ಟಿಕೆಟ್ ಬೆಲೆ 299 ರೂಪಾಯಿ.