ಬೀಗ ರಿಪೇರಿ ಮಾಡುವಾತನ ಮಗಳು ಶಾಲಿನಿಗೆ 10ನೇ ಸ್ಥಾನ

ಜಿ.ಸೋಮಶೇಖರ

ಪಟ್ಟಣದ ಗೊರ್ಲಿ ಶರಣಪ್ಪ ಸರ್ಕಾರಿ ಪದವಿಪೂರ್ವ ಕಾಲೇಜಿನ ದ್ವಿತೀಯ ಪಿಯುಸಿ ವಿದ್ಯಾರ್ಥಿನಿ ಶಾಲಿನ ಬಡ ಕೂಲಿಕಾರರ ಮಗಳು ಇಲ್ಲಿನ ಜೆಪಿ ನಗರದ ಆಶ್ರಯ ಕಾಲೋನಿಯಲ್ಲಿರುವ ಸಣ್ಣ ಕೋಣೆಯಂತಿರುವ ಮನೆಯಲ್ಲಿಯೇ ತಂದೆ ತಾಯಿಯೊಂದಿಗೆ ಇರುವ ಪ್ರತಿಭಾನ್ವಿತೆ ಶಾಲಿನಿ. ಈ ಸಲದ ಪಿಯುಸಿ ಕಲಾವಿಭಾಗದ ಪರೀಕ್ಷೆಯಲ್ಲಿ ಕನ್ನಡದಲ್ಲಿ 98, ಸಂಸ್ಕೃತ 99, ಐಚ್ಛಿಕ ಕನ್ನಡದಲ್ಲಿ 99, ಇತಿಹಾಸ 96, ರಾಜಕೀಯಶಾಸ್ತ್ರ 97, ಶಿಕ್ಷಣದಲ್ಲಿ 97 ಒಟ್ಟು 600ಕ್ಕೆ 586 ಅಂಕಗಳನ್ನು ಗಳಿಸಿ ರಾಜ್ಯಕ್ಕೆ 10ನೇ ಟಾಪರ್‌ ಆಗಿ ಹೊರ ಹೊಮ್ಮಿದ್ದಾಳೆ.

ಕೊಟ್ಟೂರಿನಲ್ಲಿ ಸರ್ಕಾರಿ ಪದವಿ ಕಾಲೇಜು ಇಲ್ಲದ ಕಾರಣಕ್ಕಾಗಿ ಮುಂದಿನ ಪದವಿ ಗಳಿಸಲು ಹರಪನಹಳ್ಳಿ ಅಥವಾ ಕೂಡ್ಲಿಗಿ ಕಾಲೇಜುಗಳಿಗೆ ತೆರಳಿ ಪ್ರವೇಶ ಪಡೆಯುವ ಪ್ರಯತ್ನ ನಡೆಸಿದ್ದಾಳೆ.

ಶಾಲಿನಿಗೆ ಅಭ್ಯಾಸ ಮಾಡಲು ಅನುಕೂಲವಾಗಲು ಮಹಾವಿದ್ಯಾಲಯದಲ್ಲಿನ ಗ್ರಂಥಾಲಯದಲ್ಲಿನ ಪುಸ್ತಕಗಳನ್ನು ನೀಡಿ ಪ್ರೋತ್ಸಾಹಿಸಿದೆವು. ಎಲ್ಲ ಅನುಕೂಲಗಳಿದ್ದರೂ ಸಾಧನೆ ತೋರದ ವಿದ್ಯಾರ್ಥಿಗಳ ಮಧ್ಯೆ ಶಾಲಿನಿ ತೋರಿರುವ ಸಾಧನೆ ಮಾದರಿಯಾದದ್ದು ಎನ್ನುತ್ತಾರೆ ಪ್ರಾರ್ಚಾರ ಡಾ.ಜಿ.ಸೋಮಶೇಖರ್‌.