ರಾಮಸೇತು ಆಂಜನೇಯನ ತಾಂತ್ರಿಕ ಶಕ್ತಿಗೆ ಸಂದ ಗೌರವ

ಕೊಟ್ಟೂರು: ರಾಮಸೇತು ಮಾನವ ನಿರ್ಮಿತ ಅಲ್ಲ ಎಂದು ಮೊಂಡುವಾದ ಮಾಡುತ್ತಿದ್ದವರೇ ಇತ್ತೀಚೆಗೆ ರಾಮಸೇತು ಖಂಡಿತ ಮಾನವ ನಿರ್ಮಿತ ಎಂದು ಹೇಳುತ್ತಿದ್ದಾರೆ. ಈ ಮೂಲಕ ರಾಮಾಯಣ ಕಾಲದ ವಾನರ ಸೇನೆಯ ನಾಯಕ ಆಂಜನೇಯ ನಿರ್ಮಾಣ ಮಾಡಿದ ಸೇತುವೆಯನ್ನು ಸದ್ದಿಲ್ಲದೆ ಒಪ್ಪಿಕೊಳ್ಳುತ್ತಿರುವುದು ಆಂಜನೇಯನ ತಾಂತ್ರಿಕ ಶಕ್ತಿಗೆ ಸಂದ ದೊಡ್ಡ ಗೌರವ ಎಂದು ಉಜ್ಜಯನಿ ಪೀಠದ ಸಿದ್ದಲಿಂಗ ರಾಜದೇಶೀಕೇಂದ್ರ ಶಿವಾಚಾರ್ಯರು ಹೇಳಿದರು.

ದೇವರನ್ನು ನಂಬದ ಕೆಲವರು ಆಂಜನೇಯ ಸ್ವಯಂ ನಿರ್ಮಿಸಿದ ಕನ್ಯಾಕುಮಾರಿಯಿಂದ ಶ್ರೀಲಂಕಾದಲ್ಲಿನ ಸೇತು ನಿರ್ಮಾಣದ ಬಗ್ಗೆ ಅನಗತ್ಯ ಅನುಮಾನ ವ್ಯಕ್ತಪಡಿಸುತ್ತಿದ್ದರು. ಆದರೆ ದಾಖಲೆಗಳನು ದೃಢವಾಗುತ್ತಿದ್ದಂತೆ ಕೆಲವರು ಇದೀಗ ರಾಮಸೇತು ನಿರ್ಮಾಣವನ್ನು ಸದ್ದಿಲ್ಲದೆ ಒಪ್ಪಿಕೊಂಡು ಹಿಂದೆ ಸರಿಯುತ್ತಿದ್ದಾರೆ ಎಂದರು.

ಎಡೆಯೂರಿನ ರೇಣುಕ ಶಿವಾಚಾರ್ಯ, ಕೆ.ಅಯ್ಯನಹಳ್ಳಿಯ ಡಾ.ಮಹೇಶ್ವರ ಶಿವಾಚಾರ್ಯ, ನಂದಿಪುರದ ಮಹೇಶ್ವರ ಶಿವಾಚಾರ್ಯ, ಕೂಡ್ಲಿಗಿಯ ಪ್ರಶಾಂತ ಸಾಗರ ಶಿವಾಚಾರ್ಯ ಸ್ವಾಮೀಜಿ ಮುಖಂಡ ಪಿ. ಎಚ್. ದೊಡ್ಡರಾಮಣ್ಣ ಮಾತನಾಡಿದರು.

ಎ.ಎಂ.ಶಿವಪ್ರಕಾಶ್‌ ಪ್ರಸ್ತಾಪಿಕವಾಗಿ ಮಾತನಾಡಿದರು. ವಿನಾಯಕ ಎಂ.ಜಿ. ಸ್ವಾಗತಿಸಿದರು. ಎ.ಎಂ.ಜೆ. ಮಲ್ಲಿಕಾರ್ಜುನ ವಂದಿಸಿದರು. ಮಲ್ಲಿಕಾರ್ಜುನ ಸ್ವಾಮಿ ಕಲ್ಮಠ ನಿರೂಪಿಸಿದರು.