ಅಧಿಕಾರಿಗಳಿಂದ ನರೇಗಾ ಕೂಲಿ ಕಾರ್ಮಿಕರ ದುರ್ಬಳಕೆ

ಕನ್ನಡಪ್ರಭ ವಾರ್ತೆ ಮಂಡ್ಯ

ಈ ಅಧಿಕಾರಿಗಳು ತಗ್ಗಹಳ್ಳಿ ಗ್ರಾಪಂ ವ್ಯಾಪ್ತಿಯ ಕೂಲಿ ಕಾರ್ಮಿಕರನ್ನು ಬಳಸಿಕೊಂಡು ತಗ್ಗಹಳ್ಳಿ, ಕಮ್ಮನಾಯಕನಹಳ್ಳಿ, ಮಲ್ಲಿಗೆರೆ, ಕೋಲಕಾರನದೊಡ್ಡಿ ಗ್ರಾಮಗಳ ವ್ಯಾಪ್ತಿಯಲ್ಲಿ ಕಾಲುವೆ ಅಭಿವೃದ್ಧಿ ಪಡಿಸುವುದಾಗಿ ಹಾಗೂ ಸಿಸಿ ಚರಂಡಿ ಅಭಿವೃದ್ಧಿ ಪಡಿಸಲು ಕ್ರಿಯಾಯೋಜನೆ ತಯಾರಿಸಿ ಕೂಲಿ ಕಾರ್ಮಿಕರಿಗೆ ಎನ್‌ಆರ್‌ಎಂ ನೀಡಿದ್ದಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

ಎನ್‌ಎಂಎಂಎಸ್ ಆಪ್‌ನಲ್ಲಿ ನಡೆದಿರುವ ಅವ್ಯವಹಾರಗಳ ತನಿಖೆ ನಡೆಸುವಂತೆ ದಾಖಲೆಗಳ ವಿವರಗಳನ್ನೆಲ್ಲಾ ಜಿಪಂ ಉಪ ಕಾರ್ಯದರ್ಶಿ ಅವರಿಗೆ ನೀಡಿದ್ದಾರೆ. ತಗ್ಗಹಳ್ಳಿ ಗ್ರಾಮದ ಲಿಂಗಯ್ಯನವರ ಗದ್ದೆಯಿಂದ ಯಲದಹಳ್ಳಿ ಮಂಜು ಗದ್ದೆಯವರೆಗೆ ಕಾಲುವೆ ಅಭಿವೃದ್ಧಿ, ತಗ್ಗಹಳ್ಳಿ ಗ್ರಾಮದ ಬಾಲರಾಜು ಗದ್ದೆಯಿಂದ ಮಾದೇಗೌಡರ ಜಮೀನಿನವರೆಗೆ ಕಾಲುವೆ ಅಭಿವೃದ್ಧಿ, ತಗ್ಗಹಳ್ಳಿ ಗ್ರಾಮದ ಟಿ.ಎಂ.ಪ್ರಸನ್ನರವರ ಗದ್ದೆಯಿಂದ ಕಬ್ಬನಹಳ್ಳಿ ಕೆರೆಯವರೆಗಿನ ಕಾಲುವೆ ಅಭಿವೃದ್ಧಿ, ತಗ್ಗಹಳ್ಳಿಯ ರೇವಣ್ಣ ಆರಾಧ್ಯರ ಗದ್ದೆಯಿಂದ ಟಿ.ಪಿ.ಸಿದ್ದೇಗೌಡರ ಪುಟ್ಟೇಗೌಡರ ಗದ್ದೆಯವರೆಗೆ ಕಾಲುವೆ ಅಭಿವೃದ್ಧಿ, ಮಲ್ಲೀಗೆರೆ ಗ್ರಾಮದ ವಿ.ಸಿ.ನಾಲೆ 14ನೇ ಗಿಡ್ಡದ ಗದ್ದೆಯಿಂದ ಕಿವಿ ಸಿದ್ದಯ್ಯನವರ ಗದ್ದೆಯವರೆಗೆ ಕಾಲುವೆ ಅಭಿವೃದ್ಧಿ, ತಗ್ಗಹಳ್ಳಿಯ ಹಳುವಾಡಿ ಮುಖ್ಯರಸ್ತೆಯಿಂದ ಮರೀಗೌಡರ ಗದ್ದೆಯವರೆಗಿನ ಕಾಲುವೆ ಅಭಿವೃದ್ಧಿ, ಕಮ್ಮನಾಯಕನಹಳ್ಳಿ ಮಾದೇಗೌಡರ ಆಲೆಮನೆಯಿಂದ ರವಿ ಅವರ ಖಾಲಿ ಜಾಗದವರೆಗೆ ಸಿಸಿ ಚರಂಡಿ ನಿರ್ಮಾಣ ಮಾಡಿರುವ ಕಾಮಗಾರಿಗಳನ್ನು ತನಿಖೆಗೆ ಒಳಪಡಿಸುವಂತೆ ಒತ್ತಾಯಿಸಿದ್ದಾರೆ.